Subrahmanya Swamy · Traditional devotional text · Source: vignanam.org (Traditional devotional text (public-domain shlokas))
স্ফুরদ্বিদ্য়ুদ্বল্লীবলয়িতমগোত্সংগবসতিং ভবাপ্পিত্তপ্লুষ্টানমিতকরুণাজীবনবশাত্ । অবংতং ভক্তানামুদযকরমংভোধর ইতি প্রমোদাদাবাসং ব্যতনুত ময়ূরোঽস্য় সবিধে ॥ 1 ॥
সুব্রহ্মণ্য়ো যো ভবেজ্জ্ঞানশক্ত্য়া সিদ্ধং তস্মিংদেবসেনাপতিত্বম্ । ইত্থং শক্তিং দেবসেনাপতিত্বং সুব্রহ্মণ্য়ো বিভ্রদেষ ব্যনক্তি ॥ 2 ॥
পক্ষোঽনির্বচনীয়ো দক্ষিণ ইতি ধিযমশেষজনতায়াঃ । জনযতি বর্হী দক্ষিণনির্বচনায়োগ্যপক্ষয়ুক্তোঽযম্ ॥ 3 ॥
যঃ পক্ষমনির্বচনং যাতি সমবলংব্য় দৃশ্যতে তেন । ব্রহ্ম পরাত্পরমমলং সুব্রহ্মণ্য়াভিধং পরং জ্য়োতিঃ ॥ 4 ॥
ষণ্মুখং হসন্মুখং সুখাংবুরাশিখেলনং সন্মুনীংদ্রসেব্যমানপাদপংকজং সদা । মন্মথাদিশত্রুবর্গনাশকং কৃপাংবুধিং মন্মহে মুদা হৃদি প্রপন্নকল্পভূরুহম্ ॥ 5 ॥
ইতি জগদ্গুরু শৃংগেরীপীঠাধিপ শ্রীচংদ্রশেখরভারতী শ্রীপাদৈঃ বিরচিতা শ্রীষণ্মুখপংচরত্নস্তুতিঃ ।
Browse Related Categories:
Offered for worship and study, not as prediction. Non-commercial.
More devotional texts