Devi · Traditional devotional text · Source: vignanam.org (Traditional devotional text (public-domain shlokas))
কল্পানোকহপুষ্পজালবিলসন্নীলালকাং মাতৃকাং কাংতাং কংজদলেক্ষণাং কলিমলপ্রধ্বংসিনীং কালিকাম্ । কাংচীনূপুরহারদামসুভগাং কাংচীপুরীনায়িকাং কামাক্ষীং করিকুংভসন্নিভকুচাং বংদে মহেশপ্রিয়াম্ ॥ 1 ॥
কাশাভাং শুকভাসুরাং প্রবিলসত্কোশাতকী সন্নিভাং চংদ্রার্কানললোচনাং সুরুচিরালংকারভূষোজ্জ্বলাম্ । ব্রহ্মশ্রীপতিবাসবাদিমুনিভিঃ সংসেবিতাংঘ্রিদ্বয়াং কামাক্ষীং গজরাজমংদগমনাং বংদে মহেশপ্রিয়াম্ ॥ 2 ॥
ঐং ক্লীং সৌরিতি যাং বদংতি মুনযস্তত্ত্বার্থরূপাং পরাং বাচামাদিমকারণং হৃদি সদা ধ্য়ায়ংতি যাং যোগিনঃ । বালাং ফালবিলোচনাং নবজপাবর্ণাং সুষুম্নাশ্রিতাং কামাক্ষীং কলিতাবতংসসুভগাং বংদে মহেশপ্রিয়াম্ ॥ 3 ॥
যত্পাদাংবুজরেণুলেশমনিশং লব্ধ্বা বিধত্তে বিধি- -র্বিশ্বং তত্পরিপাতি বিষ্ণুরখিলং যস্য়াঃ প্রসাদাচ্চিরম্ । রুদ্রঃ সংহরতি ক্ষণাত্তদখিলং যন্মাযয়া মোহিতঃ কামাক্ষীমতিচিত্রচারুচরিতাং বংদে মহেশপ্রিয়াম্ ॥ 4 ॥
সূক্ষ্মাত্সূক্ষ্মতরাং সুলক্ষিততনুং ক্ষাংতাক্ষরৈর্লক্ষিতাং বীক্ষাশিক্ষিতরাক্ষসাং ত্রিভুবনক্ষেমংকরীমক্ষয়াম্ । সাক্ষাল্লক্ষণলক্ষিতাক্ষরময়ীং দাক্ষাযণীং সাক্ষিণীং কামাক্ষীং শুভলক্ষণৈঃ সুললিতাং বংদে মহেশপ্রিয়াম্ ॥ 5 ॥
ওংকারাংগণদীপিকামুপনিষত্প্রাসাদপারাবতীং আম্নায়াংবুধিচংদ্রিকামঘতমঃপ্রধ্বংসহংসপ্রভাম্ । কাংচীপট্টণপংজরাংতরশুকীং কারুণ্যকল্লোলিনীং কামাক্ষীং শিবকামরাজমহিষীং বংদে মহেশপ্রিয়াম্ ॥ 6 ॥
হ্রীংকারাত্মকবর্ণমাত্রপঠনাদৈংদ্রীং শ্রিয়ং তন্বতীং চিন্মাত্রাং ভুবনেশ্বরীমনুদিনং ভিক্ষাপ্রদানক্ষমাম্ । বিশ্বাঘৌঘনিবারিণীং বিমলিনীং বিশ্বংভরাং মাতৃকাং কামাক্ষীং পরিপূর্ণচংদ্রবদনাং বংদে মহেশপ্রিয়াম্ ॥ 7 ॥
Offered for worship and study, not as prediction. Non-commercial.
বাগ্দেবীতি চ যাং বদংতি মুনয়ঃ ক্ষীরাব্ধিকন্য়েতি চ ক্ষোণীভৃত্তনয়েতি চ শ্রুতিগিরো যাং আমনংতি স্ফুটম্ । একানেকফলপ্রদাং বহুবিধাঽঽকারাস্তনূস্তন্বতীং কামাক্ষীং সকলার্তিভংজনপরাং বংদে মহেশপ্রিয়াম্ ॥ 8 ॥
মায়ামাদিমকারণং ত্রিজগতামারাধিতাংঘ্রিদ্বয়াং আনংদামৃতবারিরাশিনিলয়াং বিদ্য়াং বিপশ্চিদ্ধিয়াম্ । মায়ামানুষরূপিণীং মণিলসন্মধ্য়াং মহামাতৃকাং কামাক্ষীং করিরাজমংদগমনাং বংদে মহেশপ্রিয়াম্ ॥ 9 ॥
কাংতা কামদুঘা করীংদ্রগমনা কামারিবামাংকগা কল্য়াণী কলিতাবতারসুভগা কস্তূরিকাচর্চিতা কংপাতীররসালমূলনিলয়া কারুণ্যকল্লোলিনী কল্য়াণানি করোতু মে ভগবতী কাংচীপুরীদেবতা ॥ 10 ॥
ইতি শ্রী কামাক্ষী স্তোত্রম্ ।
Browse Related Categories: