শ্রী শিব আরতী

সর্বেশং পরমেশং শ্রীপার্বতীশং বংদেঽহং বিশ্বেশং শ্রীপন্নগেশম্ । শ্রীসাংবং শংভুং শিবং ত্রৈলোক্যপূজ্য়ং বংদেঽহং ত্রৈনেত্রং শ্রীকংঠমীশম্ ॥ 1॥

ভস্মাংবরধরমীশং সুরপারিজাতং বিল্বার্চিতপদয়ুগলং সোমং সোমেশম্ । জগদালযপরিশোভিতদেবং পরমাত্মং বংদেঽহং শিবশংকরমীশং দেবেশম্ ॥ 2॥

কৈলাসপ্রিযবাসং করুণাকরমীশং কাত্য়াযনীবিলসিতপ্রিযবামভাগম্ । প্রণবার্চিতমাত্মার্চিতং সংসেবিতরূপং বংদেঽহং শিবশংকরমীশং দেবেশম্ ॥ 3॥

মন্মথনিজমদদহনং দাক্ষাযনীশং নির্গুণগুণসংভরিতং কৈবল্যপুরুষম্ । ভক্তানুগ্রহবিগ্রহমানংদজৈকং বংদেঽহং শিবশংকরমীশং দেবেশম্ ॥ 4॥

সুরগংগাসংপ্লাবিতপাবননিজশিখরং সমভূষিতশশিবিংবং জটাধরং দেবম্ । নিরতোজ্জ্বলদাবানলনযনফালভাগং বংদেঽহং শিবশংকরমীশং দেবেশম্ ॥ 5॥

শশিসূর্যনেত্রদ্বযমারাধ্যপুরুষং সুরকিন্নরপন্নগমযমীশং সংকাশম্ । শরবণভবসংপূজিতনিজপাদপদ্মং বংদেঽহং শিবশংকরমীশং দেবেশম্ ॥ 6॥

শ্রীশৈলপুরবাসং ঈশং মল্লীশং শ্রীকালহস্তীশং স্বর্ণমুখীবাসম্ । কাংচীপুরমীশং শ্রীকামাক্ষীতেজং বংদেঽহং শিবশংকরমীশং দেবেশম্ ॥ 7॥

ত্রিপুরাংতকমীশং অরুণাচলেশং দক্ষিণামূর্তিং গুরুং লোকপূজ্যম্ । চিদংবরপুরবাসং পংচলিংগমূর্তিং বংদেঽহং শিবশংকরমীশং দেবেশম্ ॥ 8॥