Vishnu · Traditional devotional text · Source: vignanam.org (Traditional devotional text (public-domain shlokas))
গরলং তরলানলং পুরস্তা- জ্জলধেরুদ্বিজগাল কালকূটম্ । অমরস্তুতিবাদমোদনিঘ্নো গিরিশস্তন্নিপপৌ ভবত্প্রিয়ার্থম্ ॥1॥
বিমথত্সু সুরাসুরেষু জাতা সুরভিস্তামৃষিষু ন্যধাস্ত্রিধামন্ । হযরত্নমভূদথেভরত্নং দ্য়ুতরুশ্চাপ্সরসঃ সুরেষু তানি ॥2॥
Offered for worship and study, not as prediction. Non-commercial.
More devotional texts
জগদীশ ভবত্পরা তদানীং কমনীয়া কমলা বভূব দেবী । অমলামবলোক্য় যাং বিলোলঃ সকলোঽপি স্পৃহয়াংবভূব লোকঃ ॥3॥
ত্বয়ি দত্তহৃদে তদৈব দেব্য়ৈ ত্রিদশেংদ্রো মণিপীঠিকাং ব্যতারীত্ । সকলোপহৃতাভিষেচনীয়ৈঃ ঋষযস্তাং শ্রুতিগীর্ভিরভ্যষিংচন্ ॥4॥
অভিষেকজলানুপাতিমুগ্ধ- ত্বদপাংগৈরবভূষিতাংগবল্লীম্ । মণিকুংডলপীতচেলহার- প্রমুখৈস্তামমরাদয়োঽন্বভূষন্ ॥5॥
বরণস্রজমাত্তভৃংগনাদাং দধতী সা কুচকুংভমংদয়ানা । পদশিংজিতমংজুনূপুরা ত্বাং কলিতব্রীলবিলাসমাসসাদ ॥6॥
গিরিশদ্রুহিণাদিসর্বদেবান্ গুণভাজোঽপ্যবিমুক্তদোষলেশান্ । অবমৃশ্য় সদৈব সর্বরম্য়ে নিহিতা ত্বয়্যনয়াঽপি দিব্যমালা ॥7॥
উরসা তরসা মমানিথৈনাং ভুবনানাং জননীমনন্যভাবাম্ । ত্বদুরোবিলসত্তদীক্ষণশ্রী- পরিবৃষ্ট্য়া পরিপুষ্টমাস বিশ্বম্ ॥8॥
অতিমোহনবিভ্রমা তদানীং মদয়ংতী খলু বারুণী নিরাগাত্ । তমসঃ পদবীমদাস্ত্বমেনা- মতিসম্মাননয়া মহাসুরেভ্য়ঃ ॥9॥
তরুণাংবুদসুংদরস্তদা ত্বং ননু ধন্বংতরিরুত্থিতোঽংবুরাশেঃ । অমৃতং কলশে বহন্ করাভ্য়া- মখিলার্তিং হর মারুতালয়েশ ॥10॥
Browse Related Categories: