Samskritam Songs · Traditional devotional text · Source: vignanam.org (Traditional devotional text (public-domain shlokas))
అవనితలం పునరవతీర్ణా స్యాత్ సంస్కృతగంగాధారా । ధీరభగీరథవంశోఽస్మాకం వయం తు కృతనిర్ధారాః ॥
నిపతతు పండితహరశిరసి ప్రవహతు నిత్యమిదం వచసి ప్రవిశతు వైయాకరణముఖం పునరపి వహతాజ్జనమనసి పుత్రసహస్రం సముద్ధృతం స్యాత్ యాంతు చ జన్మవికారాః ॥ 1 ॥
గ్రామం గ్రామం గచ్ఛామ సంస్కృతశిక్షాం యచ్ఛామ సర్వేషామపి తృప్తిహితార్థం స్వక్లేశం న హి గణయేమ కృతే ప్రయత్నే కిం న లభేత ఏవం సంతి విచారాః ॥ 2 ॥
యా మాతా సంస్కృతిమూలా యస్యా వ్యాప్తిస్సువిశాలా వాఙ్మయరూపా సా భవతు లసతు చిరం సా వాఙ్మాలా సురవాణీం జనవాణీం కర్తుం యతామహే కృతిశూరాః ॥ 3 ॥
రచన: డా. నారాయణభట్టః
Browse Related Categories:
Offered for worship and study, not as prediction. Non-commercial.
More devotional texts