Subrahmanya Swamy · Traditional devotional text · Source: vignanam.org (Traditional devotional text (public-domain shlokas))
స్ఫురద్విద్యుద్వల్లీవలయితమగోత్సంగవసతిం భవాప్పిత్తప్లుష్టానమితకరుణాజీవనవశాత్ । అవంతం భక్తానాముదయకరమంభోధర ఇతి ప్రమోదాదావాసం వ్యతనుత మయూరోఽస్య సవిధే ॥ 1 ॥
సుబ్రహ్మణ్యో యో భవేజ్జ్ఞానశక్త్యా సిద్ధం తస్మిందేవసేనాపతిత్వమ్ । ఇత్థం శక్తిం దేవసేనాపతిత్వం సుబ్రహ్మణ్యో బిభ్రదేష వ్యనక్తి ॥ 2 ॥
పక్షోఽనిర్వచనీయో దక్షిణ ఇతి ధియమశేషజనతాయాః । జనయతి బర్హీ దక్షిణనిర్వచనాయోగ్యపక్షయుక్తోఽయమ్ ॥ 3 ॥
యః పక్షమనిర్వచనం యాతి సమవలంబ్య దృశ్యతే తేన । బ్రహ్మ పరాత్పరమమలం సుబ్రహ్మణ్యాభిధం పరం జ్యోతిః ॥ 4 ॥
షణ్ముఖం హసన్ముఖం సుఖాంబురాశిఖేలనం సన్మునీంద్రసేవ్యమానపాదపంకజం సదా । మన్మథాదిశత్రువర్గనాశకం కృపాంబుధిం మన్మహే ముదా హృది ప్రపన్నకల్పభూరుహమ్ ॥ 5 ॥
ఇతి జగద్గురు శృంగేరీపీఠాధిప శ్రీచంద్రశేఖరభారతీ శ్రీపాదైః విరచితా శ్రీషణ్ముఖపంచరత్నస్తుతిః ।
Browse Related Categories:
Offered for worship and study, not as prediction. Non-commercial.
More devotional texts