Nitya Parayana · Traditional devotional text · Source: vignanam.org (Traditional devotional text (public-domain shlokas))
রত্নৈঃ কল্পিতমাসনং হিমজলৈঃ স্নানং চ দিব্য়াংবরং নানারত্ন বিভূষিতং মৃগমদা মোদাংকিতং চংদনম্ । জাতী চংপক বিল্বপত্র রচিতং পুষ্পং চ ধূপং তথা দীপং দেব দয়ানিধে পশুপতে হৃত্কল্পিতং গৃহ্যতাম্ ॥ 1 ॥
সৌবর্ণে নবরত্নখংড রচিতে পাত্রে ঘৃতং পাযসং ভক্ষ্য়ং পংচবিধং পয়োদধিয়ুতং রংভাফলং পানকম্ । শাকানাময়ুতং জলং রুচিকরং কর্পূর খংডোজ্জ্চলং তাংবূলং মনসা ময়া বিরচিতং ভক্ত্য়া প্রভো স্বীকুরু ॥ 2 ॥
ছত্রং চামরয়োর্য়ুগং ব্যজনকং চাদর্শকং নির্মলং বীণা ভেরি মৃদংগ কাহলকলা গীতং চ নৃত্য়ং তথা । সাষ্টাংগং প্রণতিঃ স্তুতি-র্বহুবিধা-হ্য়েতত্-সমস্তং ময়া সংকল্পেন সমর্পিতং তব বিভো পূজাং গৃহাণ প্রভো ॥ 3 ॥
আত্মা ত্বং গিরিজা মতিঃ সহচরাঃ প্রাণাঃ শরীরং গৃহং পূজা তে বিষয়োপভোগ-রচনা নিদ্রা সমাধিস্থিতিঃ । সংচারঃ পদয়োঃ প্রদক্ষিণবিধিঃ স্তোত্রাণি সর্বা গিরো যদ্যত্কর্ম করোমি তত্তদখিলং শংভো তবারাধনম্ ॥ 4 ॥
কর চরণ কৃতং বাক্কাযজং কর্মজং বা শ্রবণ নযনজং বা মানসং বাপরাধম্ । বিহিতমবিহিতং বা সর্বমেতত্-ক্ষমস্ব জয় জয় করুণাব্ধে শ্রী মহাদেব শংভো ॥ 5 ॥
Browse Related Categories:
Offered for worship and study, not as prediction. Non-commercial.