Ganesha · Traditional devotional text · Source: vignanam.org (Traditional devotional text (public-domain shlokas))
വിനായകോ വിഘ്നരാജോ ഗൌരീപുത്രോ ഗണേശ്വരഃ । സ്കംദാഗ്രജോഽവ്യയഃ പൂതോ ദക്ഷോഽധ്യക്ഷോ ദ്വിജപ്രിയഃ ॥ 1 ॥
അഗ്നിഗർവച്ഛിദിംദ്രശ്രീപ്രദോ വാണീപ്രദായകഃ । സർവസിദ്ധിപ്രദഃ ശർവതനയഃ ശർവരീപ്രിയഃ ॥ 2 ॥
സർവാത്മകഃ സൃഷ്ടികര്താ ദേവാനീകാര്ചിതഃ ശിവഃ । സിദ്ധിബുദ്ധിപ്രദഃ ശാംതോ ബ്രഹ്മചാരീ ഗജാനനഃ ॥ 3 ॥
ദ്വൈമാതുരോ മുനിസ്തുത്യോ ഭക്തവിഘ്നവിനാശനഃ । ഏകദംതശ്ചതുര്ബാഹുശ്ചതുരഃ ശക്തിസംയുതഃ ॥ 4 ॥
ലംബോദരഃ ശൂര്പകര്ണോ ഹരിര്ബ്രഹ്മവിദുത്തമഃ । കാവ്യോ ഗ്രഹപതിഃ കാമീ സോമസൂര്യാഗ്നിലോചനഃ ॥ 5 ॥
പാശാംകുശധരശ്ചംഡോ ഗുണാതീതോ നിരംജനഃ । അകല്മഷഃ സ്വയം സിദ്ധഃ സിദ്ധാര്ചിതപദാംബുജഃ ॥ 6 ॥
ബീജാപൂരഫലാസക്തോ വരദഃ ശാശ്വതഃ കൃതീ । ദ്വിജപ്രിയോ വീതഭയോ ഗദീ ചക്രീക്ഷുചാപധൃത് ॥ 7 ॥
ശ്രീദോഽജ ഉത്പലകരഃ ശ്രീപതിസ്തുതിഹര്ഷിതഃ । കുലാദ്രിഭേത്താ ജടിലശ്ചംദ്രചൂഡോഽമരേശ്വരഃ ॥ 8 ॥
നാഗയജ്ഞോപവീതീ ച കലികല്മഷനാശനഃ । സ്ഥൂലകംഠഃ സ്വയംകര്താ സാമഘോഷപ്രിയഃ പരഃ ॥ 9 ॥
Offered for worship and study, not as prediction. Non-commercial.
More devotional texts
സ്ഥൂലതുംഡോഽഗ്രണീര്ധീരോ വാഗീശഃ സിദ്ധിദായകഃ । ദൂർവാബില്വപ്രിയഃ കാംതഃ പാപഹാരീ സമാഹിതഃ ॥ 10 ॥
ആശ്രിതശ്രീകരഃ സൌമ്യോ ഭക്തവാംഛിതദായകഃ । ശാംതോഽച്യുതാര്ച്യഃ കൈവല്യോ സച്ചിദാനംദവിഗ്രഹഃ ॥ 11 ॥
ജ്ഞാനീ ദയായുതോ ദാംതോ ബ്രഹ്മദ്വേഷവിവര്ജിതഃ । പ്രമത്തദൈത്യഭയദോ വ്യക്തമൂര്തിരമൂര്തിമാന് ॥ 12 ॥
ശൈലേംദ്രതനുജോത്സംഗഖേലനോത്സുകമാനസഃ । സ്വലാവണ്യസുധാസാരജിതമന്മഥവിഗ്രഹഃ ॥ 13 ॥
സമസ്തജഗദാധാരോ മായീ മൂഷകവാഹനഃ । രമാര്ചിതോ വിധിശ്ചൈവ ശ്രീകംഠോ വിബുധേശ്വരഃ ॥ 14 ॥
ചിംതാമണിദ്വീപപതിഃ പരമാത്മാ ഗജാനനഃ । ഹൃഷ്ടസ്തുഷ്ടഃ പ്രസന്നാത്മാ സർവസിദ്ധിപ്രദായകഃ ॥ 15 ॥
അഷ്ടോത്തരശതേനൈവം നാമ്നാം വിഘ്നേശ്വരം വിഭുമ് । യഃ പൂജയേദനേനൈവ ഭക്ത്യാ സിദ്ധിവിനായകമ് ॥ 16 ॥
ദൂർവാദളൈഃ ബില്വപത്രൈഃ പുഷ്പൈർവാ ചംദനാക്ഷതൈഃ । സർവാന്കാമാനവാപ്നോതി സർവവിഘ്നൈഃ പ്രമുച്യതേ ॥ 17 ॥
ഇതി ഭവിഷ്യോത്തരപുരാണേ വിനായകാഷ്ടോത്തരശതനാമ സ്തോത്രമ് ।
Browse Related Categories: