அஷ்டாவக்ர கீ³தா ஷோட³ஶோத்⁴யாய:

అష్టావక్ర ఉవాచ

ఆచక్ష్వ శృణు వా తాత నానాశాస్త్రాణ్యనేకశః । తథాపి న తవ స్వాస్థ్యం సర్వవిస్మరణాదృతే ॥ 16-1

భోగం కర్మ సమాధిం వా కురు విజ్ఞ తథాపి తే । చిత్తం నిరస్తసర్వాశమత్యర్థం రోచయిష్యతి ॥ 16-2॥

ఆయాసాత్సకలో దుఃఖీ నైనం జానాతి కశ్చన । అనేనైవోపదేశేన ధన్యః ప్రాప్నోతి నిర్వృతిమ్ ॥ 16-3॥

వ్యాపారే ఖిద్యతే యస్తు నిమేషోన్మేషయోరపి । తస్యాలస్య ధురీణస్య సుఖం నాన్యస్య కస్యచిత్ ॥ 16-4॥

ఇదం కృతమిదం నేతి ద్వంద్వైర్ముక్తం యదా మనః । ధర్మార్థకామమోక్షేషు నిరపేక్షం తదా భవేత్ ॥ 16-5॥

విరక్తో విషయద్వేష్టా రాగీ విషయలోలుపః । గ్రహమోక్షవిహీనస్తు న విరక్తో న రాగవాన్ ॥ 16-6॥

హేయోపాదేయతా తావత్సంసారవిటపాంకురః । స్పృహా జీవతి యావద్ వై నిర్విచారదశాస్పదమ్ ॥ 16-7॥

ప్రవృత్తౌ జాయతే రాగో నిర్వృత్తౌ ద్వేష ఏవ హి । నిర్ద్వంద్వో బాలవద్ ధీమాన్ ఏవమేవ వ్యవస్థితః ॥ 16-8॥