ஆபது³த்³தா⁴ரக ஹனுமத்ஸ்தோத்ரம்

ஓம் அஸ்ய ஶ்ரீ ஆபது³த்³தா⁴ரக ஹனுமத் ஸ்தோத்ர மஹாமந்த்ர கவசஸ்ய, விபீ⁴ஷண ருஷி:, ஹனுமான் தே³வதா, ஸர்வாபது³த்³தா⁴ரக ஶ்ரீஹனுமத்ப்ரஸாதே³ன மம ஸர்வாபன்னிவ்ருத்த்யர்தே², ஸர்வகார்யானுகூல்ய ஸித்³த்⁴யர்தே² ஜபே வினியோக:³ ।

த்⁴யானம் । வாமே கரே வைரிபி⁴த³ம் வஹந்தம் ஶைலம் பரே ஶ்ருங்க³லஹாரிடங்கம் । த³தா⁴னமச்ச²ச்ச²வியஜ்ஞஸூத்ரம் பஜ⁴ே ஜ்வலத்குண்ட³லமாஞ்ஜனேயம் ॥ 1 ॥

ஸம்வீதகௌபீன முத³ஞ்சிதாங்கு³ளிம் ஸமுஜ்ஜ்வலன்மௌஞ்ஜிமதோ²பவீதினம் । ஸகுண்ட³லம் லம்பி³ஶிகா²ஸமாவ்ருதம் தமாஞ்ஜனேயம் ஶரணம் ப்ரபத்³யே ॥ 2 ॥

ஆபன்னாகி²லலோகார்திஹாரிணே ஶ்ரீஹனூமதே । அகஸ்மாதா³க³தோத்பாத நாஶனாய நமோ நம: ॥ 3 ॥

ஸீதாவியுக்தஶ்ரீராமஶோகது³:க²ப⁴யாபஹ । தாபத்ரிதயஸம்ஹாரின் ஆஞ்ஜனேய நமோஸ்து தே ॥ 4 ॥

ஆதி⁴வ்யாதி⁴ மஹாமாரீ க்³ரஹபீடா³பஹாரிணே । ப்ராணாபஹர்த்ரேதை³த்யானாம் ராமப்ராணாத்மனே நம: ॥ 5 ॥

ஸம்ஸாரஸாக³ராவர்த கர்தவ்யப்⁴ராந்தசேதஸாம் । ஶரணாக³தமர்த்யானாம் ஶரண்யாய நமோஸ்து தே ॥ 6 ॥

வஜ்ரதே³ஹாய காலாக்³னிருத்³ராயாமிததேஜஸே । ப்³ரஹ்மாஸ்த்ரஸ்தம்ப⁴னாயாஸ்மை நம: ஶ்ரீருத்³ரமூர்தயே ॥ 7 ॥