ശ്രീ നരസിംഹ അഷ്ടകമ്

ശ്രീമദകലംക പരിപൂര്ണ ശശികോടി- ശ്രീധര മനോഹര സടാപടല കാംത। പാലയ കൃപാലയ ഭവാംബുധി-നിമഗ്നം ദൈത്യവരകാല നരസിംഹ നരസിംഹ ॥ 1 ॥

പാദകമലാവനത പാതകി-ജനാനാം പാതകദവാനല പതത്രിവര-കേതോ। ഭാവന പരായണ ഭവാര്തിഹരയാ മാം പാഹി കൃപയൈവ നരസിംഹ നരസിംഹ ॥ 2 ॥

തുംഗനഖ-പംക്തി-ദലിതാസുര-വരാസൃക് പംക-നവകുംകുമ-വിപംകില-മഹോരഃ । പംഡിതനിധാന-കമലാലയ നമസ്തേ പംകജനിഷണ്ണ നരസിംഹ നരസിംഹ ॥ 3 ॥

മൌലിഷു വിഭൂഷണമിവാമര വരാണാം യോഗിഹൃദയേഷു ച ശിരസ്സുനിഗമാനാമ് । രാജദരവിംദ-രുചിരം പദയുഗം തേ ദേഹി മമ മൂര്ധ്നി നരസിംഹ നരസിംഹ ॥ 4 ॥

വാരിജവിലോചന മദംതിമ-ദശായാം ക്ലേശ-വിവശീകൃത-സമസ്ത-കരണായാമ് । ഏഹി രമയാ സഹ ശരണ്യ വിഹഗാനാം നാഥമധിരുഹ്യ നരസിംഹ നരസിംഹ ॥ 5 ॥

ഹാടക-കിരീട-വരഹാര-വനമാലാ ധാരരശനാ-മകരകുംഡല-മണീംദ്രൈഃ । ഭൂഷിതമശേഷ-നിലയം തവ വപുര്മേ ചേതസി ചകാസ്തു നരസിംഹ നരസിംഹ ॥ 6 ॥

ഇംദു രവി പാവക വിലോചന രമായാഃ മംദിര മഹാഭുജ-ലസദ്വര-രഥാംഗ। സുംദര ചിരായ രമതാം ത്വയി മനോ മേ നംദിത സുരേശ നരസിംഹ നരസിംഹ ॥ 7 ॥

മാധവ മുകുംദ മധുസൂദന മുരാരേ വാമന നൃസിംഹ ശരണം ഭവ നതാനാമ് । കാമദ ഘൃണിന് നിഖിലകാരണ നയേയം കാലമമരേശ നരസിംഹ നരസിംഹ ॥ 8 ॥