শ্রী হনুমত্সহস্র নাম স্তোত্রম্ (আংজনেয় সহস্র নাম স্তোত্রম্)

സ്തോത്രം – ഹനൂമാന് ശ്രീപ്രദോ വായുപുത്രോ രുദ്രോ നയോഽജരഃ । അമൃത്യുർവീരവീരശ്ച ഗ്രാമവാസോ ജനാശ്രയഃ ॥ 1 ॥

ധനദോ നിര്ഗുണാകാരോ വീരോ നിധിപതിര്മുനിഃ । പിംഗാക്ഷോ വരദോ വാഗ്മീ സീതാശോകവിനാശനഃ ॥ 2 ॥

ശിവഃ ശർവഃ പരോഽവ്യക്തോ വ്യക്താവ്യക്തോ ധരാധരഃ । പിംഗകേശഃ പിംഗരോമാ ശ്രുതിഗമ്യഃ സനാതനഃ ॥ 3 ॥

അനാദിര്ഭഗവാന് ദിവ്യോ വിശ്വഹേതുര്നരാശ്രയഃ । ആരോഗ്യകര്താ വിശ്വേശോ വിശ്വനാഥോ ഹരീശ്വരഃ ॥ 4 ॥

ഭര്ഗോ രാമോ രാമഭക്തഃ കല്യാണപ്രകൃതീശ്വരഃ । വിശ്വംഭരോ വിശ്വമൂര്തിർവിശ്വാകാരോഽഥ വിശ്വപഃ ॥ 5 ॥

വിശ്വാത്മാ വിശ്വസേവ്യോഽഥ വിശ്വോ വിശ്വധരോ രവിഃ । വിശ്വചേഷ്ടോ വിശ്വഗമ്യോ വിശ്വധ്യേയഃ കലാധരഃ ॥ 6 ॥

പ്ലവംഗമഃ കപിശ്രേഷ്ഠോ ജ്യേഷ്ഠോ വേദ്യോ വനേചരഃ । ബാലോ വൃദ്ധോ യുവാ തത്ത്വം തത്ത്വഗമ്യഃ സഖാ ഹ്യജഃ ॥ 7 ॥

അംജനാസൂനുരവ്യഗ്രോ ഗ്രാമസ്യാംതോ ധരാധരഃ । ഭൂര്ഭുവഃസ്വര്മഹര്ലോകോ ജനോലോകസ്തപോഽവ്യയഃ ॥ 8 ॥

സത്യമോംകാരഗമ്യശ്ച പ്രണവോ വ്യാപകോഽമലഃ । ശിവധര്മപ്രതിഷ്ഠാതാ രാമേഷ്ടഃ ഫല്ഗുനപ്രിയഃ ॥ 9 ॥

ഗോഷ്പദീകൃതവാരീശഃ പൂര്ണകാമോ ധരാപതിഃ । രക്ഷോഘ്നഃ പുംഡരീകാക്ഷഃ ശരണാഗതവത്സലഃ ॥ 10 ॥

ജാനകീപ്രാണദാതാ ച രക്ഷഃപ്രാണാപഹാരകഃ । പൂര്ണഃ സത്യഃ പീതവാസാ ദിവാകരസമപ്രഭഃ ॥ 11 ॥

ദ്രോണഹര്താ ശക്തിനേതാ ശക്തിരാക്ഷസമാരകഃ । അക്ഷഘ്നോ രാമദൂതശ്ച ശാകിനീജീവിതാഹരഃ ॥ 12 ॥

ബുഭൂകാരഹതാരാതിര്ഗർവപർവതമര്ദനഃ । ഹേതുസ്ത്വഹേതുഃ പ്രാംശുശ്ച വിശ്വകര്താ ജഗദ്ഗുരുഃ ॥ 13 ॥

ജഗന്നാഥോ ജഗന്നേതാ ജഗദീശോ ജനേശ്വരഃ । ജഗത്ശ്രിതോ ഹരിഃ ശ്രീശോ ഗരുഡസ്മയഭംജകഃ ॥ 14 ॥

പാര്ഥധ്വജോ വായുപുത്രഃ സിതപുച്ഛോഽമിതപ്രഭഃ । ബ്രഹ്മപുച്ഛഃ പരബ്രഹ്മപുച്ഛോ രാമേഷ്ടകാരകഃ ॥ 15 ॥

സുഗ്രീവാദിയുതോ ജ്ഞാനീ വാനരോ വാനരേശ്വരഃ । കല്പസ്ഥായീ ചിരംജീവീ പ്രസന്നശ്ച സദാശിവഃ ॥ 16 ॥

സന്മതിഃ സദ്ഗതിര്ഭുക്തിമുക്തിദഃ കീര്തിദായകഃ । കീര്തിഃ കീര്തിപ്രദശ്ചൈവ സമുദ്രഃ ശ്രീപ്രദഃ ശിവഃ ॥ 17 ॥

ഉദധിക്രമണോ ദേവഃ സംസാരഭയനാശനഃ । വാലിബംധനകൃദ്വിശ്വജേതാ വിശ്വപ്രതിഷ്ഠിതഃ ॥ 18 ॥ [വാരി]

ലംകാരിഃ കാലപുരുഷോ ലംകേശഗൃഹഭംജനഃ । ഭൂതാവാസോ വാസുദേവോ വസുസ്ത്രിഭുവനേശ്വരഃ ॥

ശ്രീരാമരൂപഃ കൃഷ്ണസ്തു ലംകാപ്രാസാദഭംജനഃ । കൃഷ്ണഃ കൃഷ്ണസ്തുതഃ ശാംതഃ ശാംതിദോ വിശ്വഭാവനഃ ॥ 20 ॥

വിശ്വഭോക്താഽഥ മാരഘ്നോ ബ്രഹ്മചാരീ ജിതേംദ്രിയഃ । ഊര്ധ്വഗോ ലാംഗുലീ മാലീ ലാംഗൂലാഹതരാക്ഷസഃ ॥ 21 ॥

സമീരതനുജോ വീരോ വീരമാരോ ജയപ്രദഃ । ജഗന്മംഗളദഃ പുണ്യഃ പുണ്യശ്രവണകീര്തനഃ ॥ 22 ॥

പുണ്യകീര്തിഃ പുണ്യഗീതിര്ജഗത്പാവനപാവനഃ । ദേവേശോഽമിതരോമാഽഥ രാമഭക്തവിധായകഃ ॥ 23 ॥

ധ്യാതാ ധ്യേയോ ജഗത്സാക്ഷീ ചേതാ ചൈതന്യവിഗ്രഹഃ । ജ്ഞാനദഃ പ്രാണദഃ പ്രാണോ ജഗത്പ്രാണഃ സമീരണഃ ॥ 24 ॥

വിഭീഷണപ്രിയഃ ശൂരഃ പിപ്പലാശ്രയസിദ്ധിദഃ । സിദ്ധഃ സിദ്ധാശ്രയഃ കാലഃ കാലഭക്ഷകപൂജിതഃ ॥ 25 ॥

ലംകേശനിധനസ്ഥായീ ലംകാദാഹക ഈശ്വരഃ । ചംദ്രസൂര്യാഗ്നിനേത്രശ്ച കാലാഗ്നിഃ പ്രലയാംതകഃ ॥ 26 ॥

കപിലഃ കപിശഃ പുണ്യരാതിര്ദ്വാദശരാശിഗഃ । സർവാശ്രയോഽപ്രമേയാത്മാ രേവത്യാദിനിവാരകഃ ॥ 27 ॥

ലക്ഷ്മണപ്രാണദാതാ ച സീതാജീവനഹേതുകഃ । രാമധ്യായീ ഹൃഷീകേശോ വിഷ്ണുഭക്തോ ജടീ ബലീ ॥ 28 ॥

ദേവാരിദര്പഹാ ഹോതാ ധാതാ കര്താ ജഗത്പ്രഭുഃ । നഗരഗ്രാമപാലശ്ച ശുദ്ധോ ബുദ്ധോ നിരംതരഃ ॥ 29 ॥

നിരംജനോ നിർവികല്പോ ഗുണാതീതോ ഭയംകരഃ । ഹനുമാംശ്ച ദുരാരാധ്യസ്തപഃസാധ്യോ മഹേശ്വരഃ ॥ 30 ॥

ജാനകീഘനശോകോത്ഥതാപഹര്താ പരാശരഃ । വാങ്മയഃ സദസദ്രൂപഃ കാരണം പ്രകൃതേഃ പരഃ ॥ 31 ॥

ഭാഗ്യദോ നിര്മലോ നേതാ പുച്ഛലംകാവിദാഹകഃ । പുച്ഛബദ്ധോ യാതുധാനോ യാതുധാനരിപുപ്രിയഃ ॥ 32 ॥

ഛായാപഹാരീ ഭൂതേശോ ലോകേശഃ സദ്ഗതിപ്രദഃ । പ്ലവംഗമേശ്വരഃ ക്രോധഃ ക്രോധസംരക്തലോചനഃ ॥ 33 ॥

ക്രോധഹര്താ താപഹര്താ ഭക്താഭയവരപ്രദഃ । ഭക്താനുകംപീ വിശ്വേശഃ പുരുഹൂതഃ പുരംദരഃ ॥ 34 ॥

അഗ്നിർവിഭാവസുര്ഭാസ്വാന് യമോ നിരൃതിരേവ ച । വരുണോ വായുഗതിമാന് വായുഃ കുബേര ഈശ്വരഃ ॥ 35 ॥

രവിശ്ചംദ്രഃ കുജഃ സൌമ്യോ ഗുരുഃ കാവ്യഃ ശനൈശ്ചരഃ । രാഹുഃ കേതുര്മരുദ്ദാതാ ധാതാ ഹര്താ സമീരജഃ ॥ 36 ॥

മശകീകൃതദേവാരിര്ദൈത്യാരിര്മധുസൂദനഃ । കാമഃ കപിഃ കാമപാലഃ കപിലോ വിശ്വജീവനഃ ॥ 37 ॥

ഭാഗീരഥീപദാംഭോജഃ സേതുബംധവിശാരദഃ । സ്വാഹാ സ്വധാ ഹവിഃ കവ്യം ഹവ്യവാഹഃ പ്രകാശകഃ ॥ 38 ॥

സ്വപ്രകാശോ മഹാവീരോ മധുരോഽമിതവിക്രമഃ । ഉഡ്ഡീനോഡ്ഡീനഗതിമാന് സദ്ഗതിഃ പുരുഷോത്തമഃ ॥ 39 ॥

ജഗദാത്മാ ജഗദ്യോനിര്ജഗദംതോ ഹ്യനംതരഃ । വിപാപ്മാ നിഷ്കലംകോഽഥ മഹാന് മഹദഹംകൃതിഃ ॥ 40 ॥

ഖം വായുഃ പൃഥിവീ ചാപോ വഹ്നിര്ദിക് കാല ഏകലഃ । ക്ഷേത്രജ്ഞഃ ക്ഷേത്രപാലശ്ച പല്വലീകൃതസാഗരഃ ॥ 41 ॥

ഹിരണ്മയഃ പുരാണശ്ച ഖേചരോ ഭൂചരോ മനുഃ । ഹിരണ്യഗര്ഭഃ സൂത്രാത്മാ രാജരാജോ വിശാം പതിഃ ॥ 42 ॥

വേദാംതവേദ്യ ഉദ്ഗീഥോ വേദാംഗോ വേദപാരഗഃ । പ്രതിഗ്രാമസ്ഥിതഃ സദ്യഃ സ്ഫൂര്തിദാതാ ഗുണാകരഃ ॥ 43 ॥

നക്ഷത്രമാലീ ഭൂതാത്മാ സുരഭിഃ കല്പപാദപഃ । ചിംതാമണിര്ഗുണനിധിഃ പ്രജാദ്വാരമനുത്തമഃ ॥ 44 ॥

പുണ്യശ്ലോകഃ പുരാരാതിഃ മതിമാന് ശർവരീപതിഃ । കില്കിലാരാവസംത്രസ്തഭൂതപ്രേതപിശാചകഃ ॥ 45 ॥

ഋണത്രയഹരഃ സൂക്ഷ്മഃ സ്ഥൂലഃ സർവഗതിഃ പുമാന് । അപസ്മാരഹരഃ സ്മര്താ ശ്രുതിര്ഗാഥാ സ്മൃതിര്മനുഃ ॥ 46 ॥

സ്വര്ഗദ്വാരം പ്രജാദ്വാരം മോക്ഷദ്വാരം യതീശ്വരഃ । നാദരൂപം പരം ബ്രഹ്മ ബ്രഹ്മ ബ്രഹ്മപുരാതനഃ ॥ 47 ॥

ഏകോഽനേകോ ജനഃ ശുക്ലഃ സ്വയംജ്യോതിരനാകുലഃ । ജ്യോതിര്ജ്യോതിരനാദിശ്ച സാത്ത്വികോ രാജസസ്തമഃ ॥ 48 ॥

തമോഹര്താ നിരാലംബോ നിരാകാരോ ഗുണാകരഃ । ഗുണാശ്രയോ ഗുണമയോ ബൃഹത്കായോ ബൃഹദ്യശാഃ ॥

ബൃഹദ്ധനുര്ബൃഹത്പാദോ ബൃഹന്മൂര്ധാ ബൃഹത്സ്വനഃ । ബൃഹത്കര്ണോ ബൃഹന്നാസോ ബൃഹദ്ബാഹുര്ബൃഹത്തനുഃ ॥ 50 ॥

ബൃഹദ്ഗലോ ബൃഹത്കായോ ബൃഹത്പുച്ഛോ ബൃഹത്കരഃ । ബൃഹദ്ഗതിര്ബൃഹത്സേവോ ബൃഹല്ലോകഫലപ്രദഃ ॥ 51 ॥

ബൃഹദ്ഭക്തിര്ബൃഹദ്വാംഛാഫലദോ ബൃഹദീശ്വരഃ । ബൃഹല്ലോകനുതോ ദ്രഷ്ടാ വിദ്യാദാതാ ജഗദ്ഗുരുഃ ॥ 52 ॥

ദേവാചാര്യഃ സത്യവാദീ ബ്രഹ്മവാദീ കലാധരഃ । സപ്തപാതാലഗാമീ ച മലയാചലസംശ്രയഃ ॥ 53 ॥

ഉത്തരാശാസ്ഥിതഃ ശ്രീശോ ദിവ്യൌഷധിവശഃ ഖഗഃ । ശാഖാമൃഗഃ കപീംദ്രോഽഥ പുരാണഃ പ്രാണചംചുരഃ ॥ 54 ॥

ചതുരോ ബ്രാഹ്മണോ യോഗീ യോഗിഗമ്യഃ പരോഽവരഃ । അനാദിനിധനോ വ്യാസോ വൈകുംഠഃ പൃഥിവീപതിഃ ॥ 55 ॥

അപരാജിതോ ജിതാരാതിഃ സദാനംദദ ഈശിതാ । ഗോപാലോ ഗോപതിര്യോദ്ധാ കലിഃ സ്ഫാലഃ പരാത്പരഃ ॥ 56 ॥

മനോവേഗീ സദായോഗീ സംസാരഭയനാശനഃ । തത്ത്വദാതാഽഥ തത്ത്വജ്ഞസ്തത്ത്വം തത്ത്വപ്രകാശകഃ ॥ 57 ॥

ശുദ്ധോ ബുദ്ധോ നിത്യയുക്തോ ഭക്താകാരോ ജഗദ്രഥഃ । പ്രലയോഽമിതമായശ്ച മായാതീതോ വിമത്സരഃ ॥ 58 ॥

മായാനിര്ജിതരക്ഷാശ്ച മായാനിര്മിതവിഷ്ടപഃ । മായാശ്രയശ്ച നിര്ലേപോ മായാനിർവര്തകഃ സുഖീ ॥

സുഖം സുഖപ്രദോ നാഗോ മഹേശകൃതസംസ്തവഃ । മഹേശ്വരഃ സത്യസംധഃ ശരഭഃ കലിപാവനഃ ॥ 60 ॥

രസോ രസജ്ഞഃ സന്മാനോ രൂപം ചക്ഷുഃ ശ്രുതീ രവഃ । ഘ്രാണം ഗംധഃ സ്പര്ശനം ച സ്പര്ശോ ഹിംകാരമാനഗഃ ॥ 61 ॥

നേതിനേതീതിഗമ്യശ്ച വൈകുംഠഭജനപ്രിയഃ । ഗിരിശോ ഗിരിജാകാംതോ ദുർവാസാഃ കവിരംഗിരാഃ ॥ 62 ॥

ഭൃഗുർവസിഷ്ഠശ്ച്യവനോ നാരദസ്തുംബുരുര്ഹരഃ । വിശ്വക്ഷേത്രം വിശ്വബീജം വിശ്വനേത്രം ച വിശ്വപഃ ॥ 63 ॥

യാജകോ യജമാനശ്ച പാവകഃ പിതരസ്തഥാ । ശ്രദ്ധാ ബുദ്ധിഃ ക്ഷമാ തംദ്രാ മംത്രോ മംത്രയിതാ സുരഃ ॥ 64 ॥

രാജേംദ്രോ ഭൂപതീ രൂഢോ മാലീ സംസാരസാരഥിഃ । നിത്യഃ സംപൂര്ണകാമശ്ച ഭക്തകാമധുഗുത്തമഃ ॥ 65 ॥

ഗണപഃ കേശവോ ഭ്രാതാ പിതാ മാതാഽഥ മാരുതിഃ । സഹസ്രമൂര്ധാ സഹസ്രാസ്യഃ സഹസ്രാക്ഷഃ സഹസ്രപാത് ॥ 66 ॥

കാമജിത് കാമദഹനഃ കാമഃ കാമ്യഫലപ്രദഃ । മുദ്രോപഹാരീ രക്ഷോഘ്നഃ ക്ഷിതിഭാരഹരോ ബലഃ ॥ 67 ॥

നഖദംഷ്ട്രായുധോ വിഷ്ണുഭക്തോ ഭക്താഭയപ്രദഃ । ദര്പഹാ ദര്പദോ ദംഷ്ട്രാശതമൂര്തിരമൂര്തിമാന് ॥ 68 ॥

മഹാനിധിര്മഹാഭാഗോ മഹാഭര്ഗോ മഹര്ധിദഃ । മഹാകാരോ മഹായോഗീ മഹാതേജാ മഹാദ്യുതിഃ ॥

മഹാകര്മാ മഹാനാദോ മഹാമംത്രോ മഹാമതിഃ । മഹാശമോ മഹോദാരോ മഹാദേവാത്മകോ വിഭുഃ ॥ 70 ॥

രുദ്രകര്മാ ക്രൂരകര്മാ രത്നനാഭഃ കൃതാഗമഃ । അംഭോധിലംഘനഃ സിദ്ധഃ സത്യധര്മാ പ്രമോദനഃ ॥ 71 ॥

ജിതാമിത്രോ ജയഃ സോമോ വിജയോ വായുവാഹനഃ । ജീവോ ധാതാ സഹസ്രാംശുര്മുകുംദോ ഭൂരിദക്ഷിണഃ ॥ 72 ॥

സിദ്ധാര്ഥഃ സിദ്ധിദഃ സിദ്ധഃ സംകല്പഃ സിദ്ധിഹേതുകഃ । സപ്തപാതാലചരണഃ സപ്തര്ഷിഗണവംദിതഃ ॥ 73 ॥

സപ്താബ്ധിലംഘനോ വീരഃ സപ്തദ്വീപോരുമംഡലഃ । സപ്താംഗരാജ്യസുഖദഃ സപ്തമാതൃനിഷേവിതഃ ॥ 74 ॥

സപ്തലോകൈകമകുടഃ സപ്തഹോത്രഃ സ്വരാശ്രയഃ । സപ്തസാമോപഗീതശ്ച സപ്തപാതാലസംശ്രയഃ ॥ 75 ॥

സപ്തച്ഛംദോനിധിഃ സപ്തച്ഛംദഃ സപ്തജനാശ്രയഃ । മേധാദഃ കീര്തിദഃ ശോകഹാരീ ദൌര്ഭാഗ്യനാശനഃ ॥ 76 ॥

സർവവശ്യകരോ ഗര്ഭദോഷഹാ പുത്രപൌത്രദഃ । പ്രതിവാദിമുഖസ്തംഭോ രുഷ്ടചിത്തപ്രസാദനഃ ॥ 77 ॥

പരാഭിചാരശമനോ ദുഃഖഹാ ബംധമോക്ഷദഃ । നവദ്വാരപുരാധാരോ നവദ്വാരനികേതനഃ ॥ 78 ॥

നരനാരായണസ്തുത്യോ നവനാഥമഹേശ്വരഃ । മേഖലീ കവചീ ഖഡ്ഗീ ഭ്രാജിഷ്ണുര്ജിഷ്ണുസാരഥിഃ ॥ 79 ॥

ബഹുയോജനവിസ്തീര്ണപുച്ഛഃ പുച്ഛഹതാസുരഃ । ദുഷ്ടഹംതാ നിയമിതാ പിശാചഗ്രഹശാതനഃ ॥ 80 ॥

ബാലഗ്രഹവിനാശീ ച ധര്മനേതാ കൃപാകരഃ । ഉഗ്രകൃത്യശ്ചോഗ്രവേഗ ഉഗ്രനേത്രഃ ശതക്രതുഃ ॥ 81 ॥

ശതമന്യുസ്തുതഃ സ്തുത്യഃ സ്തുതിഃ സ്തോതാ മഹാബലഃ । സമഗ്രഗുണശാലീ ച വ്യഗ്രോ രക്ഷോവിനാശനഃ ॥ 82 ॥

രക്ഷോഽഗ്നിദാവോ ബ്രഹ്മേശഃ ശ്രീധരോ ഭക്തവത്സലഃ । മേഘനാദോ മേഘരൂപോ മേഘവൃഷ്ടിനിവാരണഃ ॥ 83 ॥

മേഘജീവനഹേതുശ്ച മേഘശ്യാമഃ പരാത്മകഃ । സമീരതനയോ ധാതാ തത്ത്വവിദ്യാവിശാരദഃ ॥ 84 ॥

അമോഘോഽമോഘവൃഷ്ടിശ്ചാഭീഷ്ടദോഽനിഷ്ടനാശനഃ । അര്ഥോഽനര്ഥാപഹാരീ ച സമര്ഥോ രാമസേവകഃ ॥ 85 ॥

അര്ഥീ ധന്യോഽസുരാരാതിഃ പുംഡരീകാക്ഷ ആത്മഭൂഃ । സംകര്ഷണോ വിശുദ്ധാത്മാ വിദ്യാരാശിഃ സുരേശ്വരഃ ॥ 86 ॥

അചലോദ്ധാരകോ നിത്യഃ സേതുകൃദ്രാമസാരഥിഃ । ആനംദഃ പരമാനംദോ മത്സ്യഃ കൂര്മോ നിധിഃ ശയഃ ॥ 87 ॥

വരാഹോ നാരസിംഹശ്ച വാമനോ ജമദഗ്നിജഃ । രാമഃ കൃഷ്ണഃ ശിവോ ബുദ്ധഃ കല്കീ രാമാശ്രയോ ഹരിഃ ॥ 88 ॥

നംദീ ഭൃംഗീ ച ചംഡീ ച ഗണേശോ ഗണസേവിതഃ । കര്മാധ്യക്ഷഃ സുരാരാമോ വിശ്രാമോ ജഗതീപതിഃ ॥

ജഗന്നാഥഃ കപീശശ്ച സർവാവാസഃ സദാശ്രയഃ । സുഗ്രീവാദിസ്തുതോ ദാംതഃ സർവകര്മാ പ്ലവംഗമഃ ॥ 90 ॥

നഖദാരിതരക്ഷശ്ച നഖയുദ്ധവിശാരദഃ । കുശലഃ സുധനഃ ശേഷോ വാസുകിസ്തക്ഷകസ്തഥാ ॥ 91 ॥

സ്വര്ണവര്ണോ ബലാഢ്യശ്ച പുരുജേതാഽഘനാശനഃ । കൈവല്യദീപഃ കൈവല്യോ ഗരുഡഃ പന്നഗോ ഗുരുഃ ॥ 92 ॥

ക്ലീക്ലീരാവഹതാരാതിഗർവഃ പർവതഭേദനഃ । വജ്രാംഗോ വജ്രവക്ത്രശ്ച ഭക്തവജ്രനിവാരകഃ ॥ 93 ॥

നഖായുധോ മണിഗ്രീവോ ജ്വാലാമാലീ ച ഭാസ്കരഃ । പ്രൌഢപ്രതാപസ്തപനോ ഭക്തതാപനിവാരകഃ ॥ 94 ॥

ശരണം ജീവനം ഭോക്താ നാനാചേഷ്ടോഽഥ ചംചലഃ । സ്വസ്ഥസ്ത്വസ്വാസ്ഥ്യഹാ ദുഃഖശാതനഃ പവനാത്മജഃ ॥ 95 ॥

പവനഃ പാവനഃ കാംതോ ഭക്താംഗഃ സഹനോ ബലഃ । മേഘനാദരിപുര്മേഘനാദസംഹൃതരാക്ഷസഃ ॥ 96 ॥

ക്ഷരോഽക്ഷരോ വിനീതാത്മാ വാനരേശഃ സതാംഗതിഃ । ശ്രീകംഠഃ ശിതികംഠശ്ച സഹായഃ സഹനായകഃ ॥ 97 ॥

അസ്ഥൂലസ്ത്വനണുര്ഭര്ഗോ ദേവസംസൃതിനാശനഃ । അധ്യാത്മവിദ്യാസാരശ്ചാപ്യധ്യാത്മകുശലഃ സുധീഃ ॥ 98 ॥

അകല്മഷഃ സത്യഹേതുഃ സത്യദഃ സത്യഗോചരഃ । സത്യഗര്ഭഃ സത്യരൂപഃ സത്യഃ സത്യപരാക്രമഃ ॥ 99 ॥

അംജനാപ്രാണലിംഗം ച വായുവംശോദ്ഭവഃ ശ്രുതിഃ । ഭദ്രരൂപോ രുദ്രരൂപഃ സുരൂപശ്ചിത്രരൂപധൃക് ॥ 100 ॥

മൈനാകവംദിതഃ സൂക്ഷ്മദര്ശനോ വിജയോ ജയഃ । ക്രാംതദിങ്മംഡലോ രുദ്രഃ പ്രകടീകൃതവിക്രമഃ ॥ 101 ॥

കംബുകംഠഃ പ്രസന്നാത്മാ ഹ്രസ്വനാസോ വൃകോദരഃ । ലംബോഷ്ഠഃ കുംഡലീ ചിത്രമാലീ യോഗവിദാം വരഃ ॥ 102 ॥

വിപശ്ചിത് കവിരാനംദവിഗ്രഹോഽനല്പനാശനഃ । ഫാല്ഗുനീസൂനുരവ്യഗ്രോ യോഗാത്മാ യോഗതത്പരഃ ॥ 103 ॥

യോഗവിദ്യോഗകര്താ ച യോഗയോനിര്ദിഗംബരഃ । അകാരാദിക്ഷകാരാംതവര്ണനിര്മിതവിഗ്രഹഃ ॥ 104 ॥

ഉലൂഖലമുഖഃ സിദ്ധസംസ്തുതഃ പരമേശ്വരഃ । ശ്ലിഷ്ടജംഘഃ ശ്ലിഷ്ടജാനുഃ ശ്ലിഷ്ടപാണിഃ ശിഖാധരഃ ॥ 105 ॥

സുശര്മാഽമിതധര്മാ ച നാരായണപരായണഃ । ജിഷ്ണുര്ഭവിഷ്ണൂ രോചിഷ്ണുര്ഗ്രസിഷ്ണുഃ സ്ഥാണുരേവ ച ॥ 106 ॥

ഹരീ രുദ്രാനുകൃദ്വൃക്ഷകംപനോ ഭൂമികംപനഃ । ഗുണപ്രവാഹഃ സൂത്രാത്മാ വീതരാഗഃ സ്തുതിപ്രിയഃ ॥ 107 ॥

നാഗകന്യാഭയധ്വംസീ കൃതപൂര്ണഃ കപാലഭൃത് । അനുകൂലോഽക്ഷയോഽപായോഽനപായോ വേദപാരഗഃ ॥ 108 ॥

അക്ഷരഃ പുരുഷോ ലോകനാഥസ്ത്ര്യക്ഷഃ പ്രഭുര്ദൃഢഃ । അഷ്ടാംഗയോഗഫലഭൂഃ സത്യസംധഃ പുരുഷ്ടുതഃ ॥ 109 ॥

ശ്മശാനസ്ഥാനനിലയഃ പ്രേതവിദ്രാവണക്ഷമഃ । പംചാക്ഷരപരഃ പംചമാതൃകോ രംജനോ ധ്വജഃ ॥ 110 ॥

യോഗിനീവൃംദവംദ്യശ്രീഃ ശത്രുഘ്നോഽനംതവിക്രമഃ । ബ്രഹ്മചാരീംദ്രിയവപുര്ധൃതദംഡോ ദശാത്മകഃ ॥ 111 ॥

അപ്രപംചഃ സദാചാരഃ ശൂരസേനോ വിദാരകഃ । ബുദ്ധഃ പ്രമോദ ആനംദഃ സപ്തജിഹ്വപതിര്ധരഃ ॥ 112 ॥

നവദ്വാരപുരാധാരഃ പ്രത്യഗ്രഃ സാമഗായനഃ । ഷട്ചക്രധാമാ സ്വര്ലോകഭയഹൃന്മാനദോ മദഃ ॥ 113 ॥

സർവവശ്യകരഃ ശക്തിരനംതോഽനംതമംഗളഃ । അഷ്ടമൂര്തിധരോ നേതാ വിരൂപഃ സ്വരസുംദരഃ ॥ 114 ॥

ധൂമകേതുര്മഹാകേതുഃ സത്യകേതുര്മഹാരഥഃ । നംദീപ്രിയഃ സ്വതംത്രശ്ച മേഖലീ ഡമരുപ്രിയഃ ॥ 115 ॥

ലോഹിതാംഗഃ സമിദ്വഹ്നിഃ ഷഡൃതുഃ ശർവ ഈശ്വരഃ । ഫലഭുക് ഫലഹസ്തശ്ച സർവകര്മഫലപ്രദഃ ॥ 116 ॥

ധര്മാധ്യക്ഷോ ധര്മഫലോ ധര്മോ ധര്മപ്രദോഽര്ഥദഃ । പംചവിംശതിതത്ത്വജ്ഞസ്താരകോ ബ്രഹ്മതത്പരഃ ॥ 117 ॥

ത്രിമാര്ഗവസതിര്ഭീമഃ സർവദുഷ്ടനിബര്ഹണഃ । ഊര്ജഃസ്വാമീ ജലസ്വാമീ ശൂലീ മാലീ നിശാകരഃ ॥ 118 ॥

രക്താംബരധരോ രക്തോ രക്തമാല്യവിഭൂഷണഃ । വനമാലീ ശുഭാംഗശ്ച ശ്വേതഃ ശ്വേതാംബരോ യുവാ ॥ 119 ॥

ജയോഽജേയപരീവാരഃ സഹസ്രവദനഃ കവിഃ । ശാകിനീഡാകിനീയക്ഷരക്ഷോഭൂതപ്രഭംജനഃ ॥ 120 ॥

സദ്യോജാതഃ കാമഗതിര്ജ്ഞാനമൂര്തിര്യശസ്കരഃ । ശംഭുതേജാഃ സാർവഭൌമോ വിഷ്ണുഭക്തഃ പ്ലവംഗമഃ ॥ 121 ॥

ചതുര്ണവതിമംത്രജ്ഞഃ പൌലസ്ത്യബലദര്പഹാ । സർവലക്ഷ്മീപ്രദഃ ശ്രീമാനംഗദപ്രിയവര്ധനഃ ॥ 122 ॥

സ്മൃതിബീജം സുരേശാനഃ സംസാരഭയനാശനഃ । ഉത്തമഃ ശ്രീപരീവാരഃ ശ്രീഭൂരുഗ്രശ്ച കാമധുക് ॥ 123 ॥

സദാഗതിര്മാതരിശ്വാ രാമപാദാബ്ജഷട്പദഃ । നീലപ്രിയോ നീലവര്ണോ നീലവര്ണപ്രിയഃ സുഹൃത് ॥ 124 ॥

രാമദൂതോ ലോകബംധുരംതരാത്മാ മനോരമഃ । ശ്രീരാമധ്യാനകൃദ്വീരഃ സദാ കിംപുരുഷസ്തുതഃ ॥ 125 ॥

രാമകാര്യാംതരംഗശ്ച ശുദ്ധിര്ഗതിരനാമയഃ । പുണ്യശ്ലോകഃ പരാനംദഃ പരേശപ്രിയസാരഥിഃ ॥ 126 ॥

ലോകസ്വാമീ മുക്തിദാതാ സർവകാരണകാരണഃ । മഹാബലോ മഹാവീരഃ പാരാവാരഗതിര്ഗുരുഃ ॥ 127 ॥

താരകോ ഭഗവാംസ്ത്രാതാ സ്വസ്തിദാതാ സുമംഗളഃ । സമസ്തലോകസാക്ഷീ ച സമസ്തസുരവംദിതഃ । സീതാസമേതശ്രീരാമപാദസേവാധുരംധരഃ ॥ 128 ॥

ഇദം നാമസഹസ്രം തു യോഽധീതേ പ്രത്യഹം നരഃ । ദുഃഖൌഘോ നശ്യതേ ക്ഷിപ്രം സംപത്തിർവര്ധതേ ചിരമ് ॥ 129 ॥

വശ്യം ചതുർവിധം തസ്യ ഭവത്യേവ ന സംശയഃ । രാജാനോ രാജപുത്രാശ്ച രാജകീയാശ്ച മംത്രിണഃ ॥ 130 ॥

ത്രികാലം പഠനാദസ്യ ദൃശ്യംതേ ച ത്രിപക്ഷതഃ । അശ്വത്ഥമൂലേ ജപതാം നാസ്തി വൈരികൃതം ഭയമ് ॥ 131 ॥

ത്രികാലപഠനാദസ്യ സിദ്ധിഃ സ്യാത് കരസംസ്ഥിതാ । ബ്രാഹ്മേ മുഹൂര്തേ ചോത്ഥായ പ്രത്യഹം യഃ പഠേന്നരഃ ॥ 132 ॥

ഐഹികാമുഷ്മികാന് സോഽപി ലഭതേ നാത്ര സംശയഃ । സംഗ്രാമേ സന്നിവിഷ്ടാനാം വൈരിവിദ്രാവണം ഭവേത് ॥ 133 ॥

ജ്വരാപസ്മാരശമനം ഗുല്മാദിവ്യാധിവാരണമ് । സാമ്രാജ്യസുഖസംപത്തിദായകം ജപതാം നൃണാമ് ॥ 134 ॥

യ ഇദം പഠതേ നിത്യം പാഠയേദ്വാ സമാഹിതഃ । സർവാന് കാമാനവാപ്നോതി വായുപുത്രപ്രസാദതഃ ॥ 135 ॥

ഇതി ശ്രീ ഹനുമത് സഹസ്രനാമ സ്തോത്രമ് ।

Browse Related Categories: