Hanuma · Traditional devotional text · Source: vignanam.org (Traditional devotional text (public-domain shlokas))
വീതാഖിലവിഷയേച്ഛം ജാതാനംദാശ്രുപുലകമത്യച്ഛമ് സീതാപതി ദൂതാദ്യം വാതാത്മജമദ്യ ഭാവയേ ഹൃദ്യമ് ॥ 1 ॥
തരുണാരുണമുഖകമലം കരുണാരസപൂരപൂരിതാപാംഗമ് സംജീവനമാശാസേ മംജുലമഹിമാനമംജനാഭാഗ്യമ് ॥ 2 ॥
ശംബരവൈരിശരാതിഗമംബുജദല വിപുലലോചനോദാരമ് കംബുഗലമനിലദിഷ്ടം ബിംബജ്വലിതോഷ്ഠമേകമവലംബേ ॥ 3 ॥
ദൂരീകൃതസീതാര്തിഃ പ്രകടീകൃതരാമവൈഭവസ്ഫൂര്തിഃ ദാരിതദശമുഖകീര്തിഃ പുരതോ മമ ഭാതു ഹനുമതോ മൂര്തിഃ ॥ 4 ॥
വാനരനികരാധ്യക്ഷം ദാനവകുലകുമുദരവികരസദൃശമ് ദീനജനാവനദീക്ഷം പവനതപഃ പാകപുംജമദ്രാക്ഷമ് ॥ 5 ॥
ഏതത്പവനസുതസ്യ സ്തോത്രം യഃ പഠതി പംചരത്നാഖ്യമ് ചിരമിഹ നിഖിലാന്ഭോഗാന്ഭുംക്ത്വാ ശ്രീരാമഭക്തിഭാഗ്ഭവതി ॥ 6 ॥
Browse Related Categories:
Offered for worship and study, not as prediction. Non-commercial.
More devotional texts