Vishnu · Traditional devotional text · Source: vignanam.org (Traditional devotional text (public-domain shlokas))
సుదర్శనశ్చక్రరాజః తేజోవ్యూహో మహాద్యుతిః । సహస్రబాహు-ర్దీప్తాంగః అరుణాక్షః ప్రతాపవాన్ ॥ 1॥
అనేకాదిత్యసంకాశః ప్రోద్యజ్జ్వాలాభిరంజితః । సౌదామినీ-సహస్రాభః మణికుండల-శోభితః ॥ 2॥
పంచభూతమనోరూపో షట్కోణాంతర-సంస్థితః । హరాంతః కరణోద్భూత-రోషభీషణ-విగ్రహః ॥ 3॥
హరిపాణిలసత్పద్మవిహారారమనోహరః । శ్రాకారరూపస్సర్వజ్ఞః సర్వలోకార్చితప్రభుః ॥ 4॥
చతుర్దశసహస్రారః చతుర్వేదమయో-ఽనలః । భక్తచాంద్రమసజ్యోతిః భవరోగ-వినాశకః ॥ 5॥
రేఫాత్మకో మకారశ్చ రక్షోసృగ్రూషితాంగకః । సర్వదైత్యగ్రీవనాల-విభేదన-మహాగజః ॥ 6॥
భీమదంష్ట్రోజ్జ్వలాకారో భీమకర్మా విలోచనః । నీలవర్త్మా నిత్యసుఖో నిర్మలశ్రీ-ర్నిరంజనః ॥ 7॥
రక్తమాల్యాంబరధరో రక్తచందనరూషితః । రజోగుణాకృతిశ్శూరో రక్షఃకుల-యమోపమః ॥ 8॥
నిత్యక్షేమకరః ప్రాజ్ఞః పాషండజనఖండనః । నారాయణాజ్ఞానువర్తీ నైగమాంతఃప్రకాశకః ॥ 9॥
Offered for worship and study, not as prediction. Non-commercial.
More devotional texts
బలినందనదోర్దండ-ఖండనో విజయాకృతిః । మిత్రభావీ సర్వమయో తమోవిధ్వంసకస్తథా ॥ 10॥
రజస్సత్త్వతమోద్వర్తీ త్రిగుణాత్మా త్రిలోకధృత్ । హరిమాయాగుణోపేతో-ఽవ్యయో-ఽక్షస్వరూపభాక్ ॥ 11॥
పరమాత్మా పరంజ్యోతిః పంచకృత్య-పరాయణః । జ్ఞానశక్తి-బలైశ్వర్య-వీర్య-తేజః-ప్రభామయః ॥ 12॥
సదసత్పరమః పూర్ణో వాఙ్మయో వరదోఽచ్యుతః । జీవో గురుర్హంసరూపః పంచాశత్పీఠరూపకః ॥ 13॥
మాతృకామండలాధ్యక్షో మధుధ్వంసీ మనోమయః । బుద్ధిరూపశ్చిత్తసాక్షీ సారో హంసాక్షరద్వయః ॥ 14॥
మంత్ర-యంత్ర-ప్రభావజ్ఞో మంత్ర-యంత్ర-మయో విభుః । స్రష్టా క్రియాస్పద-శ్శుద్ధః ఆధారశ్చక్ర-రూపకః ॥ 15॥
నిరాయుధో హ్యసంరంభః సర్వాయుధ-సమన్వితః । ఓమ్కారరూపీ పూర్ణాత్మా ఆంకారస్సాధ్య-బంధనః ॥ 16॥
ఐంకారో వాక్ప్రదో వగ్మీ శ్రీంకారైశ్వర్యవర్ధనః । క్లీంకారమోహనాకారో హుంఫట్క్షోభణాకృతిః ॥ 17॥
ఇంద్రార్చిత-మనోవేగో ధరణీభార-నాశకః । వీరారాధ్యో విశ్వరూపః వైష్ణవో విష్ణురూపకః ॥ 18॥
సత్యవ్రతః సత్యధరః సత్యధర్మానుషంగకః' నారాయణకృపావ్యూహ-తేజశ్చక్ర-స్సుదర్శనః ॥ 19॥
॥ శ్రీ సుదర్శనాష్టోత్తరశతనామ స్తోత్రం సంపూర్ణం॥
Browse Related Categories: