Vishnu · Traditional devotional text · Source: vignanam.org (Traditional devotional text (public-domain shlokas))
अथ द्वितीयस्तोत्रम्
स्वजनोदधिसंवृद्धि पूर्णचंद्रो गुणार्णवः । (सुजनोदधिसंवृद्धि) अमंदानंद सांद्रो नः सदाव्यादिंदिरापतिः ॥ 1॥ (प्रीयातामिंदिरापतिः) रमाचकोरीविधवे दुष्टदर्पोदवह्नये । (दुष्टसर्पोदवह्नये) सत्पांथजनगेहाय नमो नारायणाय ते ॥ 2॥
Offered for worship and study, not as prediction. Non-commercial.
More devotional texts
चिदचिद्भेदं अखिलं विधायाधाय भुंजते । अव्याकृतगुहस्थाय रमाप्रणयिने नमः ॥ 3॥
अमंदगुणसारोऽपि मंदहासेन वीक्षितः । नित्यमिंदिरयाऽनंदसांद्रो यो नौमि तं हरिम् ॥ 4॥
वशी वशो (वशे) न कस्यापि योऽजितो विजिताखिलः । सर्वकर्ता न क्रियते तं नमामि रमापतिम् ॥ 5॥
अगुणायगुणोद्रेक स्वरूपायादिकारिणे । विदारितारिसंघाय वासुदेवाय ते नमः ॥ 6॥
आदिदेवाय देवानां पतये सादितारये । अनाद्यज्ञानपाराय नमः पारावराश्रय ॥ 7॥ (नमो वरवराय ते) अजाय जनयित्रेऽस्य विजिताखिलदानव । अजादि पूज्यपादाय नमस्ते गरुडध्वज ॥ 8॥
इंदिरामंदसांद्राग्र्य कटाक्षप्रेक्षितात्मने । अस्मदिष्टैक कार्याय पूर्णाय हरये नमः ॥ 9॥
इति श्रीमदानंदतीर्थभगवत्पादाचार्य विरचितं द्वादशस्तोत्रेषु द्वितीयस्तोत्रं संपूर्णम्
Browse Related Categories: