Subrahmanya Swamy · Traditional devotional text · Source: vignanam.org (Traditional devotional text (public-domain shlokas))
സ്ഫുരദ്വിദ്യുദ്വല്ലീവലയിതമഗോത്സംഗവസതിം ഭവാപ്പിത്തപ്ലുഷ്ടാനമിതകരുണാജീവനവശാത് । അവംതം ഭക്താനാമുദയകരമംഭോധര ഇതി പ്രമോദാദാവാസം വ്യതനുത മയൂരോഽസ്യ സവിധേ ॥ 1 ॥
സുബ്രഹ്മണ്യോ യോ ഭവേജ്ജ്ഞാനശക്ത്യാ സിദ്ധം തസ്മിംദേവസേനാപതിത്വമ് । ഇത്ഥം ശക്തിം ദേവസേനാപതിത്വം സുബ്രഹ്മണ്യോ ബിഭ്രദേഷ വ്യനക്തി ॥ 2 ॥
പക്ഷോഽനിർവചനീയോ ദക്ഷിണ ഇതി ധിയമശേഷജനതായാഃ । ജനയതി ബര്ഹീ ദക്ഷിണനിർവചനായോഗ്യപക്ഷയുക്തോഽയമ് ॥ 3 ॥
യഃ പക്ഷമനിർവചനം യാതി സമവലംബ്യ ദൃശ്യതേ തേന । ബ്രഹ്മ പരാത്പരമമലം സുബ്രഹ്മണ്യാഭിധം പരം ജ്യോതിഃ ॥ 4 ॥
ഷണ്മുഖം ഹസന്മുഖം സുഖാംബുരാശിഖേലനം സന്മുനീംദ്രസേവ്യമാനപാദപംകജം സദാ । മന്മഥാദിശത്രുവര്ഗനാശകം കൃപാംബുധിം മന്മഹേ മുദാ ഹൃദി പ്രപന്നകല്പഭൂരുഹമ് ॥ 5 ॥
ഇതി ജഗദ്ഗുരു ശൃംഗേരീപീഠാധിപ ശ്രീചംദ്രശേഖരഭാരതീ ശ്രീപാദൈഃ വിരചിതാ ശ്രീഷണ്മുഖപംചരത്നസ്തുതിഃ ।
Browse Related Categories:
Offered for worship and study, not as prediction. Non-commercial.
More devotional texts