ശ്രീ ശംകരാചാര്യ വര്യമ്

॥ ശ്രീശംകരാചാര്യസ്തവഃ ॥

ശ്രീശംകരാചാര്യവര്യം സർവലോകൈകവംദ്യം ഭജേ ദേശികേംദ്രമ്

ധര്മപ്രചാരേഽതിദക്ഷം യോഗിഗോവിംദപാദാപ്തസന്യാസദീക്ഷമ് । ദുർവാദിഗർവാപനോദം പദ്മപാദാദിശിഷ്യാലിസംസേവ്യപാദമ് ॥1॥ (ശ്രീശംകരാചാര്യവര്യം)

ശംകാദ്രിദംഭോലിലീലം കിംകരാശേഷശിഷ്യാലി സംത്രാണശീലമ് । ബാലാര്കനീകാശചേലം ബോധിതാശേഷവേദാംത ഗൂഢാര്ഥജാലമ് ॥2॥ (ശ്രീശംകരാചാര്യവര്യം)

രുദ്രാക്ഷമാലാവിഭൂഷം ചംദ്രമൌലീശ്വരാരാധനാവാപ്തതോഷമ് । വിദ്രാവിതാശേഷദോഷം ഭദ്രപൂഗപ്രദം ഭക്തലോകസ്യ നിത്യമ് ॥3॥ (ശ്രീശംകരാചാര്യവര്യം)

പാപാടവീചിത്രഭാനും ജ്ഞാനദീപേന ഹാര്ദം തമോ വാരയംതമ് । ദ്വൈപായനപ്രീതിഭാജം സർവതാപാപഹാമോഘബോധപ്രദം തമ് ॥4॥ (ശ്രീശംകരാചാര്യവര്യം)

രാജാധിരാജാഭിപൂജ്യം രമ്യശൃംഗാദ്രിവാസൈകലോലം യതീഡ്യമ് । രാകേംദുസംകാശവക്ത്രം രത്നഗര്ഭേഭവക്ത്രാംഘ്രിപൂജാനുരക്തമ് ॥5॥ (ശ്രീശംകരാചാര്യവര്യം)

ശ്രീഭാരതീതീര്ഥഗീതം ശംകരാര്യസ്തവം യഃ പഠേദ്ഭക്തിയുക്തഃ । സോഽവാപ്നുയാത്സർവമിഷ്ടം ശംകരാചാര്യവര്യപ്രസാദേന തൂര്ണമ് ॥6॥ (ശ്രീശംകരാചാര്യവര്യം)