Shiva · Traditional devotional text · Source: vignanam.org (Traditional devotional text (public-domain shlokas))
పూర్వాంగ పూజా శుచిః అపవిత్రః పవిత్రో వా సర్వావస్థాం గతోఽపి వా । యః స్మరేత్ పుండరీకాక్షం స బాహ్యాభ్యంతరః శుచిః ॥ పుండరీకాక్ష పుండరీకాక్ష పుండరీకాక్షాయ నమః ॥
ప్రార్థనా శుక్లాంబరధరం-విఀష్ణుం శశివర్ణం చతుర్భుజమ్ । ప్రసన్నవదనం ధ్యాయేత్ సర్వవిఘ్నోపశాంతయే ॥ అగజానన పద్మార్కం గజాననమహర్నిశమ్ । అనేకదం తం భక్తానాం ఏకదంతముపాస్మహే ॥
దే॒వీం-వాఀచ॑మజనయంత దే॒వాస్తాం-విఀ॒శ్వరూ॑పాః ప॒శవో॑ వదంతి । సా నో॑ మం॒ద్రేష॒మూర్జం॒ దుహా॑నా ధే॒నుర్వాగ॒స్మానుప॒ సుష్టు॒తైతు॑ ॥
యః శివో నామ రూపాభ్యాం-యాఀ దేవీ సర్వమంగళా । తయోః సంస్మరణాన్నిత్యం సర్వదా జయ మంగళమ్ ॥
తదేవ లగ్నం సుదినం తదేవ తారాబలం చంద్రబలం తదేవ । విద్యాబలం దైవబలం తదేవ లక్ష్మీపతే తేఽంఘ్రియుగం స్మరామి ॥
గురుర్బ్రహ్మా గురుర్విష్ణుః గురుర్దేవో మహేశ్వరః । గురుః సాక్షాత్ పరబ్రహ్మ తస్మై శ్రీగురవే నమః ॥
లాభస్తేషాం జయస్తేషాం కుతస్తేషాం పరాభవః । ఏషామిందీవరశ్యామో హృదయస్థో జనార్దనః ॥
సర్వమంగళ మాంగళ్యే శివే సర్వార్థసాధికే । శరణ్యే త్ర్యంబకే గౌరీ నారాయణి నమోఽస్తు తే ॥
Offered for worship and study, not as prediction. Non-commercial.
శ్రీలక్ష్మీనారాయణాభ్యాం నమః । ఉమామహేశ్వరాభ్యాం నమః । వాణీహిరణ్యగర్భాభ్యాం నమః । శచీపురందరాభ్యాం నమః । అరుంధతీవసిష్ఠాభ్యాం నమః । శ్రీసీతారామాభ్యాం నమః । మాతాపితృభ్యో నమః । సర్వేభ్యో మహాజనేభ్యో నమః ।
కర్పూర గౌరం కరుణావతారం సంసారసారం భుజగేంద్ర హారమ్ । సదా రమంతం హృదయారవిందే భవం భవానీ సహితం నమామి ॥
వాగర్థావివ సంపృక్తౌ వాగర్థ ప్రతిపత్తయే । జగతః పితరౌ వందే పార్వతీ పరమేశ్వరౌ ॥
వందే మహేశం సురసిద్ధసేవితం దేవాంగనా గీత సునృత్య తుష్టమ్ । పర్యంకగం శైలసుతాసమేతం కల్పద్రుమారణ్యగతం ప్రసన్నమ్ ॥
ఆపాతాళ-నభఃస్థలాంత-భువన-బ్రహ్మాండ-మావిస్ఫురత్- జ్యోతిః స్ఫాటిక-లింగ-మౌళి-విలసత్-పూర్ణేందు-వాంతామృతైః । అస్తోకాప్లుత-మేక-మీశ-మనిశం రుద్రాను-వాకాంజపన్ ధ్యాయే-దీప్సిత-సిద్ధయే ధ్రువపదం-విఀప్రోఽభిషించే-చ్చివమ్ ॥
బ్రహ్మాండ వ్యాప్తదేహా భసిత హిమరుచా భాసమానా భుజంగైః కంఠే కాలాః కపర్దాః కలిత-శశికలా-శ్చండ కోదండ హస్తాః । త్ర్యక్షా రుద్రాక్షమాలాః ప్రకటితవిభవాః శాంభవా మూర్తిభేదాః రుద్రాః శ్రీరుద్రసూక్త-ప్రకటితవిభవా నః ప్రయచ్చంతు సౌఖ్యమ్ ॥
దీపారాధనం దీపస్త్వం బ్రహ్మరూపోఽసి జ్యోతిషాం ప్రభురవ్యయః । సౌభాగ్యం దేహి పుత్రాంశ్చ సర్వాన్కామాంశ్చ దేహి మే ॥ భో దీప దేవి రూపస్త్వం కర్మసాక్షీ హ్యవిఘ్నకృత్ । యావత్పూజాం కరిష్యామి తావత్త్వం సుస్థిరో భవ ॥ దీపారాధన ముహూర్తః సుముహూర్తోఽస్తు ॥ పూజార్థే హరిద్రా కుంకుమ విలేపనం కరిష్యే ॥
ఆచమ్య ఓం కేశవాయ స్వాహా । ఓం నారాయణాయ స్వాహా । ఓం మాధవాయ స్వాహా । ఓం గోవిందాయ నమః । ఓం-విఀష్ణవే నమః । ఓం మధుసూదనాయ నమః । ఓం త్రివిక్రమాయ నమః । ఓం-వాఀమనాయ నమః । ఓం శ్రీధరాయ నమః । ఓం హృషీకేశాయ నమః । ఓం పద్మనాభాయ నమః । ఓం దామోదరాయ నమః । ఓం సంకర్షణాయ నమః । ఓం-వాఀసుదేవాయ నమః । ఓం ప్రద్యుమ్నాయ నమః । ఓం అనిరుద్ధాయ నమః । ఓం పురుషోత్తమాయ నమః । ఓం అధోక్షజాయ నమః । ఓం నారసింహాయ నమః । ఓం అచ్యుతాయ నమః । ఓం జనార్దనాయ నమః । ఓం ఉపేంద్రాయ నమః । ఓం హరయే నమః । ఓం శ్రీకృష్ణాయ నమః ।
భూతోచ్చాటనం ఉత్తిష్ఠంతు భూతపిశాచాః య ఏతే భూమి భారకాః । ఏతేషామవిరోధేన బ్రహ్మకర్మ సమారభే ॥ అపసర్పంతు తే భూతా యే భూతా భూమిసంస్థితాః । యే భూతా విఘ్నకర్తారస్తే గచ్ఛంతు శివాఽజ్ఞయా ॥
ప్రాణాయామం ఓం భూః ఓం భువః॑ ఓగ్‍ం సువః॑ ఓం మహః॑ ఓం జనః॑ ఓం తపః॑ ఓగ్‍ం సత్యమ్ । ఓం తత్స॑వి॒తుర్వరే᳚ణ్యం॒ భర్గో॑ దే॒వస్య॑ ధీమహి । ధియో॒ యో నః॑ ప్రచో॒దయా᳚త్ ॥ ఓమాపో॒ జ్యోతీ॒ రసో॒ఽమృతం॒ బ్రహ్మ॒ భూర్భువ॒స్సువ॒రోమ్ ॥
సంకల్పం మమోపాత్త సమస్త దురితక్షయద్వారా శ్రీ పరమేశ్వర ప్రీత్యర్థం, శుభే శోభనే ముహూర్తే ఆద్యబ్రహ్మణః ద్వితీయ పరార్ధే శ్వేతవరాహ కల్పే వైవస్వత మన్వంతరే అష్టావింశతి తమే కలియుగే ప్రథమే పాదే జంబూద్వీపే భారతవర్షే భరతఖండే మేరోః దక్షిణే పార్శ్వే శకాబ్దే అస్మిన్ వర్తమానే వ్యవహారికే ప్రభవాది షష్ఠ్యాః సంవఀథ్సరాణాం మద్ధ్యే ......... నామసంవఀథ్సరే ......ఽయనే .......... ఋతౌ ........ మాసే ............పక్షే .......... శుభతిథౌ. .............. వాసరయుక్తాయాం ............. నక్షత్రయుక్తాయాం, శుభయోగ శుభకరణ ఏవం గుణ సకల విశేషణ విశిష్టాయాం అస్యాం ...........శుభతిథౌ మమోపాత్త సమస్త దురితక్షయద్వారా శ్రీ పరమేశ్వర ప్రీత్యర్థం .......... నక్షత్రే .......రాశౌ జాతస్య ..........శర్మణః మమ .......... నక్షత్రే ...............రాశౌ .............జాతయాః మమ ధర్మపత్న్యాశ్చ ఆవయోః సకుటుంబయోః ............... సపుత్రకయోః సబంధువర్గయోః సాశ్రిత-జనయోశ్చ క్షేమ-స్థైర్య-వీర్య-విజయ, ఆయురారోగ్య-ఐశ్వర్యాణాం అభివృద్ధ్యర్థం, ధర్మార్థ-కామ-మోక్ష-చతుర్విధ ఫలపురుషార్థ సిద్ధ్యర్థం, సర్వారిష్ట శాంత్యర్థం, సర్వాభీష్ట సిద్ధ్యర్థం, సపరివార సోమాస్కంద పరమేశ్వర చరణారవిందయోః అచంచల-నిష్కపట-భక్తి సిద్ధ్యర్థం, యావచ్ఛక్తి పరివార సహిత రుద్రవిధానేన ధ్యాన-ఆవాహనాది-షోడశోపచార-పూజా పురస్సరం మహాన్యాసజప (లఘున్యాసజప) రుద్రాభిషేక-అర్చ్చనాది సహిత సాంబశివ పూజాం కరిష్యే । తదంగం కలశ-శంఖ-ఆత్మ-పీఠ-పూజాం చ కరిష్యే । (ద్వి)
(నిర్విఘ్న పూజా పరిసమాప్త్యర్థం ఆదౌ శ్రీమహాగణపతి పూజాం కరిష్యే ।) శ్రీ మహాగణపతి పూజా ॥
తదంగ కలశారాధనం కరిష్యే ।
కలశారాధనం కలశే గంధ పుష్పాక్షతైరభ్యర్చ్య । కలశే ఉదకం పూరయిత్వా । కలశస్యోపరి హస్తం నిధాయ ।
కలశస్య ముఖే విష్ణుః కంఠే రుద్రః సమాశ్రితః । మూలే త్వస్య స్థితో బ్రహ్మా మధ్యే మాతృగణాః స్మృతా ॥
కుక్షౌ తు సాగరాః సర్వే సప్తద్వీపా వసుంధరా । ఋగ్వేదోఽథ యజుర్వేదో సామవేదో హ్యథర్వణః ॥ అంగైశ్చ సహితాః సర్వే కలశాంబు సమాశ్రితాః ।
ఓం ఆక॒లశే᳚షు ధావతి ప॒విత్రే॒ పరి॑షిచ్యతే । ఉ॒క్థైర్య॒జ్ఞేషు॑ వర్ధతే ।
ఆపో॒ వా ఇ॒దగ్ం సర్వం॒-విఀశ్వా॑ భూ॒తాన్యాపః॑ ప్రా॒ణా వా ఆపః॑ ప॒శవ॒ ఆపోఽన్న॒మాపోఽమృ॑త॒మాపః॑ స॒మ్రాడాపో॑ వి॒రాడాపః॑ స్వ॒రాడాప॒శ్ఛందా॒గ్॒స్యాపో॒ జ్యోతీ॒గ్॒ష్యాపో॒ యజూ॒గ్॒ష్యాపః॑ స॒త్యమాపః॒ సర్వా॑ దే॒వతా॒ ఆపో॒ భూర్భువః॒ సువ॒రాప॒ ఓమ్ ॥
గంగే చ యమునే చైవ గోదావరీ సరస్వతీ । నర్మదే సింధు కావేరీ జలేఽస్మిన్ సన్నిధిం కురు ॥ కావేరీ తుంగభద్రా చ కృష్ణవేణీ చ గౌతమీ । భాగీరథీతి విఖ్యాతాః పంచగంగాః ప్రకీర్తితాః ॥
ఆయాంతు శ్రీ శివపూజార్థం మమ దురితక్షయకారకాః । ఓం భూర్భువస్సువో భూర్భువస్సువో భూర్భువస్సువః ॥ ఓం ఓం ఓం కలశోదకేన పూజా ద్రవ్యాణి సంప్రోక్ష్య, దేవం సంప్రోక్ష్య, ఆత్మానం చ సంప్రోక్ష్య ॥
పంచకలశ స్థాపనం పశ్చిమం స॒ద్యో జా॒తం ప్ర॑పద్యా॒మి॒ స॒ద్యో జా॒తాయ॒ వై నమో॒ నమః॑ । భ॒వే భ॑వే॒ నాతి॑భవే భవస్వ॒ మామ్ । భ॒వోద్భ॑వాయ॒ నమః॑ ॥ ఓం భూర్భువ॒స్సువ॒రోమ్ । అస్మిన్ పశ్చిమకలశే సద్యోజాతం ధ్యాయామి । ఆవాహయామి ।
ఉత్తరం వా॒మ॒దే॒వాయ॒ నమో᳚ జ్యే॒ష్ఠాయ॒ నమః॑ శ్రే॒ష్ఠాయ॒ నమో॑ రు॒ద్రాయ॒ నమః॒ కాలా॑య॒ నమః॒ కల॑వికరణాయ నమో॒ బల॑వికరణాయ॒ నమో॒ బలా॑య॒ నమో॒ బల॑ప్రమథనాయ॒ నమః॒ సర్వ॑భూతదమనాయ॒ నమో॑ మ॒నోన్మ॑నాయ॒ నమః॑ । ఓం భూర్భువ॒స్సువ॒రోమ్ । అస్మిన్ ఉత్తరకలశే వామదేవం ధ్యాయామి । ఆవాహయామి ।
దక్షిణం అ॒ఘోరే᳚భ్యో ఽథ॒ఘోరే᳚భ్యో॒ ఘోర॒ఘోర॑తరేభ్యః । సర్వే᳚భ్యః సర్వ॒శర్వే᳚భ్యో॒ నమ॑స్తే అస్తు రు॒ద్రరూ॑పేభ్యః ॥ ఓం భూర్భువ॒స్సువ॒రోమ్ । అస్మిన్ దక్షిణకలశే అఘోరం ధ్యాయామి । ఆవాహయామి ।
పూర్వం ఓం తత్పురు॑షాయ వి॒ద్మహే॑ మహాదే॒వాయ॑ ధీమహి । తన్నో॑ రుద్రః ప్రచో॒దయా᳚త్ ॥ ఓం భూర్భువ॒స్సువ॒రోమ్ । అస్మిన్ పూర్వకలశే తత్పురుషం ధ్యాయామి । ఆవాహయామి ।
మద్ధ్యమం ఈశానః సర్వ॑విద్యా॒నా॒-మీశ్వరః సర్వ॑భూతా॒నాం॒ బ్రహ్మాధి॑పతి॒ ర్బ్రహ్మ॒ణోఽధి॑పతి॒ ర్బ్రహ్మా॑ శి॒వో మే॑ అస్తు సదాశివోమ్ ॥ ఓం భూర్భువ॒స్సువ॒రోమ్ । అస్మిన్ మద్ధ్యమ కలశే ఈశానం ధ్యాయామి । ఆవాహయామి ।
ప్రాణప్రతిష్ఠా ఓం అసు॑నీతే॒ పున॑ర॒స్మాసు॒ చక్షుః॒ పునః॑ ప్రా॒ణమి॒హ నో᳚ ధేహి॒ భోగ᳚మ్ । జ్యోక్ప॑శ్యేమ॒ సూర్య॑ము॒చ్చరం᳚త॒ మను॑మతే మృ॒డయా᳚ నః స్వ॒స్తి ॥ అ॒మృతం॒-వైఀ ప్రా॒ణా అ॒మృత॒మాపః॑ ప్రా॒ణానే॒వ య॑థాస్థా॒నముప॑హ్వయతే ॥
స్వామిన్ సర్వజగన్నాథ యావత్ పూజావసానకమ్ । తావత్ త్వం ప్రీతిభావేన లింగేఽస్మిన్ సంన్నిధిం కురు ॥
ఓం త్ర్యం॑బకం-యఀజామహే సుగం॒ధిం పు॑ష్టి॒ వర్ధ॑నమ్ । ఉ॒ర్వా॒రు॒కమి॑వ॒ బంధ॑నాన్మృ॒త్యోర్ము॑క్షీయ॒ మాఽమృతా᳚త్ ॥
ఆవాహితో భవ । స్థాపితో భవ । సన్నిహితో భవ । సన్నిరుద్ధో భవ । అవకుంఠితో భవ । సుప్రీతో భవ । సుప్రసన్నో భవ । వరదో భవ । స్వాగతం అస్తు । ప్రసీద ప్రసీద ।
లఘున్యాసం / మహాన్యాసమ్ ॥
ధ్యానం కైలాసే కమనీయ రత్న ఖచితే కల్పద్రుమూలే స్థితం కర్పూర స్ఫటికేందు సుందర తనుం కాత్యాయనీ సేవితమ్ । గంగోత్తుంగ తరంగ రంజిత జటా భారం కృపాసాగరం కంఠాలంకృత శేషభూషణమహం మృత్యుంజయం భావయే ॥ ఓం శ్రీ ఉమామహేశ్వర స్వామినే నమః ధ్యాయామి ।
ఆవాహనం (ఓం స॒ద్యోజా॒తం ప్ర॑పద్యా॒మి) ఓంకారాయ నమస్తుభ్యం ఓంకారప్రియ శంకర । ఆవాహనం గృహాణేదం పార్వతీప్రియ వల్లభ ॥ ఓం శ్రీ ఉమామహేశ్వర స్వామినే నమః ఆవాహయామి ।
ఆసనం (ఓం స॒ద్యోజా॒తాయ॒వై నమో॒ నమః॑) నమస్తే గిరిజానాథ కైలాసగిరి మందిర । సింహాసనం మయా దత్తం స్వీకురుష్వ ఉమాపతే ॥ శ్రీ ఉమామహేశ్వర స్వామినే నమః నవరత్న ఖచిత హేమ సింహాసనం సమర్పయామి ।
పాద్యం (ఓం భవే భ॑వే॒న) మహాదేవ జగన్నాథ భక్తానామభయప్రద । పాద్యం గృహాణ దేవేశ మమ సౌఖ్యం-విఀవర్ధయ ॥ శ్రీ ఉమామహేశ్వర స్వామినే నమః పాదయోః పాద్యం సమర్పయామి ।
అర్ఘ్యం (ఓం అతి॑ భవే భవస్వ॒మాం) శివాప్రియ నమస్తేస్తు పావనం జలపూరితమ్ । అర్ఘ్యం గృహాణ భగవన్ గాంగేయ కలశస్థితమ్ ॥ శ్రీ ఉమామహేశ్వర స్వామినే నమః హస్తయోః అర్ఘ్యం సమర్పయామి ।
ఆచమనం (ఓం భ॒వోద్భ॑వాయ॒ నమః) వామదేవ సురాధీశ వందితాంఘ్రి సరోరుహ । గృహాణాచమనం దేవ కరుణా వరుణాలయ ॥ శ్రీ ఉమామహేశ్వర స్వామినే నమః ముఖే ఆచమనీయం సమర్పయామి ।
మధుపర్కం యమాంతకాయ ఉగ్రాయ భీమాయ చ నమో నమః । మధుపర్కం ప్రదాస్యామి గృహాణ త్వముమాపతే ॥ శ్రీ ఉమామహేశ్వర స్వామినే నమః మధుపర్కం సమర్పయామి ।
పంచామృత స్నానం 1. ఆప్యాయస్యేతి క్షీరం (milk) – ఓం ఆప్యా॑యస్వ॒ సమే॑తు తే వి॒శ్వత॑స్సోమ॒ వృష్ణి॑యమ్ । భవా॒ వాజ॑స్య సంగ॒థే ॥ శ్రీ భవానీశంకరాస్వామినే నమః క్షీరేణ స్నపయామి ।
ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన । మ॒హేరణా॑య॒ చక్ష॑సే । యో వః॑ శి॒వత॑మో రస॒స్తస్య॑ భాజయతే॒ హ నః॑ । ఉ॒శ॒తీరి॑వ మా॒త॑రః । తస్మా॒ అరం॑గమామవో॒ యస్య॒ క్షయా॑య॒ జిన్వ॑థ । ఆపో॑ జ॒నయ॑థా చ నః । శ్రీ భవానీశంకరాస్వామినే నమః । క్షీరస్నానానంతరం శుద్ధోదక స్నానం సమర్పయామి ।
2. దధిక్రావ్ణో ఇతి దధి (yogurt) – ఓం ద॒ధి॒క్రావ్ణో॑ అకారిషం జి॒ష్ణోరశ్వ॑స్య వా॒జినః॑ । సు॒రభి నో॒ ముఖా॑ కర॒త్ప్రణ॒ ఆయూగ్ం॑షి తారిషత్ ॥ శ్రీ భవానీశంకరాస్వామినే నమః । దధ్నా స్నపయామి ।
ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన । మ॒హేరణా॑య॒ చక్ష॑సే । యో వః॑ శి॒వత॑మో రస॒స్తస్య॑ భాజయతే॒ హ నః॑ । ఉ॒శ॒తీరి॑వ మా॒త॑రః । తస్మా॒ అరం॑గమామవో॒ యస్య॒ క్షయా॑య॒ జిన్వ॑థ । ఆపో॑ జ॒నయ॑థా చ నః । శ్రీ భవానీశంకరాస్వామినే నమః । దధిస్నానానంతరం శుద్ధోదక స్నానం సమర్పయామి ।
3. శుక్రమసీతి ఆజ్యం (ghee) – ఓం శు॒క్రమ॑సి॒ జ్యోతి॑రసి॒ తేజో॑సి దే॒వోవ॑స్సవి॒తోత్పు॑నా॒తు అచ్ఛి॑ద్రేణ ప॒విత్రే॑ణ॒ వసో॒స్సూర్య॑స్య ర॒శ్మిభిః॑ । శ్రీ భవానీశంకరాస్వామినే నమః । ఆజ్యేన స్నపయామి ।
ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన । మ॒హేరణా॑య॒ చక్ష॑సే । యో వః॑ శి॒వత॑మో రస॒స్తస్య॑ భాజయతే॒ హ నః॑ । ఉ॒శ॒తీరి॑వ మా॒త॑రః । తస్మా॒ అరం॑గమామవో॒ యస్య॒ క్షయా॑య॒ జిన్వ॑థ । ఆపో॑ జ॒నయ॑థా చ నః । శ్రీ భవానీశంకరాస్వామినే నమః । ఆజ్య స్నానానంతరం శుద్ధోదక స్నానం సమర్పయామి ।
4. మధువాతా ఋతాయతే ఇతి మధు (honey) – ఓం మధు॒వాతా॑ ఋతాయ॒తే మధు॑క్షరంతి॒ సింధ॑వః । మాధ్వీ᳚ర్నః సం॒త్వౌష॑ధీః । మధు॒నక్త॑ము॒తోష॑సి॒ మధు॑మ॒త్పార్థి॑వ॒గ్ం॒ రజః॑ । మధు॒ద్యౌర॑స్తు నః పి॒తా । మధు॑మాన్నో॒ వన॒స్పతి॒ర్మధు॑మాగ్ం అస్తు॒ సూర్యః॑ । మాధ్వీ॒ర్గావో॑ భవంతు నః । శ్రీ భవానీశంకరాస్వామినే నమః । మధునా స్నపయామి ।
ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన । మ॒హేరణా॑య॒ చక్ష॑సే । యో వః॑ శి॒వత॑మో రస॒స్తస్య॑ భాజయతే॒ హ నః॑ । ఉ॒శ॒తీరి॑వ మా॒త॑రః । తస్మా॒ అరం॑గమామవో॒ యస్య॒ క్షయా॑య॒ జిన్వ॑థ । ఆపో॑ జ॒నయ॑థా చ నః । శ్రీ భవానీశంకరాస్వామినే నమః । మధుస్నానానంతరం శుద్ధోదక స్నానం సమర్పయామి ।
5. స్వాదుః పవస్యేతి శర్కరా (sugar) – ఓం స్వా॒దుః ప॑వస్వ ది॒వ్యాయ॒ జన్మ॑నే । స్వా॒దురింద్రా᳚య సు॒హవీ᳚తు నామ్నే᳚ । స్వా॒దుర్మి॒త్రాయ॒ వరు॑ణాయ వా॒యవే॒ । బృహ॒స్పత॑యే॒ మధు॑మాం॒ అదా᳚భ్యః । శ్రీ భవానీశంకరాస్వామినే నమః । శర్కరయా స్నపయామి ।
ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన । మ॒హేరణా॑య॒ చక్ష॑సే । యో వః॑ శి॒వత॑మో రస॒స్తస్య॑ భాజయతే॒ హ నః॑ । ఉ॒శ॒తీరి॑వ మా॒త॑రః । తస్మా॒ అరం॑గమామవో॒ యస్య॒ క్షయా॑య॒ జిన్వ॑థ । ఆపో॑ జ॒నయ॑థా చ నః । శ్రీ భవానీశంకరాస్వామినే నమః । శర్కర స్నానానంతరం శుద్ధోదక స్నానం సమర్పయామి ।
శంఖోదకం ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన । మ॒హేరణా॑య॒ చక్ష॑సే । యో వః॑ శి॒వత॑మో రస॒స్తస్య॑ భాజయతే॒ హ నః॑ । ఉ॒శ॒తీరి॑వ మా॒త॑రః । తస్మా॒ అరం॑గమామవో॒ యస్య॒ క్షయా॑య॒ జిన్వ॑థ । ఆపో॑ జ॒నయ॑థా చ నః । శ్రీ భవానీశంకరాస్వామినే నమః । శంఖోదకేన స్నపయామి ॥
ఫలోదకం యాః ఫ॒లినీ॒ర్యా అ॑ఫ॒లా అ॑పు॒ష్పాయాశ్చ॑ పు॒ష్పిణీః᳚ । బృహ॒స్పతి॑ ప్రసూతా॒స్తానో॑ ముంచం॒త్వగ్‍ం హ॑సః ॥ శ్రీ భవానీశంకరాస్వామినే నమః । ఫలోదకేన స్నపయామి ।
గంధోదకం గం॒ధ॒ద్వా॒రాం దు॑రాధ॒ర్షాం॒ ని॒త్యపు॑ష్టాం కరీ॒షిణీ᳚మ్ । ఈ॒శ్వరీ॑గ్ం సర్వ॑భూతా॒నాం॒ తామి॒హోప॑హ్వయే॒ శ్రియమ్ ॥ శ్రీ భవానీశంకరాస్వామినే నమః । గంధోదకేన స్నపయామి ।
పుష్పోదకం యో॑ఽపాం పుష్పం॒-వేఀద॑ । పుష్ప॑వాన్ ప్ర॒జావా᳚న్ పశు॒మాన్ భ॑వతి । చం॒ద్రమా॒ వా అ॒పాం పుష్పం᳚ । పుష్ప॑వాన్ ప్ర॒జావా᳚న్ పశు॒మాన్ భ॑వతి । శ్రీ భవానీశంకరాస్వామినే నమః । పుష్పోదకేన స్నపయామి ।
అక్షతోదకం ఆయ॑నే తే ప॒రాయ॑ణే॒ దూర్వా॑ రోహంతు పు॒ష్పిణీః᳚ । హ్ర॒దాశ్చ॑ పుం॒డరీ॑కాణి సము॒ద్రస్య॑ గృ॒హా ఇ॒మే । శ్రీ భవానీశంకరాస్వామినే నమః । అక్షతోదకేన స్నపయామి ।
సువర్ణోదకం తథ్సు॒వర్ణ॒గ్ం॒ హిర॑ణ్యమభవత్ । తథ్సు॒వర్ణ॑స్య॒ హిర॑ణ్యస్య॒ జన్మ॑ । య ఏ॒వగ్ం సు॒వర్ణ॑స్య॒ హిర॑ణ్యస్య॒ జన్మ॒వే॑ద । సు॒వర్ణ॑ ఆ॒త్మనా॑ భవతి । శ్రీ భవానీశంకరాస్వామినే నమః । సువర్ణోదకేన స్నపయామి ।
రుద్రాక్షోదకం త్ర్యం॑బకం-యఀజామహే సుగం॒ధిం పు॑ష్టి॒ వర్ధ॑నమ్ । ఉ॒ర్వా॒రు॒కమి॑వ॒ బంధ॑నాన్మృ॒త్యోర్ము॑క్షీయ॒ మాఽమృతా᳚త్ ॥ శ్రీ భవానీశంకరాస్వామినే నమః । రుద్రాక్షోదకేన స్నపయామి ।
భస్మోదకం మా నో॑ మ॒హాంత॑ము॒త మా నో॑ అర్భ॒కం మా న॒ ఉక్షం॑తము॒త మా న॑ ఉక్షి॒తమ్ । మా నో॑ఽవధీః పి॒తరం॒ మోత మా॒తరం॑ ప్రి॒యా మా న॑స్త॒నువో॑ రుద్ర రీరిషః । శ్రీ భవానీశంకరాస్వామినే నమః । భస్మోదకేన స్నపయామి ।
బిల్వోదకం మా న॑స్తో॒కే తన॑యే॒ మా న॒ ఆయు॑షి॒ మా నో॒ గోషు॒ మా నో॒ అశ్వే॑షు రీరిషః । వీ॒రాన్మా నో॑ రుద్ర భామి॒తోఽవ॑ధీర్హ॒విష్మం॑తో॒ నమ॑సా విధేమ తే । శ్రీ భవానీశంకరాస్వామినే నమః । బిల్వోదకేన స్నపయామి ।
దూర్వోదకం కాండా᳚త్కాండాత్ప్ర॒రోహం॑తి పరు॑షః పరుషః॒ పరి॑ । ఏ॒వానో॑ దూర్వే॒ ప్రత॑ను స॒హస్రే॑ణ శ॒తేన॑ చ ॥ శ్రీ భవానీశంకరాస్వామినే నమః । దూర్వోదకేన స్నపయామి ।
అథ మలాపకర్షణ స్నానం హిర॑ణ్యవర్ణా॒శ్శుచ॑యః పావ॒కా యాసు॑ జా॒తః క॒శ్యపో॒ యాస్వింద్రః॑ । అ॒గ్నిం-యాఀ గర్భం॑ దధి॒రే విరూ॑పా॒స్తా న॒ ఆప॒శ్శగ్గ్ స్యో॒నా భ॑వంతు ॥
యాసా॒గ్ం॒ రాజా॒ వరు॑ణో॒ యాతి॒ మధ్యే॑ సత్యానృ॒తే అ॑వ॒పశ్యం॒జనా॑నామ్ । మ॒ధు॒శ్చుత॒శ్శుచ॑యో॒ యాః పా॑వ॒కాస్తా న॒ ఆప॒శ్శగ్గ్ స్యో॒నా భ॑వంతు ॥
యాసాం॑ దే॒వా ది॒వి కృ॒ణ్వంతి॑ భ॒క్షం యా అం॒తరి॑క్షే బహు॒ధా భవం॑తి । యాః పృ॑థి॒వీం పయ॑సోం॒దంతి॑ శు॒క్రాస్తా న॒ ఆప॒శ్శగ్గ్ స్యో॒నా భ॑వంతు ॥
శి॒వేన॑ మా॒ చక్షు॑షా పశ్యతాపశ్శి॒వయా॑ త॒నువోప॑ స్పృశత॒ త్వచం॑ మే । సర్వాగ్ం॑ అ॒గ్నీగ్ం ర॑ఫ్సు॒షదో॑ హువే వో॒ మయి॒ వర్చో॒ బల॒మోజో॒ నిధ॑త్త ॥
(అ.వే., కాండ-3, సూక్తం-13) యద॒దః సం॑ప్రయ॒తీ-రహా॒-వన॑దతా హ॒తే । తస్మా॒దా న॒ద్యో॑ నామ॑ స్థ॒ తా వో॒ నామా॑ని సింధవః ॥ 1 యత్ప్రేషి॑తా॒ వరు॑ణే॒నతాశ్శీభ॑గ్ం స॒మవ॑ల్గత । తదా॑ప్నో॒దింద్రో॑ వో య॒తీస్తస్మా॒దాపో॒ అను॑స్థన ॥ 2 ఆ॒ప॒కా॒మగ్గ్ం స్యంద॑మానా॒ అవీ॑వరత వో॒ హి క॑మ్ । ఇంద్రో॑ వ॒శ్శక్తి॑భిర్దేవీ॒స్తస్మా॒ద్వార్ణామ॑ వో హి॒తమ్ ॥ 3 ఏకో॑ వో దే॒వో అప్య॑తిష్ఠ॒థ్స్యంద॑మానా యథావ॒శమ్ । ఉదా॑నిషుర్మ॒హీరితి॒ తస్మా॑దుద॒కము॑చ్యతే ॥ 4 ఆపో॑ భ॒ద్రా ఘృ॒తమిదాప॑ ఆనుర॒గ్నీషోమౌ॑ బిభ్ర॒త్యాప॒ ఇత్తాః । తీ॒వ్రో రసో॑ మధు॒పృచాం॑ అ॒రం॒గ॒మ ఆ మా॑ ప్రా॒ణేన॑ స॒హ వర్చ॑సాగన్న్ ॥ 5 ఆదిత్ప॑శ్యామ్యు॒త వా॑ శృణో॒మ్యా మా॒ ఘోషో॑ గచ్ఛతి॒ వాఙ్మ॑ ఆసామ్ । మన్యే॑ భేజా॒నో అ॒మృత॑స్య॒ తర్‍హి॒ హిర॑ణ్యవర్ణా॒ అతృ॑పం-యఀ॒దా వః॑ ॥ 6
ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన । మ॒హేరణా॑య॒ చక్ష॑సే । యో వః॑ శి॒వత॑మో రస॒స్తస్య॑ భాజయతే॒ హ నః॑ । ఉ॒శ॒తీరి॑వ మా॒త॑రః । తస్మా॒ అరం॑గమామవో॒ యస్య॒ క్షయా॑య॒ జిన్వ॑థ । ఆపో॑ జ॒నయ॑థా చ నః । శ్రీ భవానీశంకరాస్వామినే నమః । శుద్ధోదకేన స్నపయామి ।
ఆపో॒ వా ఇ॒దగ్ం సర్వం॒-విఀశ్వా॑ భూ॒తాన్యాపః॑ ప్రా॒ణా వా ఆపః॑ ప॒శవ॒ ఆపోఽన్న॒మాపోఽమృ॑త॒మాపః॑ స॒మ్రాడాపో॑ వి॒రాడాపః॑ స్వ॒రాడాప॒శ్ఛందా॒గ్ం॒స్యాపో॒ జ్యోతీ॒గ్ం॒ష్యాపో॒ యజూ॒గ్ం॒ష్యాప॑స్స॒త్యమాప॒స్సర్వా॑ దే॒వతా॒ ఆపో॒ భూర్భువ॒స్సువ॒రాప॒ ఓమ్ ॥
అ॒పః ప్రణ॑యతి । శ్ర॒ద్ధావా ఆపః॑ । శ్ర॒ద్ధామే॒వారభ్య॑ ప్ర॒ణీయ॒ ప్రచ॑రతి । అ॒పః ప్రణ॑యతి । య॒జ్ఞో వా ఆపః॑ । య॒జ్ఞమే॒వారభ్య॑ ప్ర॒ణీయ॒ ప్రచ॑రతి అ॒పః ప్రణ॑యతి । వ॒జ్రో వా ఆపః॑ । వజ్ర॑మే॒వ భ్రాతృ॑వ్యేభ్యః ప్రహృత్య॑ ప్ర॒ణీయ॒ ప్రచ॑రతి । అ॒పః ప్రణ॑యతి । ఆపో॒ వై ర॑క్షో॒ఘ్నీః । రక్ష॑సా॒మప॑హత్యై । అ॒పః ప్రణ॑యతి । ఆపో॒ వై దే॒వానాం॑ ప్రి॒యంధామ॑ । దే॒వానా॑మే॒వ ప్రి॒యంధామ॑ ప్ర॒ణీయ॒ ప్రచ॑రతి । అ॒పః ప్రణ॑యతి । ఆపో॒ వై సర్వా॑ దే॒వతాః॑ । దే॒వతా॑ ఏ॒వారభ్య॑ ప్ర॒ణీయ॒ ప్రచ॑రతి । (ఆపో॒ వై శాం॒తాః । శాం॒తాభి॑రే॒వాస్య॑ శుచగ్ం॑ శమయతి ॥) శ్రీ భవానీశంకరాస్వామినే నమః । మలాపకర్షణస్నానం సమర్పయామి ।
శ్రీరుద్రప్రశ్నః – నమకమ్ ॥ శ్రీరుద్రప్రశ్నః – చమకమ్ ॥ పురుష సూక్తమ్ ॥ శ్రీ సూక్తమ్ ॥
ఓం శ్రీ ఉమామహేశ్వర స్వామినే నమః శుద్ధోదక స్నానం సమర్పయామి । స్నానానంతరం ఆచమనీయం సమర్పయామి ।
వస్త్రం – (ఓం జ్యే॒ష్ఠాయ॒ నమః) నమో నాగవిభూషాయ నారదాది స్తుతాయ చ । వస్త్రయుగ్మం ప్రదాస్యామి పార్థివేశ్వర స్వీకురు ॥ ఓం శ్రీ ఉమామహేశ్వర స్వామినే నమః వస్త్రయుగ్మం సమర్పయామి । (వస్త్రార్థం అక్షతాన్ సమర్పయామి)
యజ్ఞోపవీతం – (ఓం శ్రే॒ష్ఠాయ॒ నమః) యజ్ఞేశ యజ్ఞవిధ్వంస సర్వదేవ నమస్కృత । యజ్ఞసూత్రం ప్రదాస్యామి శోభనం చోత్తరీయకమ్ ॥ ఓం శ్రీ ఉమామహేశ్వర స్వామినే నమః యజ్ఞోపవీతం సమర్పయామి । (ఉపవీతార్థం అక్షతాన్ సమర్పయామి)
ఆభరణం – (ఓం రు॒ద్రాయ॒ నమః) నాగాభరణ విశ్వేశ చంద్రార్ధకృతమస్తక । పార్థివేశ్వర మద్దత్తం గృహాణాభరణం-విఀభో ॥ ఓం శ్రీ ఉమామహేశ్వర స్వామినే నమః ఆభరణం సమర్పయామి ।
గంధం – (ఓం కాలా॑య॒ నమః॑) శ్రీ గంధం తే ప్రయచ్ఛామి గృహాణ పరమేశ్వర । కస్తూరి కుంకుమోపేతం శివాశ్లిష్ట భుజద్వయ ॥ ఓం శ్రీ ఉమామహేశ్వర స్వామినే నమః శ్రీగంధాది పరిమళ ద్రవ్యం సమర్పయామి ।
అక్షతాన్ – (ఓం కల॑వికరణాయ॒ నమః) అక్షతాన్ ధవళాన్ దివ్యాన్ శాలి తుండుల మిశ్రితాన్ । అక్షతోసి స్వభావేన స్వీకురుష్వ మహేశ్వర ॥ ఓం శ్రీ ఉమామహేశ్వర స్వామినే నమః ధవళాక్షతాన్ సమర్పయామి ।
పుష్పం – (ఓం బల॑ వికరణాయ॒ నమః) సుగంధీని సుపుష్పాణి జాజీబిల్వార్క చంపకైః । నిర్మితం పుష్పమాలంచ నీలకంఠ గృహాణ భో ॥ ఓం శ్రీ ఉమామహేశ్వర స్వామినే నమః పుష్ప బిల్వదళాని సమర్పయామి ।
అథాంగ పూజా ఓం మహేశ్వరాయ నమః – పాదౌ పూజయామి । ఓం ఈశ్వరాయ నమః – జంఘౌ పూజయామి । ఓం కామరూపాయ నమః – జానునీ పూజయామి । ఓం హరాయ నమః – ఊరూ పూజయామి । ఓం త్రిపురాంతకాయ నమః – గుహ్యం పూజయామి । ఓం భవాయ నమః – కటిం పూజయామి । ఓం-వ్యాఀఘ్రచర్మాంబరధరాయ నమః – నాభిం పూజయామి । ఓం కుక్షిస్థ బ్రహాండాయ నమః – ఉదరం పూజయామి । ఓం గౌరీ మనః ప్రియాయ నమః – హృదయం పూజయామి । ఓం పినాకినే నమః – హస్తౌ పూజయామి । ఓం నాగావృతభుజదండాయ నమః – భుజౌ పూజయామి । ఓం శ్రీకంఠాయ నమః – కంఠం పూజయామి । ఓం-విఀరూపాక్షాయ నమః – ముఖం పూజయామి । ఓం త్రినేత్రాయ నమః – నేత్రాణి పూజయామి । ఓం రుద్రాయ నమః – లలాటం పూజయామి । ఓం శర్వాయ నమః – శిరః పూజయామి । ఓం చంద్రమౌళయే నమః – మౌళిం పూజయామి । ఓం అర్ధనారీశ్వరాయ నమః – తనుం పూజయామి । ఓం శ్రీ ఉమామహేశ్వరాయ నమః – సర్వాణ్యంగాని పూజయామి ।
అష్టోత్తరశతనామ పూజా ఓం శివాయ నమః ఓం మహేశ్వరాయ నమః ఓం శంభవే నమః ఓం పినాకినే నమః ఓం శశిశేఖరాయ నమః ఓం-వాఀమదేవాయ నమః ఓం-విఀరూపాక్షాయ నమః ఓం కపర్దినే నమః ఓం నీలలోహితాయ నమః ఓం శంకరాయ నమః (10)
ఓం శూలపాణయే నమః ఓం ఖట్వాంగినే నమః ఓం-విఀష్ణువల్లభాయ నమః ఓం శిపివిష్టాయ నమః ఓం అంబికానాథాయ నమః ఓం శ్రీకంఠాయ నమః ఓం భక్తవత్సలాయ నమః ఓం భవాయ నమః ఓం శర్వాయ నమః ఓం త్రిలోకేశాయ నమః (20)
ఓం శితికంఠాయ నమః ఓం శివాప్రియాయ నమః ఓం ఉగ్రాయ నమః ఓం కపాలినే నమః ఓం కామారయే నమః ఓం అంధకాసుర సూదనాయ నమః ఓం గంగాధరాయ నమః ఓం-లఀలాటాక్షాయ నమః ఓం కాలకాలాయ నమః ఓం కృపానిధయే నమః (30)
ఓం భీమాయ నమః ఓం పరశుహస్తాయ నమః ఓం మృగపాణయే నమః ఓం జటాధరాయ నమః ఓం కైలాసవాసినే నమః ఓం కవచినే నమః ఓం కఠోరాయ నమః ఓం త్రిపురాంతకాయ నమః ఓం-వృఀషాంకాయ నమః ఓం-వృఀషభారూఢాయ నమః (40)
ఓం భస్మోద్ధూళిత విగ్రహాయ నమః ఓం సామప్రియాయ నమః ఓం స్వరమయాయ నమః ఓం త్రయీమూర్తయే నమః ఓం అనీశ్వరాయ నమః ఓం సర్వజ్ఞాయ నమః ఓం పరమాత్మనే నమః ఓం సోమసూర్యాగ్ని లోచనాయ నమః ఓం హవిషే నమః ఓం-యఀజ్ఞమయాయ నమః (50)
ఓం సోమాయ నమః ఓం పంచవక్త్రాయ నమః ఓం సదాశివాయ నమః ఓం-విఀశ్వేశ్వరాయ నమః ఓం-వీఀరభద్రాయ నమః ఓం గణనాథాయ నమః ఓం ప్రజాపతయే నమః ఓం హిరణ్యరేతసే నమః ఓం దుర్ధర్షాయ నమః ఓం గిరీశాయ నమః (60)
