Sarasvati Sahasra Nama Stotram

अनेन संस्तुता नित्यं पत्नी तव भवाम्यहम् । त्वया सृष्टं जगत्सर्वं वाणीयुक्तं भविष्यति ॥ 9 ॥

इदं रहस्यं परमं मम नामसहस्रकम् । सर्वपापौघशमनं महासारस्वतप्रदम् ॥ 10 ॥

महाकवित्वदं लोके वागीशत्वप्रदायकम् । त्वं वा परः पुमान्यस्तु स्तवेनाऽनेन तोषयेत् ॥ 11 ॥

तस्याहं किंकरी साक्षाद्भविष्यामि न संशयः । इत्युक्त्वांतर्दधे वाणी तदारभ्य पितामहः ॥ 12 ॥

स्तुत्वा स्तोत्रेण दिव्येन तत्पतित्वमवाप्तवान् । वाणीयुक्तं जगत्सर्वं तदारभ्याऽभवन्मुने ॥ 13 ॥

तत्तेहं संप्रवक्ष्यामि शृणु यत्नेन नारद । सावधानमना भूत्वा क्षणं शुद्धो मुनीश्वरः ॥ 14 ॥

[ ऐं वद वद वाग्वादिनी स्वाहा ]

वाग्वाणी वरदा वंद्या वरारोहा वरप्रदा । वृत्तिर्वागीश्वरी वार्ता वरा वागीशवल्लभा ॥ 1 ॥

विश्वेश्वरी विश्ववंद्या विश्वेशप्रियकारिणी । वाग्वादिनी च वाग्देवी वृद्धिदा वृद्धिकारिणी ॥ 2 ॥

वृद्धिर्वृद्धा विषघ्नी च वृष्टिर्वृष्टिप्रदायिनी । विश्वाराध्या विश्वमाता विश्वधात्री विनायका ॥ 3 ॥

विश्वशक्तिर्विश्वसारा विश्वा विश्वविभावरी । वेदांतवेदिनी वेद्या वित्ता वेदत्रयात्मिका ॥ 4 ॥

वेदज्ञा वेदजननी विश्वा विश्वविभावरी । वरेण्या वाङ्मयी वृद्धा विशिष्टप्रियकारिणी ॥ 5 ॥

विश्वतोवदना व्याप्ता व्यापिनी व्यापकात्मिका । व्यालघ्नी व्यालभूषांगी विरजा वेदनायिका ॥ 6 ॥

वेदवेदांतसंवेद्या वेदांतज्ञानरूपिणी । विभावरी च विक्रांता विश्वामित्रा विधिप्रिया ॥ 7 ॥

वरिष्ठा विप्रकृष्टा च विप्रवर्यप्रपूजिता । वेदरूपा वेदमयी वेदमूर्तिश्च वल्लभा ॥ 8 ॥

[ ॐ ह्रीं गुरुरूपे मां गृह्ण गृह्ण ऐं वद वद वाग्वादिनी स्वाहा ]

गौरी गुणवती गोप्या गंधर्वनगरप्रिया । गुणमाता गुणांतस्था गुरुरूपा गुरुप्रिया ॥ 9 ॥ [ गुहांतस्था ]

गुरुविद्या गानतुष्टा गायकप्रियकारिणी । [ गिरिविद्या ] गायत्री गिरीशाराध्या गीर्गिरीशप्रियंकरी ॥ 10 ॥

गिरिज्ञा ज्ञानविद्या च गिरिरूपा गिरीश्वरी । गीर्माता गणसंस्तुत्या गणनीयगुणान्विता ॥ 11 ॥

गूढरूपा गुहा गोप्या गोरूपा गौर्गुणात्मिका । गुर्वी गुर्वंबिका गुह्या गेयजा गृहनाशिनी ॥ 12 ॥

गृहिणी गृहदोषघ्नी गवघ्नी गुरुवत्सला । गृहात्मिका गृहाराध्या गृहबाधाविनाशिनी ॥ 13 ॥

