Vishnu · Traditional devotional text · Source: vignanam.org (Traditional devotional text (public-domain shlokas))
പ്രതിഭടശ്രേണിഭീഷണ വരഗുണസ്തോമഭൂഷണ ജനിഭയസ്ഥാനതാരണ ജഗദവസ്ഥാനകാരണ । നിഖിലദുഷ്കര്മകര്ശന നിഗമസദ്ധര്മദര്ശന ജയ ജയ ശ്രീസുദര്ശന ജയ ജയ ശ്രീസുദര്ശന ॥ 1 ॥
ശുഭജഗദ്രൂപമംഡന സുരജനത്രാസഖംഡന ശതമഖബ്രഹ്മവംദിത ശതപഥബ്രഹ്മനംദിത । പ്രഥിതവിദ്വത്സപക്ഷിത ഭജദഹിര്ബുധ്ന്യലക്ഷിത ജയ ജയ ശ്രീസുദര്ശന ജയ ജയ ശ്രീസുദര്ശന ॥ 2 ॥
Offered for worship and study, not as prediction. Non-commercial.
More devotional texts
നിജപദപ്രീതസദ്ഗണ നിരുപഥിസ്ഫീതഷഡ്ഗുണ നിഗമനിർവ്യൂഢവൈഭവ നിജപരവ്യൂഹവൈഭവ । ഹരിഹയദ്വേഷിദാരണ ഹരപുരപ്ലോഷകാരണ ജയ ജയ ശ്രീസുദര്ശന ജയ ജയ ശ്രീസുദര്ശന ॥ 3 ॥
സ്ഫുടതടിജ്ജാലപിംജര പൃഥുതരജ്വാലപംജര പരിഗതപ്രത്നവിഗ്രഹ പരിമിതപ്രജ്ഞദുര്ഗ്രഹ । പ്രഹരണഗ്രാമമംഡിത പരിജനത്രാണപംഡിത ജയ ജയ ശ്രീസുദര്ശന ജയ ജയ ശ്രീസുദര്ശന ॥ 4 ॥
ഭുവനനേതസ്ത്രയീമയ സവനതേജസ്ത്രയീമയ നിരവധിസ്വാദുചിന്മയ നിഖിലശക്തേജഗന്മയ । അമിതവിശ്വക്രിയാമയ ശമിതവിശ്വഗ്ഭയാമയ ജയ ജയ ശ്രീസുദര്ശന ജയ ജയ ശ്രീസുദര്ശന ॥ 5 ॥
മഹിതസംപത്സദക്ഷര വിഹിതസംപത്ഷഡക്ഷര ഷഡരചക്രപ്രതിഷ്ഠിത സകലതത്ത്വപ്രതിഷ്ഠിത । വിവിധസംകല്പകല്പക വിബുധസംകല്പകല്പക ജയ ജയ ശ്രീസുദര്ശന ജയ ജയ ശ്രീസുദര്ശന ॥ 6 ॥
പ്രതിമുഖാലീഢബംധുര പൃഥുമഹാഹേതിദംതുര വികടമാലാപരിഷ്കൃത വിവിധമായാബഹിഷ്കൃത । സ്ഥിരമഹായംത്രയംത്രിത ദൃഢദയാതംത്രയംത്രിത ജയ ജയ ശ്രീസുദര്ശന ജയ ജയ ശ്രീസുദര്ശന ॥ 7 ॥
ദനുജവിസ്താരകര്തന ദനുജവിദ്യാവികര്തന ജനിതമിസ്രാവികര്തന ഭജദവിദ്യാനികര്തന । അമരദൃഷ്ടസ്വവിക്രമ സമരജുഷ്ടഭ്രമിക്രമ ജയ ജയ ശ്രീസുദര്ശന ജയ ജയ ശ്രീസുദര്ശന ॥ 8 ॥
ദ്വിചതുഷ്കമിദം പ്രഭൂതസാരം പഠതാം വേംകടനായകപ്രണീതമ് । വിഷമേഽപി മനോരഥഃ പ്രധാവന് ന വിഹന്യേത രഥാംഗധുര്യഗുപ്തഃ ॥ 9 ॥
ഇതി ശ്രീ വേദാംതാചാര്യസ്യ കൃതിഷു സുദര്ശനാഷ്ടകമ് ।
Browse Related Categories: