Karma Siddhanta · Traditional devotional text · Source: vignanam.org (Traditional devotional text (public-domain shlokas))
ജനക ഉവാച
കായകൃത്യാസഹഃ പൂർവം തതോ വാഗ്വിസ്തരാസഹഃ । അഥ ചിംതാസഹസ്തസ്മാദ് ഏവമേവാഹമാസ്ഥിതഃ ॥ 12-1
പ്രീത്യഭാവേന ശബ്ദാദേരദൃശ്യത്വേന ചാത്മനഃ । വിക്ഷേപൈകാഗ്രഹൃദയ ഏവമേവാഹമാസ്ഥിതഃ ॥ 12-2॥
സമാധ്യാസാദിവിക്ഷിപ്തൌ വ്യവഹാരഃ സമാധയേ । ഏവം വിലോക്യ നിയമമേവമേവാഹമാസ്ഥിതഃ ॥ 12-3॥
ഹേയോപാദേയവിരഹാദ് ഏവം ഹര്ഷവിഷാദയോഃ । അഭാവാദദ്യ ഹേ ബ്രഹ്മന്ന് ഏവമേവാഹമാസ്ഥിതഃ ॥ 12-4॥
ആശ്രമാനാശ്രമം ധ്യാനം ചിത്തസ്വീകൃതവര്ജനമ് । വികല്പം മമ വീക്ഷ്യൈതൈരേവമേവാഹമാസ്ഥിതഃ ॥ 12-5॥
കര്മാനുഷ്ഠാനമജ്ഞാനാദ് യഥൈവോപരമസ്തഥാ । ബുധ്വാ സമ്യഗിദം തത്ത്വമേവമേവാഹമാസ്ഥിതഃ ॥ 12-6॥
അചിംത്യം ചിംത്യമാനോഽപി ചിംതാരൂപം ഭജത്യസൌ । ത്യക്ത്വാ തദ്ഭാവനം തസ്മാദ് ഏവമേവാഹമാസ്ഥിതഃ ॥ 12-7॥
ഏവമേവ കൃതം യേന സ കൃതാര്ഥോ ഭവേദസൌ । ഏവമേവ സ്വഭാവോ യഃ സ കൃതാര്ഥോ ഭവേദസൌ ॥ 12-8॥
Browse Related Categories:
Offered for worship and study, not as prediction. Non-commercial.
More devotional texts