गंगा गिरिसुता गम्या गजयाना गुहस्तुता । गरुडासनसंसेव्या गोमती गुणशालिनी ॥ 14 ॥

[ ॐ ऐं नमः शारदे श्रीं शुद्धे नमः शारदे वं ऐं वद वद वाग्वादिनी स्वाहा ]

शारदा शाश्वती शैवी शांकरी शंकरात्मिका । श्रीश्शर्वाणी शतघ्नी च शरच्चंद्रनिभानना ॥ 15 ॥

शर्मिष्ठा शमनघ्नी च शतसाहस्ररूपिणी । शिवा शंभुप्रिया श्रद्धा श्रुतिरूपा श्रुतिप्रिया ॥ 16 ॥

शुचिष्मती शर्मकरी शुद्धिदा शुद्धिरूपिणी । शिवा शिवंकरी शुद्धा शिवाराध्या शिवात्मिका ॥ 17 ॥

श्रीमती श्रीमयी श्राव्या श्रुतिः श्रवणगोचरा । शांतिश्शांतिकरी शांता शांताचारप्रियंकरी ॥ 18 ॥

शीललभ्या शीलवती श्रीमाता शुभकारिणी । शुभवाणी शुद्धविद्या शुद्धचित्तप्रपूजिता ॥ 19 ॥

श्रीकरी श्रुतपापघ्नी शुभाक्षी शुचिवल्लभा । शिवेतरघ्नी शबरी श्रवणीयगुणान्विता ॥ 20 ॥ [शर्वरी]

शारी शिरीषपुष्पाभा शमनिष्ठा शमात्मिका । शमान्विता शमाराध्या शितिकंठप्रपूजिता ॥ 21 ॥

शुद्धिः शुद्धिकरी श्रेष्ठा श्रुतानंता शुभावहा । सरस्वती च सर्वज्ञा सर्वसिद्धिप्रदायिनी ॥ 22 ॥

[ ॐ ऐं वद वद वाग्वादिनी स्वाहा ]

सरस्वती च सावित्री संध्या सर्वेप्सितप्रदा । सर्वार्तिघ्नी सर्वमयी सर्वविद्याप्रदायिनी ॥ 23 ॥

सर्वेश्वरी सर्वपुण्या सर्गस्थित्यंतकारिणी । सर्वाराध्या सर्वमाता सर्वदेवनिषेविता ॥ 24 ॥

सर्वैश्वर्यप्रदा सत्या सती सत्वगुणाश्रया । सर्वक्रमपदाकारा सर्वदोषनिषूदिनी ॥ 25 ॥ [ स्वरक्रमपदाकारा ]

सहस्राक्षी सहस्रास्या सहस्रपदसंयुता । सहस्रहस्ता साहस्रगुणालंकृतविग्रहा ॥ 26 ॥

सहस्रशीर्षा सद्रूपा स्वधा स्वाहा सुधामयी । षड्ग्रंथिभेदिनी सेव्या सर्वलोकैकपूजिता ॥ 27 ॥

स्तुत्या स्तुतिमयी साध्या सवितृप्रियकारिणी । संशयच्छेदिनी सांख्यवेद्या संख्या सदीश्वरी ॥ 28 ॥

सिद्धिदा सिद्धसंपूज्या सर्वसिद्धिप्रदायिनी । सर्वज्ञा सर्वशक्तिश्च सर्वसंपत्प्रदायिनी ॥ 29 ॥

सर्वाऽशुभघ्नी सुखदा सुखसंवित्स्वरूपिणी । सर्वसंभाषणी सर्वजगत्सम्मोहिनी तथा ॥ 30 ॥ [ सर्वसंभीषणी ]

सर्वप्रियंकरी सर्वशुभदा सर्वमंगला । सर्वमंत्रमयी सर्वतीर्थपुण्यफलप्रदा ॥ 31 ॥

सर्वपुण्यमयी सर्वव्याधिघ्नी सर्वकामदा । सर्वविघ्नहरी सर्ववंदिता सर्वमंगला ॥ 32 ॥

सर्वमंत्रकरी सर्वलक्ष्मीः सर्वगुणान्विता । सर्वानंदमयी सर्वज्ञानदा सत्यनायिका ॥ 33 ॥

सर्वज्ञानमयी सर्वराज्यदा सर्वमुक्तिदा । सुप्रभा सर्वदा सर्वा सर्वलोकवशंकरी ॥ 34 ॥

सुभगा सुंदरी सिद्धा सिद्धांबा सिद्धमातृका । सिद्धमाता सिद्धविद्या सिद्धेशी सिद्धरूपिणी ॥ 35 ॥

सुरूपिणी सुखमयी सेवकप्रियकारिणी । स्वामिनी सर्वदा सेव्या स्थूलसूक्ष्मापरांबिका ॥ 36 ॥

साररूपा सरोरूपा सत्यभूता समाश्रया । सिताऽसिता सरोजाक्षी सरोजासनवल्लभा ॥ 37 ॥

सरोरुहाभा सर्वांगी सुरेंद्रादिप्रपूजिता ।

[ ॐ ह्रीं ऐं महासरस्वति सारस्वतप्रदे ऐं वद वद वाग्वादिनी स्वाहा ]

महादेवी महेशानी महासारस्वतप्रदा ॥ 38 ॥

महासरस्वती मुक्ता मुक्तिदा मोहनाशिनी । [ मलनाशिनी ] महेश्वरी महानंदा महामंत्रमयी मही ॥ 39 ॥

महालक्ष्मीर्महाविद्या माता मंदरवासिनी । मंत्रगम्या मंत्रमाता महामंत्रफलप्रदा ॥ 40 ॥

महामुक्तिर्महानित्या महासिद्धिप्रदायिनी । महासिद्धा महामाता महदाकारसंयुता ॥ 41 ॥

मही महेश्वरी मूर्तिर्मोक्षदा मणिभूषणा । मेनका मानिनी मान्या मृत्युघ्नी मेरुरूपिणी ॥ 42 ॥

मदिराक्षी मदावासा मखरूपा मखेश्वरी । [ महेश्वरी ] महामोहा महामाया मातॄणां मूर्ध्निसंस्थिता ॥ 43 ॥

महापुण्या मुदावासा महासंपत्प्रदायिनी । मणिपूरैकनिलया मधुरूपा मदोत्कटा ॥ 44 ॥ [ महोत्कटा ]

महासूक्ष्मा महाशांता महाशांतिप्रदायिनी । मुनिस्तुता मोहहंत्री माधवी माधवप्रिया ॥ 45 ॥

मा महादेवसंस्तुत्या महिषीगणपूजिता । मृष्टान्नदा च माहेंद्री महेंद्रपददायिनी ॥ 46 ॥

मतिर्मतिप्रदा मेधा मर्त्यलोकनिवासिनी । मुख्या महानिवासा च महाभाग्यजनाश्रिता ॥ 47 ॥

महिला महिमा मृत्युहारी मेधाप्रदायिनी । मेध्या महावेगवती महामोक्षफलप्रदा ॥ 48 ॥

महाप्रभाभा महती महादेवप्रियंकरी । महापोषा महर्थिश्च मुक्ताहारविभूषणा ॥ 49 ॥ [ महर्द्धिश्च ]

माणिक्यभूषणा मंत्रा मुख्यचंद्रार्धशेखरा । मनोरूपा मनश्शुद्धिः मनश्शुद्धिप्रदायिनी ॥ 50 ॥

महाकारुण्यसंपूर्णा मनोनमनवंदिता । महापातकजालघ्नी मुक्तिदा मुक्तभूषणा ॥ 51 ॥

मनोन्मनी महास्थूला महाक्रतुफलप्रदा । महापुण्यफलप्राप्या मायात्रिपुरनाशिनी ॥ 52 ॥

महानसा महामेधा महामोदा महेश्वरी । मालाधरी महोपाया महातीर्थफलप्रदा ॥ 53 ॥

महामंगलसंपूर्णा महादारिद्र्यनाशिनी । महामखा महामेघा महाकाली महाप्रिया ॥ 54 ॥

महाभूषा महादेहा महाराज्ञी मुदालया ।

[ ॐ ह्रीं ऐं नमो भगवति ऐं वद वद वाग्वादिनी स्वाहा ]

भूरिदा भाग्यदा भोग्या भोग्यदा भोगदायिनी ॥ 55 ॥

भवानी भूतिदा भूतिः भूमिर्भूमिसुनायिका । भूतधात्री भयहरी भक्तसारस्वतप्रदा ॥ 56 ॥

भुक्तिर्भुक्तिप्रदा भोक्त्री भक्तिर्भक्तिप्रदायिनी । [भेकी] भक्तसायुज्यदा भक्तस्वर्गदा भक्तराज्यदा ॥ 57 ॥

भागीरथी भवाराध्या भाग्यासज्जनपूजिता । भवस्तुत्या भानुमती भवसागरतारिणी ॥ 58 ॥

भूतिर्भूषा च भूतेशी भाललोचनपूजिता । [ फाललोचनपूजिता ] भूता भव्या भविष्या च भवविद्या भवात्मिका ॥ 59 ॥

बाधापहारिणी बंधुरूपा भुवनपूजिता । भवघ्नी भक्तिलभ्या च भक्तरक्षणतत्परा ॥ 60 ॥

भक्तार्तिशमनी भाग्या भोगदानकृतोद्यमा । भुजंगभूषणा भीमा भीमाक्षी भीमरूपिणी ॥ 61 ॥

भाविनी भ्रातृरूपा च भारती भवनायिका । भाषा भाषावती भीष्मा भैरवी भैरवप्रिया ॥ 62 ॥

भूतिर्भासितसर्वांगी भूतिदा भूतिनायिका । भास्वती भगमाला च भिक्षादानकृतोद्यमा ॥ 63 ॥

भिक्षुरूपा भक्तिकरी भक्तलक्ष्मीप्रदायिनी । भ्रांतिघ्ना भ्रांतिरूपा च भूतिदा भूतिकारिणी ॥ 64 ॥

भिक्षणीया भिक्षुमाता भाग्यवद्दृष्टिगोचरा । भोगवती भोगरूपा भोगमोक्षफलप्रदा ॥ 65 ॥

भोगश्रांता भाग्यवती भक्ताघौघविनाशिनी ।

[ ॐ ऐं क्लीं सौः बाले ब्राह्मी ब्रह्मपत्नी ऐं वद वद वाग्वादिनी स्वाहा ]

ब्राह्मी ब्रह्मस्वरूपा च बृहती ब्रह्मवल्लभा ॥ 66 ॥

ब्रह्मदा ब्रह्ममाता च ब्रह्माणी ब्रह्मदायिनी । ब्रह्मेशी ब्रह्मसंस्तुत्या ब्रह्मवेद्या बुधप्रिया ॥ 67 ॥

बालेंदुशेखरा बाला बलिपूजाकरप्रिया । बलदा बिंदुरूपा च बालसूर्यसमप्रभा ॥ 68 ॥

ब्रह्मरूपा ब्रह्ममयी ब्रध्नमंडलमध्यगा । ब्रह्माणी बुद्धिदा बुद्धिर्बुद्धिरूपा बुधेश्वरी ॥ 69 ॥

बंधक्षयकरी बाधानाशिनी बंधुरूपिणी । बिंद्वालया बिंदुभूषा बिंदुनादसमन्विता ॥ 70 ॥

बीजरूपा बीजमाता ब्रह्मण्या ब्रह्मकारिणी । बहुरूपा बलवती ब्रह्मज्ञा ब्रह्मचारिणी ॥ 71 ॥ [ब्रह्मजा]

ब्रह्मस्तुत्या ब्रह्मविद्या ब्रह्मांडाधिपवल्लभा । ब्रह्मेशविष्णुरूपा च ब्रह्मविष्ण्वीशसंस्थिता ॥ 72 ॥

बुद्धिरूपा बुधेशानी बंधी बंधविमोचनी ।

[ ॐ ह्रीं ऐं अं आं इं ईं उं ऊं ऋं ॠं ~लुं ~लूं एं ऐं ॐ औं कं खं गं घं ङं चं छं जं झं ञं टं ठं डं ढं णं तं थं दं धं नं पं फं बं भं मं यं रं लं वं शं षं सं हं लं क्षं अक्षमाले अक्षरमालिका समलंकृते वद वद वाग्वादिनी स्वाहा ]

अक्षमालाऽक्षराकाराऽक्षराऽक्षरफलप्रदा ॥ 73 ॥

अनंताऽनंदसुखदाऽनंतचंद्रनिभानना । अनंतमहिमाऽघोरानंतगंभीरसम्मिता ॥ 74 ॥

अदृष्टाऽदृष्टदाऽनंतादृष्टभाग्यफलप्रदा । [ दृष्टिदा ] अरुंधत्यव्ययीनाथाऽनेकसद्गुणसंयुता ॥ 75 ॥

अनेकभूषणाऽदृश्याऽनेकलेखनिषेविता । अनंताऽनंतसुखदाऽघोराऽघोरस्वरूपिणी ॥ 76 ॥

अशेषदेवतारूपाऽमृतरूपाऽमृतेश्वरी । अनवद्याऽनेकहस्ताऽनेकमाणिक्यभूषणा ॥ 77 ॥

अनेकविघ्नसंहर्त्री त्वनेकाभरणान्विता । अविद्याज्ञानसंहर्त्री ह्यविद्याजालनाशिनी ॥ 78 ॥

अभिरूपानवद्यांगी ह्यप्रतर्क्यगतिप्रदा । अकलंकरूपिणी च ह्यनुग्रहपरायणा ॥ 79 ॥

अंबरस्थाऽंबरमयाऽंबरमालाऽंबुजेक्षणा । अंबिकाऽब्जकराऽब्जस्थाऽंशुमत्यऽंशुशतान्विता ॥ 80 ॥

अंबुजाऽनवराऽखंडाऽंबुजासनमहाप्रिया । अजराऽमरसंसेव्याऽजरसेवितपद्युगा ॥ 81 ॥

अतुलार्थप्रदाऽर्थैक्याऽत्युदारात्वभयान्विता । अनाथवत्सलाऽनंतप्रियाऽनंतेप्सितप्रदा ॥ 82 ॥

अंबुजाक्ष्यंबुरूपाऽंबुजातोद्भवमहाप्रिया । अखंडा त्वमरस्तुत्याऽमरनायकपूजिता ॥ 83 ॥

अजेया त्वजसंकाशाऽज्ञाननाशिन्यभीष्टदा । अक्ताघनेन चाऽस्त्रेशी ह्यलक्ष्मीनाशिनी तथा ॥ 84 ॥

अनंतसाराऽनंतश्रीरनंतविधिपूजिता । अभीष्टामर्त्यसंपूज्या ह्यस्तोदयविवर्जिता ॥ 85 ॥

आस्तिकस्वांतनिलयाऽस्त्ररूपाऽस्त्रवती तथा । अस्खलत्यस्खलद्रूपाऽस्खलद्विद्याप्रदायिनी ॥ 86 ॥

अस्खलत्सिद्धिदाऽऽनंदाऽंबुजाताऽऽमरनायिका । अमेयाऽशेषपापघ्न्यक्षयसारस्वतप्रदा ॥ 87 ॥

[ ॐ ज्यां ह्रीं जय जय जगन्मातः ऐं वद वद वाग्वादिनी स्वाहा ]

जया जयंती जयदा जन्मकर्मविवर्जिता । जगत्प्रिया जगन्माता जगदीश्वरवल्लभा ॥ 88 ॥

जातिर्जया जितामित्रा जप्या जपनकारिणी । जीवनी जीवनिलया जीवाख्या जीवधारिणी ॥ 89 ॥

जाह्नवी ज्या जपवती जातिरूपा जयप्रदा । जनार्दनप्रियकरी जोषनीया जगत्स्थिता ॥ 90 ॥

जगज्ज्येष्ठा जगन्माया जीवनत्राणकारिणी । जीवातुलतिका जीवजन्मी जन्मनिबर्हणी ॥ 91 ॥

जाड्यविध्वंसनकरी जगद्योनिर्जयात्मिका । जगदानंदजननी जंबूश्च जलजेक्षणा ॥ 92 ॥

जयंती जंगपूगघ्नी जनितज्ञानविग्रहा । जटा जटावती जप्या जपकर्तृप्रियंकरी ॥ 93 ॥

जपकृत्पापसंहर्त्री जपकृत्फलदायिनी । जपापुष्पसमप्रख्या जपाकुसुमधारिणी ॥ 94 ॥

जननी जन्मरहिता ज्योतिर्वृत्यभिदायिनी । जटाजूटनचंद्रार्धा जगत्सृष्टिकरी तथा ॥ 95 ॥

जगत्त्राणकरी जाड्यध्वंसकर्त्री जयेश्वरी । जगद्बीजा जयावासा जन्मभूर्जन्मनाशिनी ॥ 96 ॥

जन्मांत्यरहिता जैत्री जगद्योनिर्जपात्मिका । जयलक्षणसंपूर्णा जयदानकृतोद्यमा ॥ 97 ॥

जंभराद्यादिसंस्तुत्या जंभारिफलदायिनी । जगत्त्रयहिता ज्येष्ठा जगत्त्रयवशंकरी ॥ 98 ॥

जगत्त्रयांबा जगती ज्वाला ज्वालितलोचना । ज्वालिनी ज्वलनाभासा ज्वलंती ज्वलनात्मिका ॥ 99 ॥

जितारातिसुरस्तुत्या जितक्रोधा जितेंद्रिया । जरामरणशून्या च जनित्री जन्मनाशिनी ॥ 100 ॥

जलजाभा जलमयी जलजासनवल्लभा । जलजस्था जपाराध्या जनमंगलकारिणी ॥ 101 ॥

[ ऐं क्लीं सौः कल्याणी कामधारिणी वद वद वाग्वादिनी स्वाहा ]

कामिनी कामरूपा च काम्या काम्यप्रदायिनी । [ कामप्रदायिनी ] कमौली कामदा कर्त्री क्रतुकर्मफलप्रदा ॥ 102 ॥

कृतघ्नघ्नी क्रियारूपा कार्यकारणरूपिणी । कंजाक्षी करुणारूपा केवलामरसेविता ॥ 103 ॥

कल्याणकारिणी कांता कांतिदा कांतिरूपिणी । कमला कमलावासा कमलोत्पलमालिनी ॥ 104 ॥

कुमुद्वती च कल्याणी कांतिः कामेशवल्लभा । [ कांता ] कामेश्वरी कमलिनी कामदा कामबंधिनी ॥ 105 ॥

कामधेनुः कांचनाक्षी कांचनाभा कलानिधिः । क्रिया कीर्तिकरी कीर्तिः क्रतुश्रेष्ठा कृतेश्वरी ॥ 106 ॥

क्रतुसर्वक्रियास्तुत्या क्रतुकृत्प्रियकारिणी । क्लेशनाशकरी कर्त्री कर्मदा कर्मबंधिनी ॥ 107 ॥

कर्मबंधहरी कृष्टा क्लमघ्नी कंजलोचना । कंदर्पजननी कांता करुणा करुणावती ॥ 108 ॥

क्लींकारिणी कृपाकारा कृपासिंधुः कृपावती । करुणार्द्रा कीर्तिकरी कल्मषघ्नी क्रियाकरी ॥ 109 ॥

क्रियाशक्तिः कामरूपा कमलोत्पलगंधिनी । कला कलावती कूर्मी कूटस्था कंजसंस्थिता ॥ 110 ॥

कालिका कल्मषघ्नी च कमनीयजटान्विता । करपद्मा कराभीष्टप्रदा क्रतुफलप्रदा ॥ 111 ॥

कौशिकी कोशदा काव्या कर्त्री कोशेश्वरी कृशा । [ कन्या ] कूर्मयाना कल्पलता कालकूटविनाशिनी ॥ 112 ॥

कल्पोद्यानवती कल्पवनस्था कल्पकारिणी । कदंबकुसुमाभासा कदंबकुसुमप्रिया ॥ 113 ॥

कदंबोद्यानमध्यस्था कीर्तिदा कीर्तिभूषणा । कुलमाता कुलावासा कुलाचारप्रियंकरी ॥ 114 ॥

कुलनाथा कामकला कलानाथा कलेश्वरी । कुंदमंदारपुष्पाभा कपर्दस्थितचंद्रिका ॥ 115 ॥

कवित्वदा काम्यमाता कविमाता कलाप्रदा । [काव्यमाता]

[ ॐ सौः क्लीं ऐं ततो वद वद वाग्वादिनी स्वाहा ]

तरुणी तरुणीताता ताराधिपसमानना ॥ 116 ॥

तृप्तिस्तृप्तिप्रदा तर्क्या तपनी तापिनी तथा । तर्पणी तीर्थरूपा च त्रिपदा त्रिदशेश्वरी ॥ 117 ॥ [ त्रिदशा ]

त्रिदिवेशी त्रिजननी त्रिमाता त्र्यंबकेश्वरी । त्रिपुरा त्रिपुरेशानी त्र्यंबका त्रिपुरांबिका ॥ 118 ॥

त्रिपुरश्रीस्त्रयीरूपा त्रयीवेद्या त्रयीश्वरी । त्रय्यंतवेदिनी ताम्रा तापत्रितयहारिणी ॥ 119 ॥

तमालसदृशी त्राता तरुणादित्यसन्निभा । त्रैलोक्यव्यापिनी तृप्ता तृप्तिकृत्तत्त्वरूपिणी ॥ 120 ॥

तुर्या त्रैलोक्यसंस्तुत्या त्रिगुणा त्रिगुणेश्वरी । त्रिपुरघ्नी त्रिमाता च त्र्यंबका त्रिगुणान्विता ॥ 121 ॥

तृष्णाच्छेदकरी तृप्ता तीक्ष्णा तीक्ष्णस्वरूपिणी । तुला तुलादिरहिता तत्तद्ब्रह्मस्वरूपिणी ॥ 122 ॥

त्राणकर्त्री त्रिपापघ्नी त्रिदशा त्रिदशान्विता । तथ्या त्रिशक्तिस्त्रिपदा तुर्या त्रैलोक्यसुंदरी ॥ 123 ॥

तेजस्करी त्रिमूर्त्याद्या तेजोरूपा त्रिधामता । त्रिचक्रकर्त्री त्रिभगा तुर्यातीतफलप्रदा ॥ 124 ॥

तेजस्विनी तापहारी तापोपप्लवनाशिनी । तेजोगर्भा तपस्सारा त्रिपुरारिप्रियंकरी ॥ 125 ॥

तन्वी तापससंतुष्टा तपनांगजभीतिनुत् । त्रिलोचना त्रिमार्गा च तृतीया त्रिदशस्तुता ॥ 126 ॥

त्रिसुंदरी त्रिपथगा तुरीयपददायिनी ।

[ ॐ ह्रीं श्रीं क्लीं ऐं नमश्शुद्धफलदे ऐं वद वद वाग्वादिनी स्वाहा ]

शुभा शुभावती शांता शांतिदा शुभदायिनी ॥ 127 ॥

शीतला शूलिनी शीता श्रीमती च शुभान्विता ।

[ ॐ ऐं यां यीं यूं यैं यौं यः ऐं वद वद वाग्वादिनी स्वाहा ]

योगसिद्धिप्रदा योग्या यज्ञेनपरिपूरिता ॥ 128 ॥

यज्ञा यज्ञमयी यक्षी यक्षिणी यक्षिवल्लभा । यज्ञप्रिया यज्ञपूज्या यज्ञतुष्टा यमस्तुता ॥ 129 ॥

यामिनीयप्रभा याम्या यजनीया यशस्करी । यज्ञकर्त्री यज्ञरूपा यशोदा यज्ञसंस्तुता ॥ 130 ॥

यज्ञेशी यज्ञफलदा योगयोनिर्यजुस्स्तुता । यमिसेव्या यमाराध्या यमिपूज्या यमीश्वरी ॥ 131 ॥

योगिनी योगरूपा च योगकर्तृप्रियंकरी । योगयुक्ता योगमयी योगयोगीश्वरांबिका ॥ 132 ॥

योगज्ञानमयी योनिर्यमाद्यष्टांगयोगता । यंत्रिताघौघसंहारा यमलोकनिवारिणी ॥ 133 ॥

यष्टिव्यष्टीशसंस्तुत्या यमाद्यष्टांगयोगयुक् । योगीश्वरी योगमाता योगसिद्धा च योगदा ॥ 134 ॥

योगारूढा योगमयी योगरूपा यवीयसी । यंत्ररूपा च यंत्रस्था यंत्रपूज्या च यंत्रिका ॥ 135 ॥ [ यंत्रिता ]

युगकर्त्री युगमयी युगधर्मविवर्जिता । यमुना यामिनी याम्या यमुनाजलमध्यगा ॥ 136 ॥ [ यमिनी ]

यातायातप्रशमनी यातनानांनिकृंतनी । योगावासा योगिवंद्या यत्तच्छब्दस्वरूपिणी ॥ 137 ॥

योगक्षेममयी यंत्रा यावदक्षरमातृका । यावत्पदमयी यावच्छब्दरूपा यथेश्वरी ॥ 138 ॥

यत्तदीया यक्षवंद्या यद्विद्या यतिसंस्तुता । यावद्विद्यामयी यावद्विद्याबृंदसुवंदिता ॥ 139 ॥

योगिहृत्पद्मनिलया योगिवर्यप्रियंकरी । योगिवंद्या योगिमाता योगीशफलदायिनी ॥ 140 ॥

यक्षवंद्या यक्षपूज्या यक्षराजसुपूजिता । यज्ञरूपा यज्ञतुष्टा यायजूकस्वरूपिणी ॥ 141 ॥

यंत्राराध्या यंत्रमध्या यंत्रकर्तृप्रियंकरी । यंत्रारूढा यंत्रपूज्या योगिध्यानपरायणा ॥ 142 ॥

यजनीया यमस्तुत्या योगयुक्ता यशस्करी । योगबद्धा यतिस्तुत्या योगज्ञा योगनायकी ॥ 143 ॥

योगिज्ञानप्रदा यक्षी यमबाधाविनाशिनी । योगिकाम्यप्रदात्री च योगिमोक्षप्रदायिनी ॥ 144 ॥

फलश्रुतिः इति नाम्नां सरस्वत्याः सहस्रं समुदीरितम् । मंत्रात्मकं महागोप्यं महासारस्वतप्रदम् ॥ 1 ॥

यः पठेच्छृणुयाद्भक्त्यात्त्रिकालं साधकः पुमान् । सर्वविद्यानिधिः साक्षात् स एव भवति ध्रुवम् ॥ 2 ॥

लभते संपदः सर्वाः पुत्रपौत्रादिसंयुताः । मूकोऽपि सर्वविद्यासु चतुर्मुख इवापरः ॥ 3 ॥

भूत्वा प्राप्नोति सान्निध्यं अंते धातुर्मुनीश्वर । सर्वमंत्रमयं सर्वविद्यामानफलप्रदम् ॥ 4 ॥

महाकवित्वदं पुंसां महासिद्धिप्रदायकम् । कस्मै चिन्न प्रदातव्यं प्राणैः कंठगतैरपि ॥ 5 ॥

महारहस्यं सततं वाणीनामसहस्रकम् । सुसिद्धमस्मदादीनां स्तोत्रं ते समुदीरितम् ॥ 6 ॥

इति श्रीस्कांदपुराणांतर्गत श्रीसनत्कुमार संहितायां नारद सनत्कुमार संवादे श्री सरस्वती सहस्रनाम स्तोत्रं संपूर्णम् ॥

Browse Related Categories: