Nanda Kumara Ashtakam

ಸುಂದರಗೋಪಾಲಂ ಉರವನಮಾಲಂ ನಯನವಿಶಾಲಂ ದುಃಖಹರಂ ಬೃಂದಾವನಚಂದ್ರಮಾನಂದಕಂದಂ ಪರಮಾನಂದಂ ಧರಣಿಧರಮ್ । ವಲ್ಲಭಘನಶ್ಯಾಮಂ ಪೂರ್ಣಕಾಮಂ ಅತ್ಯಭಿರಾಮಂ ಪ್ರೀತಿಕರಂ ಭಜ ನಂದಕುಮಾರಂ ಸರ್ವಸುಖಸಾರಂ ತತ್ತ್ವವಿಚಾರಂ ಬ್ರಹ್ಮಪರಮ್ ॥ 1 ॥

ಸುಂದರವಾರಿಜವದನಂ ನಿರ್ಜಿತಮದನಂ ಆನಂದಸದನಂ ಮುಕುಟಧರಂ ಗುಂಜಾಕೃತಿಹಾರಂ ವಿಪಿನವಿಹಾರಂ ಪರಮೋದಾರಂ ಚೀರಹರಮ್ । ವಲ್ಲಭಪಟಪೀತಂ ಕೃತ ಉಪವೀತಂ ಕರನವನೀತಂ ವಿಬುಧವರಂ ಭಜ ನಂದಕುಮಾರಂ ಸರ್ವಸುಖಸಾರಂ ತತ್ತ್ವವಿಚಾರಂ ಬ್ರಹ್ಮಪರಮ್ ॥ 2 ॥

ಶೋಭಿತಸುಖಮೂಲಂ ಯಮುನಾಕೂಲಂ ನಿಪಟ ಅತೂಲಂ ಸುಖದತರಂ ಮುಖಮಂಡಿತರೇಣುಂ ಚಾರಿತಧೇನುಂ ವಾದಿತವೇಣುಂ ಮಧುರಸುರಮ್ । ವಲ್ಲಭಮತಿವಿಮಲಂ ಶುಭಪದಕಮಲಂ ನಖರುಚಿ ಅಮಲಂ ತಿಮಿರಹರಂ ಭಜ ನಂದಕುಮಾರಂ ಸರ್ವಸುಖಸಾರಂ ತತ್ತ್ವವಿಚಾರಂ ಬ್ರಹ್ಮಪರಮ್ ॥ 3 ॥

ಶಿರಮುಕುಟಸುದೇಶಂ ಕುಂಚಿತಕೇಶಂ ನಟವರವೇಷಂ ಕಾಮವರಂ ಮಾಯಾಕೃತಮನುಜಂ ಹಲಧರ ಅನುಜಂ ಪ್ರತಿಹತದನುಜಂ ಭಾರಹರಮ್ । ವಲ್ಲಭವ್ರಜಪಾಲಂ ಸುಭಗಸುಚಾಲಂ ಹಿತಮನುಕಾಲಂ ಭಾವವರಂ ಭಜ ನಂದಕುಮಾರಂ ಸರ್ವಸುಖಸಾರಂ ತತ್ತ್ವವಿಚಾರಂ ಬ್ರಹ್ಮಪರಮ್ ॥ 4 ॥

ಇಂದೀವರಭಾಸಂ ಪ್ರಕಟಸರಾಸಂ ಕುಸುಮವಿಕಾಸಂ ವಂಶಧರಂ ಹೃತ್ಮನ್ಮಥಮಾನಂ ರೂಪನಿಧಾನಂ ಕೃತಕಲಗಾನಂ ಚಿತ್ತಹರಮ್ । ವಲ್ಲಭಮೃದುಹಾಸಂ ಕುಂಜನಿವಾಸಂ ವಿವಿಧವಿಲಾಸಂ ಕೇಳಿಕರಂ ಭಜ ನಂದಕುಮಾರಂ ಸರ್ವಸುಖಸಾರಂ ತತ್ತ್ವವಿಚಾರಂ ಬ್ರಹ್ಮಪರಮ್ ॥ 5 ॥

ಅತಿಪರಮಪ್ರವೀಣಂ ಪಾಲಿತದೀನಂ ಭಕ್ತಾಧೀನಂ ಕರ್ಮಕರಂ ಮೋಹನಮತಿಧೀರಂ ಫಣಿಬಲವೀರಂ ಹತಪರವೀರಂ ತರಳತರಮ್ । ವಲ್ಲಭವ್ರಜರಮಣಂ ವಾರಿಜವದನಂ ಹಲಧರಶಮನಂ ಶೈಲಧರಂ ಭಜ ನಂದಕುಮಾರಂ ಸರ್ವಸುಖಸಾರಂ ತತ್ತ್ವವಿಚಾರಂ ಬ್ರಹ್ಮಪರಮ್ ॥ 6 ॥

ಜಲಧರದ್ಯುತಿಅಂಗಂ ಲಲಿತತ್ರಿಭಂಗಂ ಬಹುಕೃತಿರಂಗಂ ರಸಿಕವರಂ ಗೋಕುಲಪರಿವಾರಂ ಮದನಾಕಾರಂ ಕುಂಜವಿಹಾರಂ ಗೂಢತರಮ್ । ವಲ್ಲಭವ್ರಜಚಂದ್ರಂ ಸುಭಗಸುಛಂದಂ ಕೃತ ಆನಂದಂ ಭ್ರಾಂತಿಹರಂ ಭಜ ನಂದಕುಮಾರಂ ಸರ್ವಸುಖಸಾರಂ ತತ್ತ್ವವಿಚಾರಂ ಬ್ರಹ್ಮಪರಮ್ ॥ 7 ॥