Vedic · Traditional devotional text · Source: vignanam.org (Traditional devotional text (public-domain shlokas))
namō̍ astu sa̠rpēbhyō̠ yē kē cha̍ pṛthi̠vī manu̍ । yē a̠ntari̍kṣē̠ yē di̠vi tēbhya̍-ssa̠rpēbhyō̠ nama̍ḥ । (tai.saṃ.4.2.3)
yē̍-'dō rō̍cha̠nē di̠vō yē vā̠ sūrya̍sya ra̠śmiṣu̍ । yēṣā̍ma̠psu sada̍ḥ kṛ̠ta-ntēbhya̍-ssa̠rpēbhyō̠ nama̍ḥ ।
yā iṣa̍vō yātu̠dhānā̍nā̠ṃ yē vā̠ vana̠spatī̠g̠ṃ ranu̍ । yē vā̍-'va̠ṭēṣu̠ śēra̍tē̠ tēbhya̍-ssa̠rpēbhyō̠ nama̍ḥ ।
i̠dagṃ sa̠rpēbhyō̍ ha̠vira̍stu̠ juṣṭam̎ । ā̠śrē̠ṣā yēṣā̍manu̠yanti̠ chēta̍ḥ । yē a̠ntari̍kṣa-mpṛthi̠vī-ṅkṣi̠yanti̍ । tē na̍ssa̠rpāsō̠ hava̠māga̍miṣṭhāḥ । yē rō̍cha̠nē sūrya̠syāpi̍ sa̠rpāḥ । yē diva̍-ndē̠vīmanu̍sa̠nchara̍nti । yēṣā̍māśrē̠ṣā a̍nu̠yanti̠ kāmam̎ । tēbhya̍ssa̠rpēbhyō̠ madhu̍majjuhōmi ॥ 2 ॥
ni̠ghṛṣvai̍rasa̠māyu̍taiḥ । kālairharitva̍māpa̠nnaiḥ । indrāyā̍hi sa̠hasra̍yuk । a̠gnirvi̠bhrāṣṭi̍vasanaḥ । vā̠yuśvēta̍sikadru̠kaḥ । sa̠ṃva̠thsa̠rō vi̍ṣū̠varṇai̎ḥ । nityā̠stē-'nucha̍rāsta̠va । subrahmaṇyōgṃ subrahmaṇyōgṃ su̍brahmaṇyōgm ॥ 3 ॥
ōṃ śānti-śśānti-śśāntiḥ ॥
Browse Related Categories:
Offered for worship and study, not as prediction. Non-commercial.