Manidweepa Varnana - 3 (Devi Bhagavatham)

മുക്തിമംഡപമധ്യേ തു മോചയത്യനിശം ശിവാ । ജ്ഞാനോപദേശം കുരുതേ തൃതീയേ നൃപ മംഡപേ ॥ 9 ॥

ചതുര്ഥമംഡപേ ചൈവ ജഗദ്രക്ഷാ വിചിംതനമ് । മംത്രിണീ സഹിതാ നിത്യം കരോതി ജഗദംബികാ ॥ 10 ॥

ചിംതാമണിഗൃഹേ രാജംഛക്തി തത്ത്വാത്മകൈഃ പരൈഃ । സോപാനൈര്ദശഭിര്യുക്തോ മംചകോപ്യധിരാജതേ ॥ 11 ॥

ബ്രഹ്മാ വിഷ്ണുശ്ച രുദ്രശ്ച ഈശ്വരശ്ച സദാശിവഃ । ഏതേ മംചഖുരാഃ പ്രോക്താഃ ഫലകസ്തു സദാശിവഃ ॥ 12 ॥

തസ്യോപരി മഹാദേവോ ഭുവനേശോ വിരാജതേ । യാ ദേവീ നിജലീലാര്ഥം ദ്വിധാഭൂതാ ബഭൂവഹ ॥ 13 ॥

സൃഷ്ട്യാദൌ തു സ ഏവായം തദര്ധാംഗോ മഹേശ്വരഃ । കംദര്പ ദര്പനാശോദ്യത്കോടി കംദര്പസുംദരഃ ॥ 14 ॥

പംചവക്ത്രസ്ത്രിനേത്രശ്ച മണിഭൂഷണ ഭൂഷിതഃ । ഹരിണാഭീതിപരശൂന്വരം ച നിജബാഹുഭിഃ ॥ 15 ॥

ദധാനഃ ഷോഡശാബ്ദോഽസൌ ദേവഃ സർവേശ്വരോ മഹാന് । കോടിസൂര്യ പ്രതീകാശശ്ചംദ്രകോടി സുശീതലഃ ॥ 16 ॥

ശുദ്ധസ്ഫടിക സംകാശസ്ത്രിനേത്രഃ ശീതല ദ്യുതിഃ । വാമാംകേ സന്നിഷണ്ണാഽസ്യ ദേവീ ശ്രീഭുവനേശ്വരീ ॥ 17 ॥

നവരത്നഗണാകീര്ണ കാംചീദാമ വിരാജിതാ । തപ്തകാംചനസന്നദ്ധ വൈദൂര്യാംഗദഭൂഷണാ ॥ 18 ॥

കനച്ഛ്രീചക്രതാടംക വിടംക വദനാംബുജാ । ലലാടകാംതി വിഭവ വിജിതാര്ധസുധാകരാ ॥ 19 ॥

ബിംബകാംതി തിരസ്കാരിരദച്ഛദ വിരാജിതാ । ലസത്കുംകുമകസ്തൂരീതിലകോദ്ഭാസിതാനനാ ॥ 20 ॥

ദിവ്യ ചൂഡാമണി സ്ഫാര ചംചച്ചംദ്രകസൂര്യകാ । ഉദ്യത്കവിസമസ്വച്ഛ നാസാഭരണ ഭാസുരാ ॥ 21 ॥

ചിംതാകലംബിതസ്വച്ഛ മുക്താഗുച്ഛ വിരാജിതാ । പാടീര പംക കര്പൂര കുംകുമാലംകൃത സ്തനീ ॥ 22 ॥

വിചിത്ര വിവിധാ കല്പാ കംബുസംകാശ കംധരാ । ദാഡിമീഫലബീജാഭ ദംതപംക്തി വിരാജിതാ ॥ 23 ॥

അനര്ഘ്യ രത്നഘടിത മുകുടാംചിത മസ്തകാ । മത്താലിമാലാവിലസദലകാഢ്യ മുഖാംബുജാ ॥ 24 ॥

കളംകകാര്ശ്യനിര്മുക്ത ശരച്ചംദ്രനിഭാനനാ । ജാഹ്നവീസലിലാവര്ത ശോഭിനാഭിവിഭൂഷിതാ ॥ 25 ॥

മാണിക്യ ശകലാബദ്ധ മുദ്രികാംഗുളിഭൂഷിതാ । പുംഡരീകദലാകാര നയനത്രയസുംദരീ ॥ 26 ॥

കല്പിതാച്ഛ മഹാരാഗ പദ്മരാഗോജ്ജ്വലപ്രഭാ । രത്നകിംകിണികായുക്ത രത്നകംകണശോഭിതാ ॥ 27 ॥

മണിമുക്താസരാപാര ലസത്പദകസംതതിഃ । രത്നാംഗുളിപ്രവിതത പ്രഭാജാലലസത്കരാ ॥ 28 ॥

കംചുകീഗുംഫിതാപാര നാനാ രത്നതതിദ്യുതിഃ । മല്ലികാമോദി ധമ്മില്ല മല്ലികാലിസരാവൃതാ ॥ 29 ॥

സുവൃത്തനിബിഡോത്തുംഗ കുചഭാരാലസാ ശിവാ । വരപാശാംകുശാഭീതി ലസദ്ബാഹു ചതുഷ്ടയാ ॥ 30 ॥

സർവശൃംഗാരവേഷാഢ്യാ സുകുമാരാംഗവല്ലരീ । സൌംദര്യധാരാസർവസ്വാ നിർവ്യാജകരുണാമയീ ॥ 31 ॥

നിജസംലാപമാധുര്യ വിനിര്ഭര്ത്സിതകച്ഛപീ । കോടികോടിരവീംദൂനാം കാംതിം യാ ബിഭ്രതീ പരാ ॥ 32 ॥

നാനാ സഖീഭിര്ദാസീഭിസ്തഥാ ദേവാംഗനാദിഭിഃ । സർവാഭിര്ദേവതാഭിസ്തു സമംതാത്പരിവേഷ്ടിതാ ॥ 33 ॥

ഇച്ഛാശക്ത്യാ ജ്ഞാനശക്ത്യാ ക്രിയാശക്ത്യാ സമന്വിതാ । ലജ്ജാ തുഷ്ടിസ്തഥാ പുഷ്ടിഃ കീര്തിഃ കാംതിഃ ക്ഷമാ ദയാ ॥ 34 ॥

ബുദ്ധിര്മേധാസ്മൃതിര്ലക്ഷ്മീര്മൂര്തിമത്യോംഗനാഃ സ്മൃതാഃ । ജയാ ച വിജയാ ചൈവാപ്യജിതാ ചാപരാജിതാ ॥ 35 ॥

നിത്യാ വിലാസിനീ ദോഗ്ധ്രീ ത്വഘോരാ മംഗളാ നവാ । പീഠശക്തയ ഏതാസ്തു സേവംതേ യാം പരാംബികാമ് ॥ 36 ॥

യസ്യാസ്തു പാര്ശ്വഭാഗേസ്തോനിധീതൌ ശംഖപദ്മകൌ । നവരത്ന വഹാനദ്യസ്തഥാ വൈ കാംചനസ്രവാഃ ॥ 37 ॥

സപ്തധാതുവഹാനദ്യോ നിധിഭ്യാം തു വിനിര്ഗതാഃ । സുധാസിംധ്വംതഗാമിന്യസ്താഃ സർവാ നൃപസത്തമ ॥ 38 ॥

സാ ദേവീ ഭുവനേശാനീ തദ്വാമാംകേ വിരാജതേ । സർവേശ ത്വം മഹേശസ്യ യത്സംഗാ ദേവ നാന്യഥാ ॥ 39 ॥

ചിംതാമണി ഗൃഹസ്യാഽസ്യ പ്രമാണം ശൃണു ഭൂമിപ । സഹസ്രയോജനായാമം മഹാംതസ്തത്പ്രചക്ഷതേ ॥ 40 ॥

തദുത്തരേ മഹാശാലാഃ പൂർവസ്മാദ് ദ്വിഗുണാഃ സ്മൃതാഃ । അംതരിക്ഷഗതം ത്വേതന്നിരാധാരം വിരാജതേ ॥ 41 ॥

