ಚಾಣಕ್ಯ ನೀತಿ - ಪಂಚಮೋಽಧ್ಯಾಯಃ

అన్యథా వేదశాస్త్రాణి జ్ఞానపాండిత్యమన్యథా । అన్యథా తత్పదం శాంతం లోకాః క్లిశ్యంతి చాహ్న్యథా ॥ 10 ॥

దారిద్ర్యనాశనం దానం శీలం దుర్గతినాశనమ్ । అజ్ఞాననాశినీ ప్రజ్ఞా భావనా భయనాశినీ ॥ 11 ॥

నాస్తి కామసమో వ్యాధిర్నాస్తి మోహసమో రిపుః । నాస్తి కోపసమో వహ్నిర్నాస్తి జ్ఞానాత్పరం సుఖం ॥ 12 ॥

జన్మమృత్యూ హి యాత్యేకో భునక్త్యేకః శుభాశుభమ్ । నరకేషు పతత్యేక ఏకో యాతి పరాం గతిం ॥ 13 ॥

తృణం బ్రహ్మవిదః స్వర్గస్తృణం శూరస్య జీవితమ్ । జితాశస్య తృణం నారీ నిఃస్పృహస్య తృణం జగత్ ॥ 14 ॥

విద్యా మిత్రం ప్రవాసే చ భార్యా మిత్రం గృహేషు చ । వ్యాధితస్యౌషధం మిత్రం ధర్మో మిత్రం మృతస్య చ ॥ 15 ॥

వృథా వృష్టిః సముద్రేషు వృథా తృప్తస్య భోజనమ్ । వృథా దానం సమర్థస్య వృథా దీపో దివాపి చ ॥ 16 ॥

నాస్తి మేఘసమం తోయం నాస్తి చాత్మసమం బలమ్ । నాస్తి చక్షుఃసమం తేజో నాస్తి ధాన్యసమం ప్రియం ॥ 17 ॥

అధనా ధనమిచ్ఛంతి వాచం చైవ చతుష్పదాః । మానవాః స్వర్గమిచ్ఛంతి మోక్షమిచ్ఛంతి దేవతాః ॥ 18 ॥

సత్యేన ధార్యతే పృథ్వీ సత్యేన తపతే రవిః । సత్యేన వాతి వాయుశ్చ సర్వం సత్యే ప్రతిష్ఠితం ॥ 19 ॥

చలా లక్ష్మీశ్చలాః ప్రాణాశ్చలే జీవితమందిరే । చలాచలే చ సంసారే ధర్మ ఏకో హి నిశ్చలః ॥ 20 ॥

నరాణాం నాపితో ధూర్తః పక్షిణాం చైవ వాయసః । చతుష్పాదం శ‍ఋగాలస్తు స్త్రీణాం ధూర్తా చ మాలినీ ॥ 21 ॥

జనితా చోపనేతా చ యస్తు విద్యాం ప్రయచ్ఛతి । అన్నదాతా భయత్రాతా పంచైతే పితరః స్మృతాః ॥ 22 ॥

రాజపత్నీ గురోః పత్నీ మిత్రపత్నీ తథైవ చ । పత్నీమాతా స్వమాతా చ పంచైతా మాతరః స్మృతాః ॥ 23 ॥

Browse Related Categories: