ನಾರಾಯಣೀಯಂ ದಶಕ 32 - ಮತ್ಸ್ಯಾವತಾರಂ

పురా హయగ్రీవమహాసురేణ షష్ఠాంతరాంతోద్యదకాండకల్పే । నిద్రోన్ముఖబ్రహ్మముఖాత్ హృతేషు వేదేష్వధిత్సః కిల మత్స్యరూపమ్ ॥1॥

సత్యవ్రతస్య ద్రమిలాధిభర్తుర్నదీజలే తర్పయతస్తదానీమ్ । కరాంజలౌ సంజ్వలితాకృతిస్త్వమదృశ్యథాః కశ్చన బాలమీనః ॥2॥

క్షిప్తం జలే త్వాం చకితం విలోక్య నిన్యేఽంబుపాత్రేణ మునిః స్వగేహమ్ । స్వల్పైరహోభిః కలశీం చ కూపం వాపీం సరశ్చానశిషే విభో త్వమ్ ॥3॥

యోగప్రభావాద్భవదాజ్ఞయైవ నీతస్తతస్త్వం మునినా పయోధిమ్ । పృష్టోఽమునా కల్పదిదృక్షుమేనం సప్తాహమాస్వేతి వదన్నయాసీః ॥4॥

ప్రాప్తే త్వదుక్తేఽహని వారిధారాపరిప్లుతే భూమితలే మునీంద్రః । సప్తర్షిభిః సార్ధమపారవారిణ్యుద్ఘూర్ణమానః శరణం యయౌ త్వామ్ ॥5॥

ధరాం త్వదాదేశకరీమవాప్తాం నౌరూపిణీమారురుహుస్తదా తే తత్కంపకంప్రేషు చ తేషు భూయస్త్వమంబుధేరావిరభూర్మహీయాన్ ॥6॥

ఝషాకృతిం యోజనలక్షదీర్ఘాం దధానముచ్చైస్తరతేజసం త్వామ్ । నిరీక్ష్య తుష్టా మునయస్త్వదుక్త్యా త్వత్తుంగశృంగే తరణిం బబంధుః ॥7॥

ఆకృష్టనౌకో మునిమండలాయ ప్రదర్శయన్ విశ్వజగద్విభాగాన్ । సంస్తూయమానో నృవరేణ తేన జ్ఞానం పరం చోపదిశన్నచారీః ॥8॥