ശ്രീ ഗണപതി മംഗളാഷ്ടകമ്

ഗജാനനായ ഗാംഗേയസഹജായ സദാത്മനേ । ഗൌരീപ്രിയതനൂജായ ഗണേശായാസ്തു മംഗളമ് ॥ 1 ॥

നാഗയജ്ഞോപവീതായ നതവിഘ്നവിനാശിനേ । നംദ്യാദിഗണനാഥായ നായകായാസ്തു മംഗളമ് ॥ 2 ॥

ഇഭവക്ത്രായ ചേംദ്രാദിവംദിതായ ചിദാത്മനേ । ഈശാനപ്രേമപാത്രായ ചേഷ്ടദായാസ്തു മംഗളമ് ॥ 3 ॥

സുമുഖായ സുശുംഡാഗ്രോക്ഷിപ്താമൃതഘടായ ച । സുരബൃംദനിഷേവ്യായ സുഖദായാസ്തു മംഗളമ് ॥ 4 ॥

ചതുര്ഭുജായ ചംദ്രാര്ധവിലസന്മസ്തകായ ച । ചരണാവനതാനര്ഥ താരണായാസ്തു മംഗളമ് ॥ 5 ॥

വക്രതുംഡായ വടവേ വംദ്യായ വരദായ ച । വിരൂപാക്ഷസുതായാസ്തു വിഘ്നനാശായ മംഗളമ് ॥ 6 ॥

പ്രമോദാമോദരൂപായ സിദ്ധിവിജ്ഞാനരൂപിണേ । പ്രകൃഷ്ടപാപനാശായ ഫലദായാസ്തു മംഗളമ് ॥ 7 ॥

മംഗളം ഗണനാഥായ മംഗളം ഹരസൂനവേ । മംഗളം വിഘ്നരാജായ വിഘ്നഹര്ത്രേസ്തു മംഗളമ് ॥ 8 ॥

ശ്ലോകാഷ്ടകമിദം പുണ്യം മംഗളപ്രദമാദരാത് । പഠിതവ്യം പ്രയത്നേന സർവവിഘ്നനിവൃത്തയേ ॥ 9 ॥