സംകോചശ്ച വികാശശ്ച ജായതേഽസ്യ നിരംതരമ് । പടവത്കാര്യവശതഃ പ്രളയേ സര്ജനേ തഥാ ॥ 42 ॥

ശാലാനാം ചൈവ സർവേഷാം സർവകാംതിപരാവധി । ചിംതാമണിഗൃഹം പ്രോക്തം യത്ര ദേവീ മഹോമയീ ॥ 43 ॥

യേയേ ഉപാസകാഃ സംതി പ്രതിബ്രഹ്മാംഡവര്തിനഃ । ദേവേഷു നാഗലോകേഷു മനുഷ്യേഷ്വിതരേഷു ച ॥ 44 ॥

ശ്രീദേവ്യാസ്തേ ച സർവേപി വ്രജംത്യത്രൈവ ഭൂമിപ । ദേവീക്ഷേത്രേ യേ ത്യജംതി പ്രാണാംദേവ്യര്ചനേ രതാഃ ॥ 45 ॥

തേ സർവേ യാംതി തത്രൈവ യത്ര ദേവീ മഹോത്സവാ । ഘൃതകുല്യാ ദുഗ്ധകുല്യാ ദധികുല്യാ മധുസ്രവാഃ ॥ 46 ॥

സ്യംദംതി സരിതഃ സർവാസ്തഥാമൃതവഹാഃ പരാഃ । ദ്രാക്ഷാരസവഹാഃ കാശ്ചിജ്ജംബൂരസവഹാഃ പരാഃ ॥ 47 ॥

ആമ്രേക്ഷുരസവാഹിന്യോ നദ്യസ്താസ്തു സഹസ്രശഃ । മനോരഥഫലാവൃക്ഷാവാപ്യഃ കൂപാസ്തഥൈവ ച ॥ 48 ॥

യഥേഷ്ടപാനഫലദാന ന്യൂനം കിംചിദസ്തി ഹി । ന രോഗപലിതം വാപി ജരാ വാപി കദാചന ॥ 49 ॥

ന ചിംതാ ന ച മാത്സര്യം കാമക്രോധാദികം തഥാ । സർവേ യുവാനഃ സസ്ത്രീകാഃ സഹസ്രാദിത്യവര്ചസഃ ॥ 50 ॥

ഭജംതി സതതം ദേവീം തത്ര ശ്രീഭുവനേശ്വരീമ് । കേചിത്സലോകതാപന്നാഃ കേചിത്സാമീപ്യതാം ഗതാഃ ॥ 51 ॥

സരൂപതാം ഗതാഃ കേചിത്സാര്ഷ്ടിതാം ച പരേഗതാഃ । യായാസ്തു ദേവതാസ്തത്ര പ്രതിബ്രഹ്മാംഡവര്തിനാമ് ॥ 52 ॥

സമഷ്ടയഃ സ്ഥിതാസ്താസ്തു സേവംതേ ജഗദീശ്വരീമ് । സപ്തകോടിമഹാമംത്രാ മൂര്തിമംത ഉപാസതേ ॥ 53 ॥

മഹാവിദ്യാശ്ച സകലാഃ സാമ്യാവസ്ഥാത്മികാം ശിവാമ് । കാരണബ്രഹ്മരൂപാം താം മായാ ശബലവിഗ്രഹാമ് ॥ 54 ॥

ഇത്ഥം രാജന്മയാ പ്രോക്തം മണിദ്വീപം മഹത്തരമ് । ന സൂര്യചംദ്രൌ നോ വിദ്യുത്കോടയോഗ്നിസ്തഥൈവ ച ॥ 55 ॥

ഏതസ്യ ഭാസാ കോട്യംശ കോട്യംശോ നാപി തേ സമാഃ । ക്വചിദ്വിദ്രുമസംകാശം ക്വചിന്മരകതച്ഛവി ॥ 56 ॥

വിദ്യുദ്ഭാനുസമച്ഛായം മധ്യസൂര്യസമം ക്വചിത് । വിദ്യുത്കോടിമഹാധാരാ സാരകാംതിതതം ക്വചിത് ॥ 57 ॥

ക്വചിത്സിംദൂര നീലേംദ്രം മാണിക്യ സദൃശച്ഛവി । ഹീരസാര മഹാഗര്ഭ ധഗദ്ധഗിത ദിക്തടമ് ॥ 58 ॥

കാംത്യാ ദാവാനലസമം തപ്തകാംചന സന്നിഭമ് । ക്വചിച്ചംദ്രോപലോദ്ഗാരം സൂര്യോദ്ഗാരം ച കുത്ര ചിത് ॥ 59 ॥

രത്നശൃംഗി സമായുക്തം രത്നപ്രാകാര ഗോപുരമ് । രത്നപത്രൈ രത്നഫലൈർവൃക്ഷൈശ്ച പരിമംഡിതമ് ॥ 60 ॥

നൃത്യന്മയൂരസംഘൈശ്ച കപോതരണിതോജ്ജ്വലമ് । കോകിലാകാകലീലാപൈഃ ശുകലാപൈശ്ച ശോഭിതമ് ॥ 61 ॥

സുരമ്യ രമണീയാംബു ലക്ഷാവധി സരോവൃതമ് । തന്മധ്യഭാഗ വിലസദ്വികചദ്രത്ന പംകജൈഃ ॥ 62 ॥

സുഗംധിഭിഃ സമംതാത്തു വാസിതം ശതയോജനമ് । മംദമാരുത സംഭിന്ന ചലദ്ദ്രുമ സമാകുലമ് ॥ 63 ॥

ചിംതാമണി സമൂഹാനാം ജ്യോതിഷാ വിതതാംബരമ് । രത്നപ്രഭാഭിരഭിതോ ധഗദ്ധഗിത ദിക്തടമ് ॥ 64 ॥

വൃക്ഷവ്രാത മഹാഗംധവാതവ്രാത സുപൂരിതമ് । ധൂപധൂപായിതം രാജന്മണിദീപായുതോജ്ജ്വലമ് ॥ 65 ॥

മണിജാലക സച്ഛിദ്ര തരലോദരകാംതിഭിഃ । ദിങ്മോഹജനകം ചൈതദ്ദര്പണോദര സംയുതമ് ॥ 66 ॥

ഐശ്വര്യസ്യ സമഗ്രസ്യ ശൃംഗാരസ്യാഖിലസ്യ ച । സർവജ്ഞതായാഃ സർവായാസ്തേജസശ്ചാഖിലസ്യ ച ॥ 67 ॥

പരാക്രമസ്യ സർവസ്യ സർവോത്തമഗുണസ്യ ച । സകലാ യാ ദയായാശ്ച സമാപ്തിരിഹ ഭൂപതേ ॥ 68 ॥

രാജ്ഞ ആനംദമാരഭ്യ ബ്രഹ്മലോകാംത ഭൂമിഷു । ആനംദാ യേ സ്ഥിതാഃ സർവേ തേഽത്രൈവാംതര്ഭവംതി ഹി ॥ 69 ॥

ഇതി തേ വര്ണിതം രാജന്മണിദ്വീപം മഹത്തരമ് । മഹാദേവ്യാഃ പരംസ്ഥാനം സർവലോകോത്തമോത്തമമ് ॥ 70 ॥

ഏതസ്യ സ്മരണാത്സദ്യഃ സർവപാപം വിനശ്യതി । പ്രാണോത്ക്രമണസംധൌ തു സ്മൃത്വാ തത്രൈവ ഗച്ഛതി ॥ 71 ॥

അധ്യായ പംചകം ത്വേതത്പഠേന്നിത്യം സമാഹിതഃ । ഭൂതപ്രേതപിശാചാദി ബാധാ തത്ര ഭവേന്ന ഹി ॥ 72 ॥

നവീന ഗൃഹ നിര്മാണേ വാസ്തുയാഗേ തഥൈവ ച । പഠിതവ്യം പ്രയത്നേന കല്യാണം തേന ജായതേ ॥ 73 ॥

ഇതി ശ്രീദേവീഭാഗവതേ മഹാപുരാണേ ദ്വാദശസ്കംധേ ദ്വാദശോധ്യായഃ ॥

Browse Related Categories: