ಶಿವ ಷಡಕ್ಷರೀ ಸ್ತೋತ್ರಂ

॥ഓം ഓം॥ ഓംകാരബിംദു സംയുക്തം നിത്യം ധ്യായംതി യോഗിനഃ । കാമദം മോക്ഷദം തസ്മാദോംകാരായ നമോനമഃ ॥ 1 ॥

॥ഓം നം॥ നമംതി മുനയഃ സർവേ നമംത്യപ്സരസാം ഗണാഃ । നരാണാമാദിദേവായ നകാരായ നമോനമഃ ॥ 2 ॥

॥ഓം മം॥ മഹാതത്വം മഹാദേവ പ്രിയം ജ്ഞാനപ്രദം പരമ് । മഹാപാപഹരം തസ്മാന്മകാരായ നമോനമഃ ॥ 3 ॥

॥ഓം ശിം॥ ശിവം ശാംതം ശിവാകാരം ശിവാനുഗ്രഹകാരണമ് । മഹാപാപഹരം തസ്മാച്ഛികാരായ നമോനമഃ ॥ 4 ॥

॥ഓം വാം॥ വാഹനം വൃഷഭോയസ്യ വാസുകിഃ കംഠഭൂഷണമ് । വാമേ ശക്തിധരം ദേവം വകാരായ നമോനമഃ ॥ 5 ॥

॥ഓം യം॥ യകാരേ സംസ്ഥിതോ ദേവോ യകാരം പരമം ശുഭമ് । യം നിത്യം പരമാനംദം യകാരായ നമോനമഃ ॥ 6 ॥

ഷഡക്ഷരമിദം സ്തോത്രം യഃ പഠേച്ഛിവ സന്നിധൌ । തസ്യ മൃത്യുഭയം നാസ്തി ഹ്യപമൃത്യുഭയം കുതഃ ॥

ശിവശിവേതി ശിവേതി ശിവേതി വാ ഭവഭവേതി ഭവേതി ഭവേതി വാ । ഹരഹരേതി ഹരേതി ഹരേതി വാ ഭജമനശ്ശിവമേവ നിരംതരമ് ॥

ഇതി ശ്രീമത്പരമഹംസ പരിവ്രാജകാചാര്യ ശ്രീമച്ഛംകരഭഗവത്പാദപൂജ്യകൃത ശിവഷഡക്ഷരീസ്തോത്രം സംപൂര്ണമ് ।