Devi · Traditional devotional text · Source: vignanam.org (Traditional devotional text (public-domain shlokas))
dhyānam śavārūḍhāṃ mahābhīmāṃ ghōradaṃṣṭrāṃ varapradāṃ hāsyayuktāṃ triṇētrāñcha kapāla kartrikā karām । muktakēśīṃ lalajjihvāṃ pibantīṃ rudhiraṃ muhuḥ chaturbāhuyutāṃ dēvīṃ varābhayakarāṃ smarēt ॥
śavārūḍhāṃ mahābhīmāṃ ghōradaṃṣṭrāṃ hasanmukhīṃ chaturbhujāṃ khaḍgamuṇḍavarābhayakarāṃ śivām । muṇḍamālādharāṃ dēvīṃ lalajjihvāṃ digambarāṃ ēvaṃ sañchintayētkāḻīṃ śmaśanālayavāsinīm ॥
stōtram viśvēśvarīṃ jagaddhātrīṃ sthitisaṃhārakāriṇīm । nidrāṃ bhagavatīṃ viṣṇōratulāṃ tējasaḥ prabhām ॥ 1 ॥
tvaṃ svāhā tvaṃ svadhā tvaṃ hi vaṣaṭkāraḥ svarātmikā । sudhā tvamakṣarē nityē tridhā mātrātmikā sthitā ॥ 2 ॥
arthamātrāsthitā nityā yānuchchāryā viśēṣataḥ । tvamēva sandhyā sāvitrī tvaṃ dēvī jananī parā ॥ 3 ॥
tvayaitaddhāryatē viśvaṃ tvayaitadsṛjyatē jagat । tvayaitatpālyatē dēvi tvamatsyantē cha sarvadā ॥ 4 ॥
visṛṣṭau sṛṣṭirūpā tvaṃ sthitirūpā cha pālanē । tathā saṃhṛtirūpāntē jagatō'sya jaganmayē ॥ 5 ॥
mahāvidyā mahāmāyā mahāmēdhā mahāsmṛtiḥ । mahāmōhā cha bhavatī mahādēvī mahēśvarī ॥ 6 ॥
Offered for worship and study, not as prediction. Non-commercial.
prakṛtistvaṃ cha sarvasya guṇatrayavibhāvinī । kālarātrirmahārātrirmōharātriścha dāruṇā ॥ 7 ॥
tvaṃ śrīstvamīśvarī tvaṃ hrīstvaṃ buddhirbōdhalakṣaṇā । lajjā puṣṭistathā tuṣṭistvaṃ śāntiḥ kṣāntirēva cha ॥ 8 ॥
khaḍginī śūlinī ghōrā gadinī chakriṇī tathā । śaṅkhinī chāpinī bāṇabhuśuṇḍīparighāyudhā ॥ 9 ॥
saumyā saumyatarāśēṣā saumyēbhyastvatisundarī । parāparāṇāṃ paramā tvamēva paramēśvarī ॥ 10 ॥
yachcha kiñchit kvachidvastu sadasadvākhilātmikē । tasya sarvasya yā śaktiḥ sā tvaṃ kiṃ stūyasē tadā ॥ 11 ॥
yayā tvayā jagatsraṣṭā jagatpātyatti yō jagat । sō'pi nidrāvaśaṃ nītaḥ kastvāṃ stōtumihēśvaraḥ ॥ 12 ॥
viṣṇuḥ śarīragrahaṇamahamīśāna ēva cha । kāritāstē yatō'tastvāṃ kaḥ stōtuṃ śaktimān bhavēt ॥ 13 ॥
sā tvamitthaṃ prabhāvaiḥ svairudārairdēvi saṃstutā । mōhayaitau durādharṣāvasurau madhukaiṭabhau ॥ 14 ॥
prabōdhaṃ cha jagatsvāmī nīyatāmachyutō laghu । bōdhaścha kriyatāmasya hantumētau mahāsurau ॥ 15 ॥
iti śrī mahākāḻī stōtram ।
Browse Related Categories: