Adi Shankaracharya · Traditional devotional text · Source: vignanam.org (Traditional devotional text (public-domain shlokas))
প্রাতঃ স্মরামি হৃদি সংস্ফুরদাত্মতত্ত্বং সচ্চিত্সুখং পরমহংসগতিং তুরীযম্ । যত্স্বপ্নজাগরসুষুপ্তমবৈতি নিত্য়ং তদ্ব্রহ্ম নিষ্কলমহং ন চ ভূতসংঘঃ ॥ 1 ॥
প্রাতর্ভজামি মনসাং বচসামগম্য়ং বাচো বিভাংতি নিখিলা যদনুগ্রহেণ । যন্নেতিনেতি বচনৈর্নিগমা অবোচুঃ তং দেবদেবমজমচ্য়ুতমাহুরগ্র্যম্ ॥ 2 ॥
প্রাতর্নমামি তমসঃ পরমর্কবর্ণং পূর্ণং সনাতনপদং পুরুষোত্তমাখ্যম্ । যস্মিন্নিদং জগদশেষমশেষমূর্তৌ রজ্জ্বাং ভুজংগম ইব প্রতিভাসিতং বৈ ॥ 3 ॥
শ্লোকত্রযমিদং পুণ্য়ং লোকত্রযবিভূষণম্ প্রাতঃ কালে পঠেদ্যস্তু স গচ্ছেত্পরমং পদম্ ॥
Browse Related Categories:
Offered for worship and study, not as prediction. Non-commercial.