അംഗാരക കവചമ് (കുജ കവചമ്)

അസ്യ ശ്രീ അംഗാരക കവചസ്യ, കശ്യപ ഋഷീഃ, അനുഷ്ടുപ് ചംദഃ, അംഗാരകോ ദേവതാ, ഭൌമ പ്രീത്യര്ഥേ ജപേ വിനിയോഗഃ ॥

ധ്യാനമ് രക്താംബരോ രക്തവപുഃ കിരീടീ ചതുര്ഭുജോ മേഷഗമോ ഗദാഭൃത് । ധരാസുതഃ ശക്തിധരശ്ച ശൂലീ സദാ മമ സ്യാദ്വരദഃ പ്രശാംതഃ ॥

അഥ അംഗാരക കവചമ് അംഗാരകഃ ശിരോ രക്ഷേത് മുഖം വൈ ധരണീസുതഃ । ശ്രവൌ രക്തംബരഃ പാതു നേത്രേ മേ രക്തലോചനഃ ॥ 1 ॥

നാസാം ശക്തിധരഃ പാതു മുഖം മേ രക്തലോചനഃ । ഭുജൌ മേ രക്തമാലീ ച ഹസ്തൌ ശക്തിധരസ്തഥാ ॥2 ॥

വക്ഷഃ പാതു വരാംഗശ്ച ഹൃദയം പാതു രോഹിതഃ । കടിം മേ ഗ്രഹരാജശ്ച മുഖം ചൈവ ധരാസുതഃ ॥ 3 ॥

ജാനുജംഘേ കുജഃ പാതു പാദൌ ഭക്തപ്രിയഃ സദാ । സർവാണ്യന്യാനി ചാംഗാനി രക്ഷേന്മേ മേഷവാഹനഃ ॥ 4 ॥

ഫലശ്രുതിഃ യ ഇദം കവചം ദിവ്യം സർവശത്രുനിവാരണമ് । ഭൂതപ്രേതപിശാചാനാം നാശനം സർവസിദ്ധിദമ് ॥

സർവരോഗഹരം ചൈവ സർവസംപത്പ്രദം ശുഭമ് । ഭുക്തിമുക്തിപ്രദം നൄണാം സർവസൌഭാഗ്യവര്ധനമ് ॥

രോഗബംധവിമോക്ഷം ച സത്യമേതന്ന സംശയഃ ॥