ఓం గిరిశాయ నమః ఓం అనఘాయ నమః ఓం భుజంగ భూషణాయ నమః ఓం భర్గాయ నమః ఓం గిరిధన్వనే నమః ఓం గిరిప్రియాయ నమః ఓం కృత్తివాససే నమః ఓం పురారాతయే నమః ఓం భగవతే నమః ఓం ప్రమథాధిపాయ నమః (70)
ఓం మృత్యుంజయాయ నమః ఓం సూక్ష్మతనవే నమః ఓం జగద్వ్యాపినే నమః ఓం జగద్గురవే నమః ఓం-వ్యోఀమకేశాయ నమః ఓం మహాసేన జనకాయ నమః ఓం చారువిక్రమాయ నమః ఓం రుద్రాయ నమః ఓం భూతపతయే నమః ఓం స్థాణవే నమః (80)
ఓం అహిర్బుధ్న్యాయ నమః ఓం దిగంబరాయ నమః ఓం అష్టమూర్తయే నమః ఓం అనేకాత్మనే నమః ఓం సాత్త్వికాయ నమః ఓం శుద్ధవిగ్రహాయ నమః ఓం శాశ్వతాయ నమః ఓం ఖండపరశవే నమః ఓం అజాయ నమః ఓం పాశవిమోచకాయ నమః (90)
ఓం మృడాయ నమః ఓం పశుపతయే నమః ఓం దేవాయ నమః ఓం మహాదేవాయ నమః ఓం అవ్యయాయ నమః ఓం హరయే నమః ఓం పూషదంతభిదే నమః ఓం అవ్యగ్రాయ నమః ఓం దక్షాధ్వరహరాయ నమః ఓం హరాయ నమః (100)
ఓం భగనేత్రభిదే నమః ఓం అవ్యక్తాయ నమః ఓం సహస్రాక్షాయ నమః ఓం సహస్రపాదే నమః ఓం అపవర్గప్రదాయ నమః ఓం అనంతాయ నమః ఓం తారకాయ నమః ఓం పరమేశ్వరాయ నమః (108)
ఓం నిధ॑నపతయే॒ నమః । ఓం నిధ॑నపతాంతికాయ॒ నమః । ఓం ఊర్ధ్వాయ॒ నమః । ఓం ఊర్ధ్వలింగాయ॒ నమః । ఓం హిరణ్యాయ॒ నమః । ఓం హిరణ్యలింగాయ॒ నమః । ఓం సువర్ణాయ॒ నమః । ఓం సువర్ణలింగాయ॒ నమః । ఓం దివ్యాయ॒ నమః । ఓం దివ్యలింగాయ॒ నమః । ఓం భవాయ॒ నమః । ఓం భవలింగాయ॒ నమః । ఓం శర్వాయ॒ నమః । ఓం శర్వలింగాయ॒ నమః । ఓం శివాయ॒ నమః । ఓం శివలింగాయ॒ నమః । ఓం జ్వలాయ॒ నమః । ఓం జ్వలలింగాయ॒ నమః । ఓం ఆత్మాయ॒ నమః । ఓం ఆత్మలింగాయ॒ నమః । ఓం పరమాయ॒ నమః । ఓం పరమలింగాయ॒ నమః ।
ఓం భ॒వాయ॑ దే॒వాయ॒ నమః – ఓం భ॒వస్య॑ దే॒వస్య॒ పత్న్యై॒ నమః॑ । ఓం శ॒ర్వాయ॑ దే॒వాయ॒ నమః – ఓం శ॒ర్వస్య॑ దే॒వస్య॒ పత్న్యై॒ నమః॑ । ఓం ఈశా॑నాయ దే॒వాయ॒ నమః – ఓం ఈశా॑నస్య దే॒వస్య॒ పత్న్యై॒ నమః॑ । ఓం పశు॒పత॑యే దే॒వాయ॒ నమః – ఓం పశు॒పతే᳚ర్దే॒వస్య పత్న్యై॒ నమః॑ । ఓం రు॒ద్రాయ॑ దే॒వాయ॒ నమః – ఓం రు॒ద్రస్య॑ దే॒వస్య॒ పత్న్యై॒ నమః॑ । ఓం ఉ॒గ్రాయ॑ దే॒వాయ॒ నమః – ఓం ఉ॒గ్రస్య॑ దే॒వస్య॒ పత్న్యై॒ నమః॑ । ఓం భీ॒మాయ॑ దే॒వాయ॒ నమః – ఓం భీ॒మస్య॑ దే॒వస్య॒ పత్న్యై॒ నమః॑ । ఓం మహ॑తే దే॒వాయ॒ నమః – ఓం మహ॑తో దే॒వస్య॒ పత్న్యై॒ నమః॑ ।
ఓం శ్రీ ఉమామహేశ్వర స్వామినే నమః నానా విధ పరిమళ పత్ర పుష్పాక్షతాన్ సమర్పయామి ।
ధూపం – (ఓం బలా॑య॒ నమః) ధూర॑సి॒ ధూర్వ॒ ధూర్వం॑తం॒ ధూర్వ॒తం-యోఀ᳚ఽస్మాన్ ధూర్వ॑తి॒ తం ధూ᳚ర్వ॒యం-వఀ॒యం ధూర్వా॑మ॒స్త్వం దే॒వానా॑మసి॒ సస్ని॑తమం॒ పప్రి॑తమం॒ జుష్ట॑తమం॒-వఀహ్ని॑తమం దేవ॒హూత॑మ॒-మహ్రు॑తమసి హవి॒ర్ధానం॒ దృగ్ం హ॑స్వ॒ మాహ్వా᳚ ర్మి॒త్రస్య॑ త్వా॒ చక్షు॑షా॒ ప్రేక్షే॒ మా భేర్మా సంవిఀ ॑క్తా॒ మా త్వా॑ హిగ్ంసిషమ్ । ఆవాహితాభ్యః సర్వాభ్యో దేవతాభ్యో నమః । ధూపమాఘ్రాపయామి ।
దీపం – (ఓం బల॑ ప్రమథనాయ॒ నమః) ఉద్దీ᳚ప్యస్వ జాతవేదోఽప॒ఘ్నన్ నిఋ॑తిం॒ మమ॑ । ప॒శుగ్గ్శ్చ॒ మహ్య॒మావ॑హ॒ జీవ॑నం చ॒ దిశో॑ దిశ । మానో॑ హిగ్ంసీ-జ్జాతవేదో॒ గామశ్వం॒ పురు॑షం॒ జగ॑త్ । అబి॑భ్ర॒దగ్న॒ ఆగ॑హి శ్రి॒యా మా॒ పరి॑పాతయ । ఆవాహితాభ్యః సర్వాభ్యో దేవతాభ్యో నమః । ధూపమాఘ్రాపయామి । ధూప దీపానంతరం శుద్ధాచమనీయం సమర్పయామి ।
నైవేద్యం – (ఓం సర్వ॑ భూత దమనాయ॒ నమః) ఓం భూర్భువ॒స్సువః॒ । తత్స॑వి॒తుర్వరే᳚ణ్యం॒ భర్గో॑ దే॒వస్య॑ ధీమహి । ధి॒యో యో నః॑ ప్రచో॒దయా᳚త్ । దేవ సవితః ప్రసువః । సత్యం త్వర్తేన పరిషించామి । (సాయంకాలే – ఋతం త్వా సత్యేన పరిషించామి)
అమృతం అస్తు । అమృతోపస్తరణమసి । ఓం ప్రాణాయ స్వాహాః । ఓం అపానాయ స్వాహాః । ఓం-వ్యాఀనాయ స్వాహాః । ఓం ఉదానాయ స్వాహాః । ఓం సమానాయ స్వాహాః । ఓం బ్రహ్మణే స్వాహాః । మధు॒వాతా॑ ఋతాయ॒తే మధు॑క్షరంతి॒ సింధ॑వః । మాద్ధ్వీ᳚ర్నః సం॒త్వోష॑ధీః । మధు॒నక్త॑ ము॒తోషసి॒ మధు॑మ॒త్ పార్థి॑వ॒గ్ం॒ రజః॑ । మధు॒ద్యౌర॑స్తు నః పి॒తా । మధు॑మాన్నో॒ వన॒స్పతి॒ ర్మధు॑మాగ్ం అస్తు॒ సూర్యః॑ । మాధ్వీ॒ర్గావో॑ భవంతు నః ॥ మధు మధు మధు ॥ ఆవాహితాభ్యః సర్వాభ్యో దేవతాభ్యో నమః । (దివ్యాన్నం, ఘృతగుళపాయసం, నాళికేరఖండద్వయం, కదళీఫలం ...) ఓం శ్రీ ఉమామహేశ్వర స్వామినే నమః । మహానైవేద్యం నివేదయామి ।
మధ్యే మధ్యే పానీయం సమర్పయామి । అ॒మృ॒తా॒పి॒ధా॒నమ॑సి । ఉత్తరాపోశనం సమర్పయామి । హస్తౌ ప్రక్షాళయామి । పాదౌ ప్రక్షాళయామి । శుద్ధాచమనీయం సమర్పయామి ।
తాంబూలం – (ఓం మ॒నోన్మ॑నాయ॒ నమః) పూగీఫలసమాయుక్తం నాగవల్లీదళైర్యుతమ్ । కర్పూరచూర్ణ సంయుఀక్తం తాంబూలం ప్రతిగృహ్యతామ్ । ఆవాహితాభ్యః సర్వాభ్యో దేవతాభ్యో నమః । తాంబూలం నివేదయామి । తాంబూల చర్వణానంతరం శుద్ధ ఆచమనీయం సమర్పయామి ।
నీరాజనం సోమో॒ వా ఏ॒తస్య॑ రా॒జ్యమాద॑త్తే । యో రాజా॒సన్ రా॒జ్యో వా॒ సోమే॑న॒ యజ॑తే । దే॒వ॒ సు॒వామే॒తాని॑ హ॒విగ్ంషి॑ భవంతి । ఏ॒తావం॑తో॒ వై దే॒వానాగ్ం॑ స॒వాః । త ఏ॒వాస్మై॑ స॒వాన్ ప్ర॑యచ్ఛంతి । త ఏ॑నం పు॒నః సువం॑తే రా॒జ్యాయ॑ । దే॒వ॒సూ రాజా॑ భవతి ।
రా॒జా॒ధి॒రా॒జాయ॑ ప్రసహ్య సా॒హినే᳚ । నమో॑ వ॒యం-వైఀ᳚శ్రవ॒ణాయ॑ కుర్మహే । స మే॒ కామా॒న్ కామ॒కామా॑య॒ మహ్య᳚మ్ । కా॒మే॒శ్వ॒రో వై᳚శ్రవ॒ణో ద॑దాతు । కు॒బే॒రాయ॑ వైశ్రవ॒ణాయ॑ । మ॒హా॒రా॒జాయ॒ నమః॑ ।
అ॒ఘోరే᳚భ్యో ఽథ॒ఘోరే᳚భ్యో॒ ఘోర॒ఘోర॑తరేభ్యః । సర్వే᳚భ్యః సర్వ॒శర్వే᳚భ్యో॒ నమ॑స్తే అస్తు రు॒ద్రరూ॑పేభ్యః ॥
తత్పురు॑షాయ వి॒ద్మహే॑ మహాదే॒వాయ॑ ధీమహి । తన్నో॑ రుద్రః ప్రచో॒దయా᳚త్ ॥
ఈశానః సర్వ॑విద్యా॒నా॒-మీశ్వరః సర్వ॑భూతా॒నాం॒ బ్రహ్మాధి॑పతి॒ ర్బ్రహ్మ॒ణోఽధి॑పతి॒ ర్బ్రహ్మా॑ శి॒వో మే॑ అస్తు సదాశివోమ్ ॥
నీరాజనమిదం దేవ కర్పూరామోద సంయుఀతమ్ । గృహాణ పరమానంద హేరంబ వరదాయక ॥
ఆవాహితాభ్యః సర్వాభ్యో దేవతాభ్యో నమః । కర్పూర నీరాజనం దర్శయామి । నీరాజనానంతరం శుద్ధ ఆచమనీయం సమర్పయామి ।
మంత్రపుష్పం
ఆత్మరక్షా బ్రహ్మా᳚త్మ॒న్ వద॑సృజత । తద॑కామయత । సమా॒త్మనా॑ పద్యే॒యేతి॑ । ఆత్మ॒న్నా-త్మ॒న్నిత్యా-మం॑త్రయత । తస్మై॑ దశ॒మగ్ం హూ॒తః ప్రత్య॑శృణోత్ । స దశ॑హూతోఽభవత్ । దశ॑హూతో హ॒వై నామై॒షః । తం-వాఀ ఏ॒తం దశ॑హూత॒గ్ం॒ సంత᳚మ్ । దశ॑హో॒తేత్యా చ॑క్షతే ప॒రోక్షే॑ణ । ప॒రోక్ష॑ప్రియా ఇవ॒ హి దే॒వాః ॥ 1
ఆత్మ॒న్నా-త్మ॒న్నిత్యా-మం॑త్రయత । తస్మై॑ సప్త॒మగ్ం హూ॒తః ప్రత్య॑శృణోత్ । స స॒ప్తహూ॑తోఽభవత్ । స॒ప్తహూ॑తో హ॒వై నామై॒షః । తం-వాఀ ఏ॒తగ్ం స॒ప్తహూ॑త॒గ్ం॒ సంత᳚మ్ । స॒ప్తహో॒తేత్యా చ॑క్షతే ప॒రోక్షే॑ణ । ప॒రోక్ష॑ప్రియా ఇవ॒ హి దే॒వాః ॥ 2
ఆత్మ॒న్నా-త్మ॒న్నిత్యా-మం॑త్రయత । తస్మై॑ ష॒ష్ఠగ్ం హూ॒తః ప్రత్య॑శృణోత్ । స షడ్ఢూ॑తోఽభవత్ । షడ్ఢూ॑తో హ॒వై నామై॒షః । తం-వాఀ ఏ॒తగ్ం షడ్ఢూ॑త॒గ్ం॒ సంత᳚మ్ । షడ్ఢో॒తేత్యా చ॑క్షతే ప॒రోక్షే॑ణ । ప॒రోక్ష॑ప్రియా ఇవ॒ హి దే॒వాః ॥ 3
ఆత్మ॒న్నా-త్మ॒న్నిత్యా-మం॑త్రయత । తస్మై॑ పంచ॒మగ్ం హూ॒తః ప్రత్య॑శృణోత్ । స పంచ॑హూతోఽభవత్ । పంచ॑హూతో హ॒వై నామై॒షః । తం-వాఀ ఏ॒తం పంచ॑హూత॒గ్ం॒ సంత᳚మ్ । పంచ॑హో॒తేత్యా చ॑క్షతే ప॒రోక్షే॑ణ । ప॒రోక్ష॑ప్రియా ఇవ॒ హి దే॒వాః ॥ 4
ఆత్మ॒న్నా-త్మ॒న్నిత్యా-మం॑త్రయత । తస్మై॑ చతు॒ర్థగ్ం హూ॒తః ప్రత్య॑శృణోత్ । స చతు॑ర్హూతోఽభవత్ । చతు॑ర్హూతో హ॒వై నామై॒షః । తం-వాఀ ఏ॒తం చతు॑ర్హూత॒గ్ం॒ సంత᳚మ్ । చతు॑ర్హో॒తేత్యా చ॑క్షతే ప॒రోక్షే॑ణ । ప॒రోక్ష॑ప్రియా ఇవ॒ హి దే॒వాః ॥ 5
తమ॑బ్రవీత్ । త్వం-వైఀ మే॒ నేది॑ష్ఠగ్ం హూ॒తః ప్రత్య॑శ్రౌషీః । త్వయై॑ నానాఖ్యా॒తార॒ ఇతి॑ । తస్మా॒న్నుహై॑నా॒గ్గ్॒-శ్చ॑తు ర్హోతార॒ ఇత్యాచ॑క్షతే । తస్మా᳚చ్ఛుశ్రూ॒షుః పు॒త్రాణా॒గ్ం॒ హృద్య॑తమః । నేది॑ష్ఠో॒ హృద్య॑తమః । నేది॑ష్ఠో॒ బ్రహ్మ॑ణో భవతి । య ఏ॒వం-వేఀద॑ ॥ 6 (ఆత్మనే॒ నమః॑)
ఓం తత్పురు॑షాయ వి॒ద్మహే॑ మహాదే॒వాయ॑ ధీమహి । తన్నో॑ రుద్రః ప్రచో॒దయా᳚త్ ॥ ఓం కా॒త్యా॒య॒నాయ॑ వి॒ద్మహే॑ కన్యకు॒మారి॑ ధీమహి । తన్నో॑ దుర్గిః ప్రచో॒దయా᳚త్ ॥
యో॑ఽపాం పుష్పం॒-వేఀద॑ । పుష్ప॑వాన్ ప్ర॒జావా᳚న్ పశు॒మాన్ భ॑వతి । చం॒ద్రమా॒ వా అ॒పాం పుష్ప᳚మ్ । పుష్ప॑వాన్ ప్ర॒జావా᳚న్ పశు॒మాన్ భ॑వతి ।
ఓం᳚ తద్బ్ర॒హ్మ । ఓం᳚ తద్వా॒యుః । ఓం᳚ తదా॒త్మా । ఓం᳚ తథ్స॒త్యమ్ । ఓం᳚ తథ్సర్వ᳚మ్ । ఓం᳚ తత్పురో॒ర్నమః ।
అంతశ్చరతి॑ భూతే॒షు॒ గుహాయాం-విఀ ॑శ్వమూ॒ర్తిషు । త్వం-యఀజ్ఞస్త్వం-వఀషట్కార స్త్వమింద్రస్త్వగ్ం రుద్రస్త్వం-విఀష్ణుస్త్వం బ్రహ్మత్వం॑ ప్రజా॒పతిః । త్వం త॑దాప॒ ఆపో॒ జ్యోతీ॒రసో॒ఽమృతం॒ బ్రహ్మ॒ భూర్భువ॒స్సువ॒రోమ్ ।
చతుర్వేద పారాయణం ఓం శ్రీ భవానీశంకర స్వామినే నమః ॥ ఋగ్వేదప్రియః ॥ ఋగ్వేదమవధారయ ॥ హ॒రిః॒ ఓమ్ ॥ అ॒గ్నిమీ᳚ళే పు॒రోహి॑తం-యఀ॒జ్ఞస్య॑ దే॒వమృ॒త్విజ᳚మ్ । హోతా᳚రం రత్న॒ ధాత॑మమ్ । హరిః॑ ఓమ్ ॥
ఓం శ్రీ భవానీశంకర స్వామినే నమః ॥ యజుర్వేదప్రియః ॥ యజుర్వేదమవధారయ ॥ హ॒రిః॒ ఓమ్ ॥ ఇ॒షే త్వో॒ర్జే త్వా॑ వా॒యవః॑ స్థోపా॒యవః॑ స్థ దే॒వో వః॑ సవి॒తా ప్రార్ప॑యతు॒ శ్రేష్ఠ॑తమాయ॒ కర్మ॑ణ॒ ఆ ప్యా॑యద్ధ్వమఘ్నియా దేవభా॒గ-మూర్జ॑స్వతీః॒ పయ॑స్వతీః ప్ర॒జావ॑తీ-రనమీ॒వా అ॑య॒క్ష్మా మా వః॑ స్తే॒న ఈ॑శత॒ మాఽఘశగ్ం॑సో రు॒ద్రస్య॑ హే॒తిః పరి॑ వో వృణక్తు ధ్రు॒వా అ॒స్మిన్ గోప॑తౌ స్యాత బ॒హ్వీ-ర్యజ॑మానస్య ప॒శూన్ పా॑హి ॥ హరిః॑ ఓమ్ ॥
ఓం శ్రీ భవానీశంకర స్వామినే నమః ॥ సామవేదప్రియః ॥ సామవేదమవధారయ ॥ హ॒రిః॒ ఓమ్ ॥ అగ్న॒ ఆయా᳚హి వీ॒తయే᳚ గృణా॒నో హ॒వ్య దా᳚తయే । నిహోతా᳚ సథ్సి బ॒ర్హిషి॑ । హరిః॑ ఓమ్ ॥
ఓం శ్రీ భవానీశంకర స్వామినే నమః ॥ అథర్వవేదప్రియః ॥ అథర్వవేదమవధారయ ॥ హ॒రిః॒ ఓమ్ ॥ శన్నో॑ దే॒వీర॒భిష్ట॑య॒ ఆపో॑ భవంతు పీ॒తయే᳚ । శంయోఀర॒భిస్ర॑వంతు నః ॥ హరిః॑ ఓమ్ ॥
ఓం శ్రీ భవానీశంకర స్వామినే నమః ॥ ఉపనిషద్ప్రియః ॥ ఉపనిషదవధారయ ॥ హ॒రిః॒ ఓమ్ ॥ అ॒హమన్న-మ॒హమన్న-మ॒హమన్నమ్ । అ॒హమన్నా॒దో(3)ఽ॒హమన్నా॒దో(3)ఽ॒హమన్నా॒దః । అ॒హగ్గ్ శ్లోక॒కృద॒హగ్గ్ శ్లోక॒కృద॒హగ్గ్ శ్లోక॒కృత్ । అ॒హమస్మి ప్రథమజా ఋతా(3) స్య॒ । పూర్వం దేవేభ్యో అమృతస్య నా(3) భా॒యి॒ । యో మా దదాతి స ఇదేవ మా(3) వాః॒ । అ॒హమన్న॒-మన్న॑-మ॒దంత॒మా(3) ద్మి॒ । అహం॒-విఀశ్వం॒ భువ॑న॒-మభ్య॑భ॒వామ్ । సువ॒ర్న జ్యోతీః᳚ । య ఏ॒వం-వేఀద॑ । ఇత్యు॑ప॒నిష॑త్ ॥
ఆవాహితాభ్యః సర్వాభ్యో దేవతాభ్యో నమః । పాదారవిందయోః దివ్య సువర్ణ మంత్ర పుష్పాంజలిం సమర్పయామి ।
ప్రదక్షిణం ఈశానః సర్వ॑విద్యా॒నా॒మీశ్వరః సర్వ॑భూతా॒నాం॒ బ్రహ్మాధి॑పతి॒ర్బ్రహ్మ॒ణోఽధి॑పతి॒ర్బ్రహ్మా॑ శి॒వో మే॑ అస్తు సదాశి॒వోమ్ ॥
పదే పదే సర్వతమో నికృంతనం పదే పదే సర్వ శుభప్రదాయకమ్ । ప్రదక్షిణం భక్తియుతేన చేతసా కరోమి మృత్యుంజయ రక్ష రక్ష మామ్ ॥ ఓం శ్రీ ఉమామహేశ్వర స్వామినే నమః ఆత్మప్రదక్షిణ నమస్కారాన్ సమర్పయామి ।
ప్రార్థనా నమో హిరణ్యబాహవే హిరణ్యవర్ణాయ హిరణ్యరూపాయ హిరణ్యపతయేఽంబికాపతయ ఉమాపతయే పశుపతయే॑ నమో॒ నమః ॥
అథ తర్పణం భవం దేవం తర్పయామి – భవస్య దేవస్య పత్నీం తర్పయామి । శర్వం దేవం తర్పయామి – శర్వస్య దేవస్య పత్నీం తర్పయామి । ఈశానం దేవం తర్పయామి – ఈశానస్య దేవస్య పత్నీం తర్పయామి । పశుపతిం దేవం తర్పయామి – పశుపతేర్దేవస్య పత్నీం తర్పయామి । రుద్రం దేవం తర్పయామి – రుద్రస్య దేవస్య పత్నీం తర్పయామి । ఉగ్రం దేవం తర్పయామి – ఉగ్రస్య దేవస్య పత్నీం తర్పయామి । భీమం దేవం తర్పయామి – భీమస్య దేవస్య పత్నీం తర్పయామి । మహాంతం దేవం తర్పయామి – మహతో దేవస్య పత్నీం తర్పయామి ।
ఇతి తర్పయిత్వా అఘోరాదిభిస్త్రిభిర్మంత్రైః ఘోర తనూరుపతిష్ఠతే ।
ఓం అ॒ఘోరే᳚భ్యోఽథ॒ ఘోరే᳚భ్యో॒ ఘోర॒ఘోర॑తరేభ్యః । సర్వే᳚భ్యః సర్వ॒శర్వే᳚భ్యో॒ నమ॑స్తే అస్తు రు॒ద్రరూ॑పేభ్యః ॥ ఓం తత్పురు॑షాయ వి॒ద్మహే॑ మహాదే॒వాయ॑ ధీమహి । తన్నో॑ రుద్రః ప్రచో॒దయా᳚త్ ॥ ఈశానస్స॑ర్వవిద్యా॒నా॒మీశ్వరస్సర్వ॑భూతా॒నాం॒ బ్రహ్మాఽధి॑పతి॒ర్బ్రహ్మ॒ణోఽధి॑పతి॒ర్బ్రహ్మా॑ శి॒వో మే॑ అస్తు సదాశి॒వోమ్ ॥
ఇతి ధ్యాత్వా రుద్రగాయత్రీం-యఀథా శక్తి జపేత్ ।
ఓం తత్పురు॑షాయ వి॒ద్మహే॑ మహాదే॒వాయ॑ ధీమహి । తన్నో॑ రుద్రః ప్రచో॒దయా᳚త్ ॥
ఇతి జపిత్వా అథైనమాశిషమాశాస్తే ।
(తై.బ్రా.3-5-10-4) ఆశా᳚స్తే॒ఽయం-యఀజ॑మానో॒ఽసౌ । ఆయు॒రాశా᳚స్తే । సు॒ప్ర॒జా॒స్త్వమాశా᳚స్తే । స॒జా॒త॒వ॒న॒స్యామాశా᳚స్తే । ఉత్త॑రాం దేవయ॒జ్యామాశా᳚స్తే । భూయో॑ హవి॒ష్కర॑ణ॒మాశా᳚స్తే । ది॒వ్యం ధామాశా᳚స్తే । విశ్వం॑ ప్రి॒యమాశా᳚స్తే । యద॒నేన॑ హ॒విషాఽఽశా᳚స్తే । తద॑స్యా॒త్త॒దృ॑ధ్యాత్ । తద॑స్మై దే॒వా రా॑సంతామ్ । తద॒గ్నిర్దే॒వో దే॒వేభ్యో॒ వన॑తే । వ॒యమ॒గ్నేర్మాను॑షాః । ఇ॒ష్టం చ॑ వీ॒తం చ॑ । ఉ॒భే చ॑ నో॒ ద్యావా॑పృథి॒వీ అగ్ంహ॑సః స్పాతామ్ । ఇ॒హ గతి॑ర్వా॒మస్యే॒దం చ॑ । నమో॑ దే॒వేభ్యః॑ ॥
ఉపచారపూజాః పునః పూజాం కరిష్యే । ఛత్రమాచ్ఛాదయామి । చామరైర్వీజయామి । నృత్యం దర్శయామి । గీతం శ్రావయామి । ఆందోళికానారోహయామి । అశ్వానారోహయామి । గజానారోహయామి । సమస్త రాజోపచార దేవోపచార భక్త్యుపచార శక్త్యుపచార మంత్రోపచార పూజాస్సమర్పయామి ॥
లింగాష్టకమ్ ॥ బిల్వాష్టకమ్ ॥
క్షమాప్రార్థన కరచరణకృతం-వాఀక్కాయజం కర్మజం-వాఀ శ్రవణనయనజం-వాఀ మానసం-వాఀఽపరాధమ్ । విహితమవిహితం-వాఀ సర్వమేతత్క్ష్మస్వ శివ శివ కరుణాబ్ధే శ్రీమహాదేవ శంభో ॥ 18॥
యస్య స్మృత్యా చ నామోక్త్యా తపః పూజా క్రియాదిషు । న్యూనం సంపూర్ణతాం-యాఀతి సద్యోవందే మహేశ్వరమ్ ॥ మంత్రహీనం క్రియాహీనం భక్తిహీనం మహేశ్వర । యత్పూజితం మయా దేవ పరిపూర్ణం తదస్తు తే ॥
అనయా సద్యోజాత విధినా ధ్యానావాహనాది షోడశోపచార పూజయా భగవాన్ సర్వాత్మకః శ్రీ ఉమామహేశ్వరస్వామీ సుప్రీతః సుప్రసన్నో వరదో భవతు । ఏతత్ఫలం శ్రీ పరమేశ్వరార్పణమస్తు ॥ ఉత్తరతశ్చండీశ్వరాయ నమః నిర్మాల్యం-విఀసృజ్య ॥
తీర్థం అకాలమృత్యుహరణం సర్వవ్యాధి నివారణమ్ । సమస్తపాపక్షయకరం శివపాదోదకం పావనం శుభమ్ ॥ ఇతి త్రివారం పీత్వా శివ నిర్మాల్య రూప బిల్వదళం-వాఀ దక్షిణే కర్ణే ధారయేత్ ।
ఓం శాంతిః శాంతిః శాంతిః ॥
Browse Related Categories: