Surya Grahana Shanti Parihara Slokas

ശാംതി ശ്ലോകഃ ഇംദ്രോഽനലോ ദംഡധരശ്ച രക്ഷഃ പ്രാചേതസോ വായു കുബേര ശർവാഃ । മജ്ജന്മ ഋക്ഷേ മമ രാശി സംസ്ഥേ സൂര്യോപരാഗം ശമയംതു സർവേ ॥

ഗ്രഹണ പീഡാ പരിഹാര ശ്ലോകാഃ യോഽസൌ വജ്രധരോ ദേവഃ ആദിത്യാനാം പ്രഭുര്മതഃ । സഹസ്രനയനഃ ശക്രഃ ഗ്രഹപീഡാം വ്യപോഹതു ॥ 1

മുഖം യഃ സർവദേവാനാം സപ്താര്ചിരമിതദ്യുതിഃ । ചംദ്രസൂര്യോപരാഗോത്ഥാം അഗ്നിഃ പീഡാം വ്യപോഹതു ॥ 2

യഃ കര്മസാക്ഷീ ലോകാനാം യമോ മഹിഷവാഹനഃ । ചംദ്രസൂര്യോപരാഗോത്ഥാം ഗ്രഹപീഡാം വ്യപോഹതു ॥ 3

രക്ഷോ ഗണാധിപഃ സാക്ഷാത് പ്രലയാനലസന്നിഭഃ । ഉഗ്രഃ കരാലോ നിര്‍ഋതിഃ ഗ്രഹപീഡാം വ്യപോഹതു ॥ 4

നാഗപാശധരോ ദേവഃ സദാ മകരവാഹനഃ । വരുണോ ജലലോകേശോ ഗ്രഹപീഡാം വ്യപോഹതു ॥ 5

യഃ പ്രാണരൂപോ ലോകാനാം വായുഃ കൃഷ്ണമൃഗപ്രിയഃ । ചംദ്രസൂര്യോപരാഗോത്ഥാം ഗ്രഹപീഡാം വ്യപോഹതു ॥ 6

യോഽസൌ നിധിപതിര്ദേവഃ ഖഡ്ഗശൂലധരോ വരഃ । ചംദ്രസൂര്യോപരാഗോത്ഥാം കലുഷം മേ വ്യപോഹതു ॥ 7

യോഽസൌ ശൂലധരോ രുദ്രഃ ശംകരോ വൃഷവാഹനഃ । ചംദ്രസൂര്യോപരാഗോത്ഥാം ദോഷം നാശയതു ദ്രുതമ് ॥ 8