নারাযণীয়ং দশক 91 - ভক্তিমহত্ত্বম্

শ্রীকৃষ্ণ ত্বত্পদোপাসনমভযতমং বদ্ধমিথ্য়ার্থদৃষ্টে- র্মর্ত্যস্য়ার্তস্য় মন্য়ে ব্যপসরতি ভয়ং যেন সর্বাত্মনৈব । যত্তাবত্ ত্বত্প্রণীতানিহ ভজনবিধীনাস্থিতো মোহমার্গে ধাবন্নপ্য়াবৃতাক্ষঃ স্খলতি ন কুহচিদ্দেবদেবাখিলাত্মন্ ॥1॥

ভূমন্ কায়েন বাচা মুহুরপি মনসা ত্বদ্বলপ্রেরিতাত্মা যদ্যত্ কুর্বে সমস্তং তদিহ পরতরে ত্বয়্যসাবর্পয়ামি । জাত্য়াপীহ শ্বপাকস্ত্বয়ি নিহিতমনঃকর্মবাগিংদ্রিয়ার্থ- প্রাণো বিশ্বং পুনীতে ন তু বিমুখমনাস্ত্বত্পদাদ্বিপ্রবর্য়ঃ ॥2॥

ভীতির্নাম দ্বিতীয়াদ্ভবতি ননু মনঃকল্পিতং চ দ্বিতীয়ং তেনৈক্য়াভ্য়াসশীলো হৃদযমিহ যথাশক্তি বুদ্ধ্য়া নিরুংধ্য়াম্ । মায়াবিদ্ধে তু তস্মিন্ পুনরপি ন তথা ভাতি মায়াধিনাথং তং ত্বাং ভক্ত্য়া মহত্য়া সততমনুভজনীশ ভীতিং বিজহ্য়াম্ ॥3॥

ভক্তেরুত্পত্তিবৃদ্ধী তব চরণজুষাং সংগমেনৈব পুংসা- মাসাদ্য়ে পুণ্যভাজাং শ্রিয় ইব জগতি শ্রীমতাং সংগমেন । তত্সংগো দেব ভূয়ান্মম খলু সততং তন্মুখাদুন্মিষদ্ভি- স্ত্বন্মাহাত্ম্যপ্রকারৈর্ভবতি চ সুদৃঢা ভক্তিরুদ্ধূতপাপা ॥4॥

শ্রেয়োমার্গেষু ভক্তাবধিকবহুমতির্জন্মকর্মাণি ভূয়ো গাযন্ ক্ষেমাণি নামান্যপি তদুভযতঃ প্রদ্রুতং প্রদ্রুতাত্মা । উদ্যদ্ধাসঃ কদাচিত্ কুহচিদপি রুদন্ ক্বাপি গর্জন্ প্রগায়- ন্নুন্মাদীব প্রনৃত্যন্নয়ি কুরু করুণাং লোকবাহ্যশ্চরেযম্ ॥5॥

ভূতান্য়েতানি ভূতাত্মকমপি সকলং পক্ষিমত্স্য়ান্ মৃগাদীন্ মর্ত্য়ান্ মিত্রাণি শত্রূনপি যমিতমতিস্ত্বন্ময়ান্য়ানমানি । ত্বত্সেবায়াং হি সিদ্ধ্য়েন্মম তব কৃপয়া ভক্তিদার্ঢ্য়ং বিরাগ- স্ত্বত্তত্ত্বস্য়াববোধোঽপি চ ভুবনপতে যত্নভেদং বিনৈব ॥6॥

নো মুহ্যন্ ক্ষুত্তৃডাদ্য়ৈর্ভবসরণিভবৈস্ত্বন্নিলীনাশযত্বা- চ্চিংতাসাতত্যশালী নিমিষলবমপি ত্বত্পদাদপ্রকংপঃ । ইষ্টানিষ্টেষু তুষ্টিব্যসনবিরহিতো মায়িকত্বাববোধা- জ্জ্য়োত্স্নাভিস্ত্বন্নখেংদোরধিকশিশিরিতেনাত্মনা সংচরেযম্ ॥7॥