Devi · Traditional devotional text · Source: vignanam.org (Traditional devotional text (public-domain shlokas))
ಈಶ್ವರ ಉವಾಚ
ಓಂ ಧೂಮಾವತೀ ಧೂಮ್ರವರ್ಣಾ ಧೂಮ್ರಪಾನಪರಾಯಣಾ । ಧೂಮ್ರಾಕ್ಷಮಥಿನೀ ಧನ್ಯಾ ಧನ್ಯಸ್ಥಾನನಿವಾಸಿನೀ ॥ 1
Offered for worship and study, not as prediction. Non-commercial.
ಅಘೋರಾಚಾರಸಂತುಷ್ಟಾ ಅಘೋರಾಚಾರಮಂಡಿತಾ । ಅಘೋರಮಂತ್ರಸಂಪ್ರೀತಾ ಅಘೋರಮಂತ್ರಪೂಜಿತಾ ॥ 2 ॥
ಅಟ್ಟಾಟ್ಟಹಾಸನಿರತಾ ಮಲಿನಾಂಬರಧಾರಿಣೀ । ವೃದ್ಧಾ ವಿರೂಪಾ ವಿಧವಾ ವಿದ್ಯಾ ಚ ವಿರಳದ್ವಿಜಾ ॥ 3 ॥
ಪ್ರವೃದ್ಧಘೋಣಾ ಕುಮುಖೀ ಕುಟಿಲಾ ಕುಟಿಲೇಕ್ಷಣಾ । ಕರಾಳೀ ಚ ಕರಾಳಾಸ್ಯಾ ಕಂಕಾಳೀ ಶೂರ್ಪಧಾರಿಣೀ ॥ 4 ॥
ಕಾಕಧ್ವಜರಥಾರೂಢಾ ಕೇವಲಾ ಕಠಿನಾ ಕುಹೂಃ । ಕ್ಷುತ್ಪಿಪಾಸಾರ್ದಿತಾ ನಿತ್ಯಾ ಲಲಜ್ಜಿಹ್ವಾ ದಿಗಂಬರೀ ॥ 5 ॥
ದೀರ್ಘೋದರೀ ದೀರ್ಘರವಾ ದೀರ್ಘಾಂಗೀ ದೀರ್ಘಮಸ್ತಕಾ । ವಿಮುಕ್ತಕುಂತಲಾ ಕೀರ್ತ್ಯಾ ಕೈಲಾಸಸ್ಥಾನವಾಸಿನೀ ॥ 6 ॥
ಕ್ರೂರಾ ಕಾಲಸ್ವರೂಪಾ ಚ ಕಾಲಚಕ್ರಪ್ರವರ್ತಿನೀ । ವಿವರ್ಣಾ ಚಂಚಲಾ ದುಷ್ಟಾ ದುಷ್ಟವಿಧ್ವಂಸಕಾರಿಣೀ ॥ 7 ॥
ಚಂಡೀ ಚಂಡಸ್ವರೂಪಾ ಚ ಚಾಮುಂಡಾ ಚಂಡನಿಃಸ್ವನಾ । ಚಂಡವೇಗಾ ಚಂಡಗತಿಶ್ಚಂಡಮುಂಡವಿನಾಶಿನೀ ॥ 8 ॥
ಚಾಂಡಾಲಿನೀ ಚಿತ್ರರೇಖಾ ಚಿತ್ರಾಂಗೀ ಚಿತ್ರರೂಪಿಣೀ । ಕೃಷ್ಣಾ ಕಪರ್ದಿನೀ ಕುಲ್ಲಾ ಕೃಷ್ಣಾರೂಪಾ ಕ್ರಿಯಾವತೀ ॥ 9 ॥
ಕುಂಭಸ್ತನೀ ಮಹೋನ್ಮತ್ತಾ ಮದಿರಾಪಾನವಿಹ್ವಲಾ । ಚತುರ್ಭುಜಾ ಲಲಜ್ಜಿಹ್ವಾ ಶತ್ರುಸಂಹಾರಕಾರಿಣೀ ॥ 10 ॥
ಶವಾರೂಢಾ ಶವಗತಾ ಶ್ಮಶಾನಸ್ಥಾನವಾಸಿನೀ । ದುರಾರಾಧ್ಯಾ ದುರಾಚಾರಾ ದುರ್ಜನಪ್ರೀತಿದಾಯಿನೀ ॥ 11 ॥
ನಿರ್ಮಾಂಸಾ ಚ ನಿರಾಕಾರಾ ಧೂಮಹಸ್ತಾ ವರಾನ್ವಿತಾ । ಕಲಹಾ ಚ ಕಲಿಪ್ರೀತಾ ಕಲಿಕಲ್ಮಷನಾಶಿನೀ ॥ 12 ॥
ಮಹಾಕಾಲಸ್ವರೂಪಾ ಚ ಮಹಾಕಾಲಪ್ರಪೂಜಿತಾ । ಮಹಾದೇವಪ್ರಿಯಾ ಮೇಧಾ ಮಹಾಸಂಕಟನಾಶಿನೀ ॥ 13 ॥
ಭಕ್ತಪ್ರಿಯಾ ಭಕ್ತಗತಿರ್ಭಕ್ತಶತ್ರುವಿನಾಶಿನೀ । ಭೈರವೀ ಭುವನಾ ಭೀಮಾ ಭಾರತೀ ಭುವನಾತ್ಮಿಕಾ ॥ 14 ॥
ಭೇರುಂಡಾ ಭೀಮನಯನಾ ತ್ರಿನೇತ್ರಾ ಬಹುರೂಪಿಣೀ । ತ್ರಿಲೋಕೇಶೀ ತ್ರಿಕಾಲಜ್ಞಾ ತ್ರಿಸ್ವರೂಪಾ ತ್ರಯೀತನುಃ ॥ 15 ॥
ತ್ರಿಮೂರ್ತಿಶ್ಚ ತಥಾ ತನ್ವೀ ತ್ರಿಶಕ್ತಿಶ್ಚ ತ್ರಿಶೂಲಿನೀ । ಇತಿ ಧೂಮಾಮಹತ್ ಸ್ತೋತ್ರಂ ನಾಮ್ನಾಮಷ್ಟಶತಾತ್ಮಕಮ್ ॥ 16 ॥
ಮಯಾ ತೇ ಕಥಿತಂ ದೇವಿ ಶತ್ರುಸಂಘವಿನಾಶನಮ್ । ಕಾರಾಗಾರೇ ರಿಪುಗ್ರಸ್ತೇ ಮಹೋತ್ಪಾತೇ ಮಹಾಭಯೇ ॥ 17 ॥
ಇದಂ ಸ್ತೋತ್ರಂ ಪಠೇನ್ಮರ್ತ್ಯೋ ಮುಚ್ಯತೇ ಸರ್ವಸಂಕಟೈಃ । ಗುಹ್ಯಾದ್ಗುಹ್ಯತರಂ ಗುಹ್ಯಂ ಗೋಪನೀಯಂ ಪ್ರಯತ್ನತಃ ॥ 18 ॥
ಚತುಷ್ಪದಾರ್ಥದಂ ನೄಣಾಂ ಸರ್ವಸಂಪತ್ಪ್ರದಾಯಕಮ್ ॥ 19 ॥
ಇತಿ ಶ್ರೀಧೂಮಾವತ್ಯಷ್ಟೋತ್ತರಶತನಾಮಸ್ತೋತ್ರಮ್ ।
Browse Related Categories: