Vishnu · Traditional devotional text · Source: vignanam.org (Traditional devotional text (public-domain shlokas))
আদৌ হৈরণ্যগর্ভীং তনুমবিকলজীবাত্মিকামাস্থিতস্ত্বং জীবত্বং প্রাপ্য় মায়াগুণগণখচিতো বর্তসে বিশ্বয়োনে । তত্রোদ্বৃদ্ধেন সত্ত্বেন তু গুণয়ুগলং ভক্তিভাবং গতেন ছিত্বা সত্ত্বং চ হিত্বা পুনরনুপহিতো বর্তিতাহে ত্বমেব ॥1॥
সত্ত্বোন্মেষাত্ কদাচিত্ খলু বিষযরসে দোষবোধেঽপি ভূমন্ ভূয়োঽপ্য়েষু প্রবৃত্তিস্সতমসি রজসি প্রোদ্ধতে দুর্নিবারা । চিত্তং তাবদ্গুণাশ্চ গ্রথিতমিহ মিথস্তানি সর্বাণি রোদ্ধুং তুর্য়ে ত্বয়্য়েকভক্তিশ্শরণমিতি ভবান্ হংসরূপী ন্যগাদীত্ ॥2॥
Offered for worship and study, not as prediction. Non-commercial.
More devotional texts
সংতি শ্রেয়াংসি ভূয়াংস্যপি রুচিভিদয়া কর্মিণাং নির্মিতানি ক্ষুদ্রানংদাশ্চ সাংতা বহুবিধগতয়ঃ কৃষ্ণ তেভ্য়ো ভবেয়ুঃ । ত্বং চাচখ্য়াথ সখ্য়ে ননু মহিততমাং শ্রেযসাং ভক্তিমেকাং ত্বদ্ভক্ত্য়ানংদতুল্য়ঃ খলু বিষযজুষাং সম্মদঃ কেন বা স্য়াত্ ॥3॥
ত্বত্ভক্ত্য়া তুষ্টবুদ্ধেঃ সুখমিহ চরতো বিচ্য়ুতাশস্য় চাশাঃ সর্বাঃ স্য়ুঃ সৌখ্যময়্য়ঃ সলিলকুহরগস্য়েব তোয়ৈকময়্য়ঃ । সোঽয়ং খল্বিংদ্রলোকং কমলজভবনং যোগসিদ্ধীশ্চ হৃদ্য়াঃ নাকাংক্ষত্য়েতদাস্তাং স্বযমনুপতিতে মোক্ষসৌখ্য়েঽপ্যনীহঃ ॥4॥
ত্বদ্ভক্তো বাধ্যমানোঽপি চ বিষযরসৈরিংদ্রিয়াশাংতিহেতো- র্ভক্ত্য়ৈবাক্রম্যমাণৈঃ পুনরপি খলু তৈর্দুর্বলৈর্নাভিজয়্য়ঃ । সপ্তার্চির্দীপিতার্চির্দহতি কিল যথা ভূরিদারুপ্রপংচং ত্বদ্ভক্ত্য়োঘে তথৈব প্রদহতি দুরিতং দুর্মদঃ ক্বেংদ্রিয়াণাম্ ॥5॥
চিত্তার্দ্রীভাবমুচ্চৈর্বপুষি চ পুলকং হর্ষবাষ্পং চ হিত্বা চিত্তং শুদ্ধ্য়েত্কথং বা কিমু বহুতপসা বিদ্যয়া বীতভক্তেঃ । ত্বদ্গাথাস্বাদসিদ্ধাংজনসততমরীমৃজ্যমানোঽযমাত্মা চক্ষুর্বত্তত্ত্বসূক্ষ্মং ভজতি ন তু তথাঽভ্যস্তয়া তর্ককোট্য়া॥6॥
ধ্য়ানং তে শীলয়েয়ং সমতনুসুখবদ্ধাসনো নাসিকাগ্র- ন্যস্তাক্ষঃ পূরকাদ্য়ৈর্জিতপবনপথশ্চিত্তপদ্মং ত্ববাংচম্। ঊর্ধ্বাগ্রং ভাবয়িত্বা রবিবিধুশিখিনঃ সংবিচিংত্য়োপরিষ্টাত্ তত্রস্থং ভাবয়ে ত্বাং সজলজলধরশ্য়ামলং কোমলাংগম্ ॥7॥
আনীলশ্লক্ষ্ণকেশং জ্বলিতমকরসত্কুংডলং মংদহাস- স্য়ংদার্দ্রং কৌস্তুভশ্রীপরিগতবনমালোরুহারাভিরামম্ । শ্রীবত্সাংকং সুবাহুং মৃদুলসদুদরং কাংচনচ্ছাযচেলং চারুস্নিগ্ধোরুমংভোরুহললিতপদং ভাবয়েঽহং ভবংতম্ ॥8॥
সর্বাংগেষ্বংগ রংগত্কুতুকমিতি মুহুর্ধারযন্নীশ চিত্তং তত্রাপ্য়েকত্র যুংজে বদনসরসিজে সুংদরে মংদহাসে তত্রালীনং তু চেতঃ পরমসুখচিদদ্বৈতরূপে বিতন্ব- ন্নন্যন্নো চিংতয়েয়ং মুহুরিতি সমুপারূঢয়োগো ভবেযম্ ॥9॥
ইত্থং ত্বদ্ধ্য়ানয়োগে সতি পুনরণিমাদ্যষ্টসংসিদ্ধযস্তাঃ দূরশ্রুত্য়াদয়োঽপি হ্যহমহমিকয়া সংপতেয়ুর্মুরারে । ত্বত্সংপ্রাপ্তৌ বিলংবাবহমখিলমিদং নাদ্রিয়ে কাময়েঽহং ত্বামেবানংদপূর্ণং পবনপুরপতে পাহি মাং সর্বতাপাত্ ॥10॥
Browse Related Categories: