ಸುದರ್ಶನ ಅಷ್ಟಕಂ (ವೇದಾಂತಾಚಾರ್ಯ ಕೃತಂ)

ನಿಜಪದಪ್ರೀತಸದ್ಗಣ ನಿರುಪಥಿಸ್ಫೀತಷಡ್ಗುಣ ನಿಗಮನಿರ್ವ್ಯೂಢವೈಭವ ನಿಜಪರವ್ಯೂಹವೈಭವ । ಹರಿಹಯದ್ವೇಷಿದಾರಣ ಹರಪುರಪ್ಲೋಷಕಾರಣ ಜಯ ಜಯ ಶ್ರೀಸುದರ್ಶನ ಜಯ ಜಯ ಶ್ರೀಸುದರ್ಶನ ॥ 3 ॥

ಸ್ಫುಟತಟಿಜ್ಜಾಲಪಿಂಜರ ಪೃಥುತರಜ್ವಾಲಪಂಜರ ಪರಿಗತಪ್ರತ್ನವಿಗ್ರಹ ಪರಿಮಿತಪ್ರಜ್ಞದುರ್ಗ್ರಹ । ಪ್ರಹರಣಗ್ರಾಮಮಂಡಿತ ಪರಿಜನತ್ರಾಣಪಂಡಿತ ಜಯ ಜಯ ಶ್ರೀಸುದರ್ಶನ ಜಯ ಜಯ ಶ್ರೀಸುದರ್ಶನ ॥ 4 ॥

ಭುವನನೇತಸ್ತ್ರಯೀಮಯ ಸವನತೇಜಸ್ತ್ರಯೀಮಯ ನಿರವಧಿಸ್ವಾದುಚಿನ್ಮಯ ನಿಖಿಲಶಕ್ತೇಜಗನ್ಮಯ । ಅಮಿತವಿಶ್ವಕ್ರಿಯಾಮಯ ಶಮಿತವಿಶ್ವಗ್ಭಯಾಮಯ ಜಯ ಜಯ ಶ್ರೀಸುದರ್ಶನ ಜಯ ಜಯ ಶ್ರೀಸುದರ್ಶನ ॥ 5 ॥

ಮಹಿತಸಂಪತ್ಸದಕ್ಷರ ವಿಹಿತಸಂಪತ್ಷಡಕ್ಷರ ಷಡರಚಕ್ರಪ್ರತಿಷ್ಠಿತ ಸಕಲತತ್ತ್ವಪ್ರತಿಷ್ಠಿತ । ವಿವಿಧಸಂಕಲ್ಪಕಲ್ಪಕ ವಿಬುಧಸಂಕಲ್ಪಕಲ್ಪಕ ಜಯ ಜಯ ಶ್ರೀಸುದರ್ಶನ ಜಯ ಜಯ ಶ್ರೀಸುದರ್ಶನ ॥ 6 ॥

ಪ್ರತಿಮುಖಾಲೀಢಬಂಧುರ ಪೃಥುಮಹಾಹೇತಿದಂತುರ ವಿಕಟಮಾಲಾಪರಿಷ್ಕೃತ ವಿವಿಧಮಾಯಾಬಹಿಷ್ಕೃತ । ಸ್ಥಿರಮಹಾಯಂತ್ರಯಂತ್ರಿತ ದೃಢದಯಾತಂತ್ರಯಂತ್ರಿತ ಜಯ ಜಯ ಶ್ರೀಸುದರ್ಶನ ಜಯ ಜಯ ಶ್ರೀಸುದರ್ಶನ ॥ 7 ॥

ದನುಜವಿಸ್ತಾರಕರ್ತನ ದನುಜವಿದ್ಯಾವಿಕರ್ತನ ಜನಿತಮಿಸ್ರಾವಿಕರ್ತನ ಭಜದವಿದ್ಯಾನಿಕರ್ತನ । ಅಮರದೃಷ್ಟಸ್ವವಿಕ್ರಮ ಸಮರಜುಷ್ಟಭ್ರಮಿಕ್ರಮ ಜಯ ಜಯ ಶ್ರೀಸುದರ್ಶನ ಜಯ ಜಯ ಶ್ರೀಸುದರ್ಶನ ॥ 8 ॥

ದ್ವಿಚತುಷ್ಕಮಿದಂ ಪ್ರಭೂತಸಾರಂ ಪಠತಾಂ ವೇಂಕಟನಾಯಕಪ್ರಣೀತಮ್ । ವಿಷಮೇಽಪಿ ಮನೋರಥಃ ಪ್ರಧಾವನ್ ನ ವಿಹನ್ಯೇತ ರಥಾಂಗಧುರ್ಯಗುಪ್ತಃ ॥ 9 ॥

ಇತಿ ಶ್ರೀ ವೇದಾಂತಾಚಾರ್ಯಸ್ಯ ಕೃತಿಷು ಸುದರ್ಶನಾಷ್ಟಕಮ್ ।

Browse Related Categories: