Devi · Traditional devotional text · Source: vignanam.org (Traditional devotional text (public-domain shlokas))
അംബാശംബരവൈരിതാതഭഗിനീ ശ്രീചംദ്രബിംബാനനാ ബിംബോഷ്ഠീ സ്മിതഭാഷിണീ ശുഭകരീ കാദംബവാട്യാശ്രിതാ । ഹ്രീംകാരാക്ഷരമംത്രമധ്യസുഭഗാ ശ്രോണീനിതംബാംകിതാ മാമംബാപുരവാസിനീ ഭഗവതീ ഹേരംബമാതാവതു ॥ 1 ॥
കല്യാണീ കമനീയസുംദരവപുഃ കാത്യായനീ കാലികാ കാലാ ശ്യാമലമേചകദ്യുതിമതീ കാദിത്രിപംചാക്ഷരീ । കാമാക്ഷീ കരുണാനിധിഃ കലിമലാരണ്യാതിദാവാനലാ മാമംബാപുരവാസിനീ ഭഗവതീ ഹേരംബമാതാവതു ॥ 2 ॥
കാംചീകംകണഹാരകുംഡലവതീ കോടീകിരീടാന്വിതാ കംദര്പദ്യുതികോടികോടിസദനാ പീയൂഷകുംഭസ്തനാ । കൌസുംഭാരുണകാംചനാംബരവൃതാ കൈലാസവാസപ്രിയാ മാമംബാപുരവാസിനീ ഭഗവതീ ഹേരംബമാതാവതു ॥ 3 ॥
യാ സാ ശുംഭനിശുംഭദൈത്യശമനീ യാ രക്തബീജാശനീ യാ ശ്രീ വിഷ്ണുസരോജനേത്രഭവനാ യാ ബ്രഹ്മവിദ്യാഽഽസനീ । യാ ദേവീ മധുകൈടഭാസുരരിപുര്യാ മാഹിഷധ്വംസിനീ മാമംബാപുരവാസിനീ ഭഗവതീ ഹേരംബമാതാവതു ॥ 4 ॥
ശ്രീവിദ്യാ പരദേവതാഽഽദിജനനീ ദുര്ഗാ ജയാ ചംഡികാ ബാലാ ശ്രീത്രിപുരേശ്വരീ ശിവസതീ ശ്രീരാജരാജേശ്വരീ । ശ്രീരാജ്ഞീ ശിവദൂതികാ ശ്രുതിനുതാ ശൃംഗാരചൂഡാമണിഃ മാമംബാപുരവാസിനീ ഭഗവതീ ഹേരംബമാതാവതു ॥ 5 ॥
അംബാപംചകമദ്ഭുതം പഠതി ചേദ്യോ വാ പ്രഭാതേഽനിശം ദിവ്യൈശ്വര്യശതായുരുത്തമമതിം വിദ്യാം ശ്രിയം ശാശ്വതമ് । ലബ്ധ്വാ ഭൂമിതലേ സ്വധര്മനിരതാം ശ്രീസുംദരീം ഭാമിനീം അംതേ സ്വര്ഗഫലം ലഭേത്സ വിബുധൈഃ സംസ്തൂയമാനോ നരഃ ॥ 6 ॥
ഇതി ശ്രീ അംബാ പംചരത്ന സ്തോത്രമ് ।
Offered for worship and study, not as prediction. Non-commercial.
Browse Related Categories: