Surya Bhagavan · Traditional devotional text · Source: vignanam.org (Traditional devotional text (public-domain shlokas))
അതുല്യവീര്യമുഗ്രതേജസം സുരം സുകാംതിമിംദ്രിയപ്രദം സുകാംതിദമ് । കൃപാരസൈകപൂര്ണമാദിരൂപിണം ദിവാകരം സദാ ഭജേ സുഭാസ്വരമ് ॥ 1 ॥
ഇനം മഹീപതിം ച നിത്യസംസ്തുതം കലാസുവര്ണഭൂഷണം രഥസ്ഥിതമ് । അചിംത്യമാത്മരൂപിണം ഗ്രഹാശ്രയം ദിവാകരം സദാ ഭജേ സുഭാസ്വരമ് ॥ 2 ॥
ഉഷോദയം വസുപ്രദം സുവര്ചസം വിദിക്പ്രകാശകം കവിം കൃപാകരമ് । സുശാംതമൂര്തിമൂര്ധ്വഗം ജഗജ്ജ്വലം ദിവാകരം സദാ ഭജേ സുഭാസ്വരമ് ॥ 3 ॥
ഋഷിപ്രപൂജിതം വരം വിയച്ചരം പരം പ്രഭും സരോരുഹസ്യ വല്ലഭമ് । സമസ്തഭൂമിപം ച താരകാപതിം ദിവാകരം സദാ ഭജേ സുഭാസ്വരമ് ॥ 4 ॥
ഗ്രഹാധിപം ഗുണാന്വിതം ച നിര്ജരം സുഖപ്രദം ശുഭാശയം ഭയാപഹമ് । ഹിരണ്യഗര്ഭമുത്തമം ച ഭാസ്കരം ദിവാകരം സദാ ഭജേ സുഭാസ്വരമ് ॥ 5 ॥
ഇതി ശ്രീ ദിവാകര പംചകമ് ।
Browse Related Categories:
Offered for worship and study, not as prediction. Non-commercial.
More devotional texts