അച്യുതാഷ്ടകമ്

അച്യുതം കേശവം രാമനാരായണം കൃഷ്ണദാമോദരം വാസുദേവം ഹരിമ് । ശ്രീധരം മാധവം ഗോപികാ വല്ലഭം ജാനകീനായകം രാമചംദ്രം ഭജേ ॥ 1 ॥

അച്യുതം കേശവം സത്യഭാമാധവം മാധവം ശ്രീധരം രാധികാ രാധിതമ് । ഇംദിരാമംദിരം ചേതസാ സുംദരം ദേവകീനംദനം നംദജം സംദധേ ॥ 2 ॥ [പല്ലവി..]

വിഷ്ണവേ ജിഷ്ണവേ ശംകനേ ചക്രിണേ രുക്മിണീ രാഗിണേ ജാനകീ ജാനയേ । വല്ലവീ വല്ലഭായാര്ചിതാ യാത്മനേ കംസ വിധ്വംസിനേ വംശിനേ തേ നമഃ ॥ 3 ॥

കൃഷ്ണ ഗോവിംദ ഹേ രാമ നാരായണ ശ്രീപതേ വാസുദേവാജിത ശ്രീനിധേ । അച്യുതാനംത ഹേ മാധവാധോക്ഷജ ദ്വാരകാനായക ദ്രൌപദീരക്ഷക ॥ 4 ॥

രാക്ഷസ ക്ഷോഭിതഃ സീതയാ ശോഭിതോ ദംഡകാരണ്യഭൂ പുണ്യതാകാരണഃ । ലക്ഷ്മണോനാന്വിതോ വാനരൈഃ സേവിതോ അഗസ്ത്യ സംപൂജിതോ രാഘവഃ പാതു മാമ് ॥ 5 ॥ [പല്ലവി..]

ധേനുകാരിഷ്ടകോഽനിഷ്ടകൃദ്ദ്വേഷിണാം കേശിഹാ കംസഹൃദ്വണ്ശികാവാദകഃ । പൂതനാകോപകഃ സൂരജാഖേലനോ ബാലഗോപാലകഃ പാതു മാം സർവദാ ॥ 6 ॥

വിദ്യുദുദ്യോതവത്പ്രസ്ഫുരദ്വാസസം പ്രാവൃഡംഭോദവത്പ്രോല്ലസദ്വിഗ്രഹമ് । വന്യയാ മാലയാ ശോഭിതോരഃസ്ഥലം ലോഹിതാംഘ്രിദ്വയം വാരിജാക്ഷം ഭജേ ॥ 7॥

കുംചിതൈഃ കുംതലൈ ഭ്രാജമാനാനനം രത്നമൌളിം ലസത്-കുംഡലം ഗംഡയോഃ । ഹാരകേയൂരകം കംകണ പ്രോജ്ജ്വലം കിംകിണീ മംജുലം ശ്യാമലം തം ഭജേ ॥ 8 ॥ [പല്ലവി..]