ಶ್ರೀ ಸ್ವಾಮಿನಾಥ ಪಂಚಕಂ

hē svāmināthārtabandhō । bhasmaliptāṅga gāṅgēya kāruṇyasindhō ॥

rudrākṣadhārinnamastē raudrarōgaṃ hara tvaṃ purārērgurōrmē । rākēnduvaktraṃ bhavantaṃ mārarūpaṃ kumāraṃ bhajē kāmapūram ॥ 1 ॥

māṃ pāhi rōgādaghōrāt maṅgaḻāpāṅgapātēna bhaṅgātsvarāṇām । kālāchcha duṣpākakūlāt kālakālasyasūnuṃ bhajē krāntasānum ॥ 2 ॥

brahmādayō yasya śiṣyāḥ brahmaputrā girau yasya sōpānabhūtāḥ । sainyaṃ surāśchāpi sarvē sāmavēdādigēyaṃ bhajē kārtikēyam ॥ 3 ॥

kāṣāya saṃvīta gātraṃ kāmarōgādi saṃhāri bhikṣānna pātram । kāruṇya sampūrṇa nētraṃ śaktihastaṃ pavitraṃ bhajē śambhuputram ॥ 4 ॥

śrīsvāmi śailē vasantaṃ sādhusaṅghasya rōgān sadā saṃharantam । ōṅkāratattvaṃ vadantaṃ śambhukarṇē hasantaṃ bhajē'haṃ śiśuṃ tam ॥ 5 ॥

stōtraṃ kṛtaṃ chitrachitraṃ dīkṣitānantarāmēṇa sarvārthasiddhyai । bhaktyā paṭhēdyaḥ prabhātē dēvadēvaprasādāt labhētāṣṭasiddhim ॥ 6 ॥

iti śrīanantarāmadīkṣitar kṛtaṃ śrī svāminātha pañchakam ।