ப⁴ர்த்ருஹரே: ஶதக த்ரிஶதி - வைராக்³ய ஶதகம்

উত্খাতং নিধিশংকয়া ক্ষিতিতলং ধ্মাতা গিরের্ধাতবো নিস্তীর্ণঃ সরিতাং পতির্নৃপতয়ো যত্নেন সংতোষিতাঃ । মংত্রারাধনতত্পরেণ মনসা নীতাঃ শ্মশানে নিশাঃ প্রাপ্তঃ কাণবরাটকোঽপি ন ময়া তৃষ্ণে সকামা ভব ॥ 3.3 ॥

খলালাপাঃ সৌঢাঃ কথং অপি তদ্​আরাধনপরৈর্নিগৃহ্য়াংতর্ বাষ্পং হসিতং অপি শূন্য়েন মনসা । কৃতো বিত্তস্তংভপ্রতিহতধিয়াং অংজলিরপি ত্বং আশে মোঘাশে কিম অপরং অতো নর্তযসি মাম্ ॥ 3.4 ॥

অমীষাং প্রাণানাং তুলিতবিসিনীপত্রপযসাং কৃতে কিং নাস্মাভির্বিগলিতবিবেকৈর্ব্যবসিতম্ । যদ্​আঢ্য়ানাং অগ্রে দ্রবিণমদনিঃসংজ্ঞমনসাং কৃতং মাবব্রীডৈর্নিজগুণকথাপাতকং অপি ॥ 3.5 ॥

ক্ষাংতং ন ক্ষময়া গৃহোচিতসুখং ত্যক্তং ন সংতোষতঃ সোঢো দুঃসহশীততাপপবনক্লেশো ন তপ্তং তপঃ । ধ্য়াতং বিত্তং অহর্নিশং নিত্যমিতপ্রাণৈর্ন শংভোঃ পদং তত্তত্কর্ম কৃতং যদেব মুনিভিস্তৈস্তৈঃ ফলৈর্বংচিতাঃ ॥ 3.6 ॥

ভোগা ন ভুক্তা বয়ং এব ভুক্তাস্ তপো ন তপ্তং বয়ং এব তপ্তাঃ । কালো ন যাতো বয়ং এব যাতাস্তৃষ্ণা ন জীর্ণা বয়ং এব জীর্ণাঃ ॥ 3.7 ॥

বলিভির্মুখং আক্রাংতং পলিতেনাংকিতং শিরঃ । গাত্রাণি শিথিলায়ংতে তৃষ্ণৈকা তরুণাযতে ॥ 3.8 ॥

বিবেকব্য়াকোশে বিদধতি সমে শাম্যতি তৃষা পরিষ্বংগে তুংগে প্রসরতিতরাং সা পরিণতা । জরাজীর্ণৈশ্বর্যগ্রসনগহনাক্ষেপকৃপণস্তৃষাপাত্রং যস্য়াং ভবতি মরুতাং অপ্যধিপতিঃ ॥ 3.8.1 ॥

নিবৃত্তা ভোগেচ্ছা পুরুষবহুমানোঽপি গলিতঃ সমানাঃ স্বর্য়াতাঃ সপদি সুহৃদো জীবিতসমাঃ । শনৈর্যষ্ট্য়ুত্থানং ঘনতিমিররুদ্ধে চ নযনে অহো মূঢঃ কাযস্তদপি মরণাপাযচকিতঃ ॥ 3.9 ॥

আশা নাম নদী মনোরথজলা তৃষ্ণাতরংগাকুলা রাগগ্রাহবতী বিতর্কবিহগা ধৈর্যদ্রুমধ্বংসিনী । মোহাবর্তসুদুস্তরাতিগহনা প্রোত্তুংগচিংতাতটী তস্য়াঃ পরগতা বিশুদ্ধং অলসো নংদংতি যোগীশ্বরাঃ ॥ 3.10 ॥

ন সংসারোত্পন্নং চরিতং অনুপশ্য়ামি কুশলং বিপাকঃ পুণ্য়ানাং জনযতি ভয়ং মে বিমৃশতঃ । মহদ্ভিঃ পুণ্য়ৌঘৈশ্চিরপরিগৃহীতাশ্চ বিষয়া মহাংতো জায়ংতে ব্যসনং ইব দাতুং বিষয়িণাম্ ॥ 3.11 ॥

অবশ্য়ং যাতারশ্চিরতরং উষিত্বাপি বিষয়া বিয়োগে কো ভেদস্ত্যজতি ন জনো যত্স্বয়ং অমূন্ । ব্রজংতঃ স্বাতংত্র্য়াদতুলপরিতাপায় মনসঃ স্বয়ং ত্যক্তা হ্য়েতে শমসুখং অনংতং বিদধতি ॥ 3.12 ॥

ব্রহ্মজ্ঞানবিবেকনির্মলধিয়ঃ কুর্বংত্যহো দুষ্করং যন্মুংচংত্য়ুপভোগভাংজ্যপি ধনান্য়েকাংততো নিঃস্পৃহাঃ । সংপ্রাতান্ন পুরা ন সংপ্রতি ন চ প্রাপ্তৌ দৃঢপ্রত্যয়ান্ বাংছামাত্রপরিগ্রহানপি পরং ত্যক্তুং ন শক্তা বযম্ ॥ 3.13 ॥

ধন্য়ানাং গিরিকংদরেষু বসতাং জ্য়োতিঃ পরং ধ্য়াযতামানংদাশ্রু জলং পিবংতি শকুনা নিঃশংকং অংকেশয়াঃ । অস্মাকং তু মনোরথোপরচিতপ্রাসাদবাপীতটক্রীডা কাননকেলিকৌতুকজুষাং আয়ুঃ পরং ক্ষীযতে ॥ 3.14 ॥

ভিক্ষাশতং তদপি নীরসং একবারং শয়্য়া চ ভূঃ পরিজনো নিজদেহমাত্রম্ । বস্ত্রং বিশীর্ণশতখংডময়ী চ কংথা হা হা তথাপি বিষয়া ন পরিত্যজংতি ॥ 3.15 ॥

স্তনৌ মাংসগ্রংথী কনককলশাবিত্য়ুপমিতী মুখং শ্লেষ্মাগারং তদপি চ শশাংকেন তুলিতম্ । স্রবন্মূত্রক্লিন্নং করিবরশিরস্পর্ধি জঘনং মুহুর্নিংদ্য়ং রূপং কবিজনবিশেষৈর্গুরুকৃতম্ ॥ 3.16 ॥

একো রাগিষু রাজতে প্রিযতমাদেহার্ধহারী হরো নীরাগেষু জনো বিমুক্তললনাসংগো ন যস্মাত্পরঃ । দুর্বারস্মরবাণপন্নগবিষব্য়াবিদ্ধমুগ্ধো জনঃ শেষঃ কামবিডংবিতান্ন বিষয়ান্ভোক্তুং ন মোক্তুং ক্ষমঃ ॥ 3.17 ॥

অজানংদাহাত্ম্য়ং পততু শলভস্তীব্রদহনে স মীনোঽপ্যজ্ঞানাদ্বডিশয়ুতং অশ্নাতু পিশিতম্ । বিজানংতোঽপ্য়েতে বয়ং ইহ বিযজ্জালজটিলান্ ন মুংচামঃ কানাং অহহ গহনো মোহমহিমা ॥ 3.18 ॥

তৃষা শুষ্যত্য়াস্য়ে পিবতি সলিলং শীতমধুরং ক্ষুধার্তঃ শাল্যন্নং কবলযতি মাংসাদিকলিতম্ । প্রদীপ্তে কামাগ্নৌ সুদৃঢতরং আলিংগতি বধূং প্রতীকারং ব্য়াধঃ সুখং ইতি বিপর্যস্যতি জনঃ ॥ 3.19 ॥

তুংগং বেশ্ম সুতাঃ সতাং অভিমতাঃ সংখ্য়াতিগাঃ সংপদঃ কল্য়াণী দয়িতা বযশ্চ নবং ইত্যজ্ঞানমূঢো জনঃ । মত্বা বিশ্বং অনশ্বরং নিবিশতে সংসারকারাগৃহে সংদৃশ্য় ক্ষণভংগুরং তদখিলং ধন্যস্তু সন্ন্যস্যতি ॥ 3.20 ॥

দীনা দীনমুখৈঃ সদৈব শিশুকৈরাকৃষ্টজীর্ণাংবরা ক্রোশদ্ভিঃ ক্ষুধিতৈর্নিরন্নবিধুরা দৃশ্য়া ন চেদ্গেহিনী । যাচ্ঞাভংগভয়েন গদ্গদগলত্রুট্যদ্বিলীনাক্ষরং কো দেহীতি বদেত্স্বদগ্ধজঠরস্য়ার্থে মনস্বী পুমান্ ॥ 3.21 ॥

অভিমতমহামানগ্রংথিপ্রভেদপটীযসী গুরুতরগুণগ্রামাভোজস্ফুটোজ্জ্বলচংদ্রিকা । বিপুলবিলল্লজ্জাবল্লীবিতানকুঠারিকা জঠরপিঠরী দুস্পুরেয়ং করোতি বিডংবনম্ ॥ 3.22 ॥

পুণ্য়ে গ্রামে বনে বা মহতি সিতপটচ্ছন্নপালী কপালিং হ্য়াদায় ন্য়াযগর্ভদ্বিজহুতহুতভুগ্ধূমধূম্রোপকংঠে । দ্বারং দ্বারং প্রবিষ্টো বরং উদরদরীপূরণায় ক্ষুধার্তো মানী প্রাণৈঃ সনাথো ন পুনরনুদিনং তুল্যকুল্য়েসু দীনঃ ॥ 3.23 ॥

গংগাতরংগকণশীকরশীতলানি বিদ্য়াধরাধ্য়ুষিতচারুশিলাতলানি । স্থানানি কিং হিমবতঃ প্রলয়ং গতানি যত্সাবমানপরপিংডরতা মনুষ্য়াঃ ॥ 3.24 ॥

কিং কংদাঃ কংদরেভ্য়ঃ প্রলয়ং উপগতা নির্ঝরা বা গিরিভ্য়ঃ প্রধ্বস্তা বা তরুভ্য়ঃ সরসগলভৃতো বল্কলিন্যশ্চ শাখাঃ । বীক্ষ্য়ংতে যন্মুখানি প্রসভং অপগতপ্রশ্রয়াণাং খলানাং দুঃখাপ্তস্বল্পবিত্তস্মযপবনবশানর্তিতভ্রূলতানি ॥ 3.25 ॥

পুণ্য়ৈর্মূলফলৈস্তথা প্রণয়িনীং বৃত্তিং কুরুষ্বাধুনা ভূশয়্য়াং নবপল্লবৈরকৃপণৈরুত্তিষ্ঠ যাবো বনম্ । ক্ষুদ্রাণাং অবিবেকমূঢমনসাং যত্রেশ্বরাণাং সদা বিত্তব্য়াধিবিকারবিহ্বলগিরাং নামাপি ন শ্রূযতে ॥ 3.26 ॥

ফলং স্বেচ্ছালভ্য়ং প্রতিবনং অখেদং ক্ষিতিরুহাং পয়ঃ স্থানে স্থানে শিশিরমধুরং পুণ্যসরিতাম্ । মৃদুস্পর্শা শয়্য়া সুললিতলতাপল্লবময়ী সহংতে সংতাপং তদপি ধনিনাং দ্বারি কৃপণাঃ ॥ 3.27 ॥

যে বর্তংতে ধনপতিপুরঃ প্রার্থনাদুঃখভাজো যে চাল্পত্বং দধতি বিষয়াক্ষেপপর্য়াপ্তবুদ্ধেঃ । তেষাং অংতঃস্ফুরিতহসিতং বাসরাণি স্মরেয়ং ধ্য়ানচ্ছেদে শিখরিকুহরগ্রাবশয়্য়ানিষণ্ণঃ ॥ 3.28 ॥

যে সংতোষনিরংতরপ্রমুদিতস্তেষাং ন ভিন্না মুদো যে ত্বন্য়ে ধনলুব্ধসংকলধিযস্তেসাং ন তৃষ্ণাহতা । ইত্থং কস্য় কৃতে কুতঃ স বিধিনা কীদৃক্পদং সংপদাং স্বাত্মন্য়েব সমাপ্তহেমমহিমা মেরুর্ন মে রোচতে ॥ 3.29 ॥

ভিক্ষাহারং অদৈন্য়ং অপ্রতিসুখং ভীতিচ্ছিদং সর্বতো দুর্মাত্সর্যমদাভিমানমথনং দুঃখৌঘবিধ্বংসনম্ । সর্বত্রান্বহং অপ্রযত্নসুলভং সাধুপ্রিয়ং পাবনং শংভোঃ সত্রং অবায়ং অক্ষযনিধিং শংসংতি যোগীশ্বরাঃ ॥ 3.30 ॥

ভোগে রোগভয়ং কুলে চ্য়ুতিভয়ং বিত্তে নৃপালাদ্ভয়ং মানে দৈন্যভয়ং বলে রিপুভয়ং রূপে জরায়া ভযম্ । শাস্ত্রে বাদিভয়ং গুণে খলভয়ং কায়ে কৃতাংতাদ্ভয়ং সর্বং বস্তু ভয়ান্বিতং ভুবি নৃণাং বৈরাগ্যমেবাভযম্ ॥ 3.31 ॥

আক্রাংতং মরণেন জন্ম জরসা চাত্য়ুজ্জ্বলং যৌবনং সংতোষো ধনলিপ্সয়া শমসুখং প্রৌঢাংগনাবিভ্রমৈঃ । লোকৈর্মত্সরিভির্গুণা বনভুবো ব্য়ালৈর্নৃপা দুর্জনৈর্ অস্থৈর্য়েণ বিভূতয়োঽপ্যপহতা গ্রস্তং ন কিং কেন বা ॥ 3.32 ॥

আধিব্য়াধিশতৈর্জনস্য় বিবিধৈরারোগ্য়ং উন্মূল্যতে লক্ষ্মীর্যত্র পতংতি তত্র বিবৃতদ্বারা ইব ব্য়াপদঃ । জাতং জাতং অবশ্য়ং আশু বিবশং মৃত্য়ুঃ করোত্য়াত্মসাত্ তত্কিং তেন নিরংকুশেন বিধিনা যন্নির্মিতং সুস্থিরম্ ॥ 3.33 ॥

ভোগাস্তুংগতরংগভংগতরলাঃ প্রাণাঃ ক্ষণধ্বংসিনঃ স্তোকান্য়েব দিনানি যৌবনসুখং স্ফূর্তিঃ প্রিয়াসু স্থিতা । তত্সংসারং অসারং এব নিখিলং বুদ্ধ্বা বুধা বোধকা লোকানুগ্রহপেশলেন মনসা যত্নঃ সমাধীযতাম্ ॥ 3.34 ॥

ভোগা মেঘবিতানমধ্যবিলসত্সৌদামিনীচংচলা আয়ুর্বায়ুবিঘট্টিতাব্জপটলীলীনাংবুবদ্ভংগুরম্ । লীলা যৌবনলালসাস্তনুভৃতাং ইত্য়াকলয়্য় দ্রুতং যোগে ধৈর্যসমাধিসিদ্ধিসুলভে বুদ্ধিং বিদধ্বং বুধাঃ ॥ 3.35 ॥

আয়ুঃ কল্লোললোলং কতিপযদিবসস্থায়িনী যৌবনশ্রীঃ অর্থাঃ সংকল্পকল্পা ঘনসমযতডিদ্বিভ্রমা ভোগপূগাঃ । কংঠাশ্লেষোপগূঢং তদপি চ ন চিরং যত্প্রিয়াভিঃ প্রণীতং ব্রহ্মণ্য়াসক্তচিত্তা ভবত ভবভয়াংভোধিপারং তরীতুম্ ॥ 3.36 ॥

কৃচ্ছ্রেণামেধ্যমধ্য়ে নিযমিততনুভিঃ স্থীযতে গর্ভবাসে কাংতাবিশ্লেষদুঃখব্যতিকরবিষমো যৌবনে চোপভোগঃ । বামাক্ষীণাং অবজ্ঞাবিহসিতবসতির্বৃদ্ধভাবোঽন্যসাধুঃ সংসারে রে মনুষ্য়া বদত যদি সুখং স্বল্পং অপ্যস্তি কিংচিত্ ॥ 3.37 ॥

ব্য়াঘ্রীব তিষ্ঠতি জরা পরিতর্জয়ংতী রোগাশ্চ শত্রব ইব প্রহরংতি দেহম্ । আয়ুঃ পরিস্রবংতি ভিন্নঘটাদিবাংভো লোকস্তথাপ্যহিতং আচরতীতি চিত্রম্ ॥ 3.38 ॥

ভোগা ভংগুরবৃত্তয়ো বহুবিধাস্তৈরেব চায়ং ভবস্তত্ কস্য়েহ কৃতে পরিভ্রমত রে লোকাঃ কৃতং চেষ্টতৈঃ । আশাপাশশতাপশাংতিবিশদং চেতঃসমাধীযতাং কামোত্পত্তিবশাত্স্বধামনি যদি শ্রদ্দেয়ং অস্মদ্বচঃ ॥ 3.39 ॥

সখে ধন্য়াঃ কেচিত্ত্রুটিতভববংধব্যতিকরা বনাংতে চিত্তাংতর্বিষং অবিষয়াশীত্বিষগতাঃ । শরচ্চংদ্রজ্য়োত্স্নাধবলগগনাভোগসুভগাং নয়ংতে যে রাত্রিং সুকৃতচযচিংতৈকশরণাঃ ॥ 3.39.1 ॥

ব্রহ্মেংদ্রাদিমরুদ্গণাংস্তৃণকণান্যত্র স্থিতো মন্যতে যত্স্বাদাদ্বিরসা ভবংতি বিভবাস্ত্রৈলোক্যরাজ্য়াদয়ঃ । ভোগঃ কোঽপি স এব এক পরমো নিত্য়োদিতো জৃংভতে ভোঃ সাধো ক্ষণভংগুরে তদিতরে ভোগে রতিং মা কৃথাঃ ॥ 3.40 ॥

সা রম্য়া নগরী মহান্স নৃপতিঃ সামংতচক্রং চ তত্ পার্শ্বে তস্য় চ সা বিদগ্ধপরিষত্তাশ্চংদ্রবিংবাননাঃ । উদ্বৃত্তঃ স রাজপুত্রনিবহস্তে বংদিনস্তাঃ কথাঃ সর্বং যস্য় বশাদগাত্স্মৃতিপথং কালায় তস্মৈ নমঃ ॥ 3.41 ॥

যত্রানেকঃ ক্বচিদপি গৃহে তত্র তিষ্ঠত্যথৈকো যত্রাপ্য়েকস্তদনু বহবস্তত্র নৈকোঽপি চাংতে । ইত্থং নেয়ৌ রজনিদিবসৌ লোলয়ংদ্বাবিবাক্ষৌ কালঃ কল্য়ো ভুবনফলকে ক্রীডতি প্রাণিশারৈঃ ॥ 3.42 ॥

আদিত্যস্য় গতাগতৈরহরহঃ সংক্ষীযতে জীবিতং ব্য়াপারৈর্বহুকার্যভারগুরুভিঃ কালোঽপি ন জ্ঞাযতে । দৃষ্ট্বা জন্মজরাবিপত্তিমরণং ত্রাসশ্চ নোত্পদ্যতে পীত্বা মোহময়ীং প্রমাদমদিরাং উন্মত্তভূতং জগত্ ॥ 3.43 ॥

রাত্রিঃ সৈব পুনঃ স এব দিবসো মত্বা মুধা জংতবো ধাবংত্য়ুদ্যমিনস্তথৈব নিভৃতপ্রারব্ধতত্তত্ক্রিয়াঃ । ব্য়াপারৈঃ পুনর্​উক্তভূতবিষয়ৈরিত্থং বিধেনামুনা সংসারেণ কদর্থিতা বয়ং অহো মোহান্ন লজ্জামহে ॥ 3.44 ॥

ন ধ্য়ানং পদং ঈশ্বরস্য় বিধিবত্সংসারবিচ্ছিত্তয়ে স্বর্গদ্বারকপাটপাটনপটুর্ধর্মোঽপি নোপার্জিতঃ । নারীপীনপয়োধরোরুয়ুগলং স্বপ্নেঽপি নালিংগিতং মাতুঃ কেবলং এব যৌবনবনচ্ছেদে কুঠারা বযম্ ॥ 3.45 ॥

নাভ্যস্তা প্রতিবাদিবৃংদদমনী বিদ্য়া বিনীতোচিতা খড্গাগ্রৈঃ করিকুংভপীঠদলনৈর্নাকং ন নীতং যশঃ । কাংতাকৌম্​অলপল্লবাধররসঃ পীতো ন চংদ্রোদয়ে তারুণ্য়ং গতং এব নিষ্ফলং অহো শূন্য়ালয়ে দীপবত্ ॥ 3.46 ॥

বিদ্য়া নাধিগতা কলংকরহিতা বিত্তং চ নোপার্জিতং শুশ্রূষাপি সমাহিতেন মনসা পিত্রোর্ন সংপাদিতা । আলোলাযতলোচনাঃ প্রিযতমাঃ স্বপ্নেঽপি নালিংগিতাঃ কালোঽয়ং পরপিংডলোলুপতয়া কাকৈরিব প্রের্যতে ॥ 3.47 ॥

বয়ং যেভ্য়ো জাতাশ্চিরপরিগতা এব খলু তে সমং যৈঃ সংবৃদ্ধাঃ স্মৃতিবিষযতাং তেঽপি গমিতাঃ । ইদানীং এতে স্মঃ প্রতিদিবসং আসন্নপতনা গতাস্তুল্য়াবস্থাং সিকতিলনদীতীরতরুভিঃ ॥ 3.48 ॥

আয়ুর্বর্ষশতং নৃণাং পরিমিতং রাত্রৌ তদ্​অর্ধং গতং তস্য়ার্ধস্য় পরস্য় চার্ধং অপরং বালত্ববৃদ্ধত্বয়োঃ । শেষং ব্য়াধিবিয়োগদুঃখসহিতং সেবাদিভির্নীযতে জীবে বারিতরংগচংচলতরে সৌখ্য়ং কুতঃ প্রাণিনাম্ ॥ 3.49 ॥

ক্ষণং বালো ভূত্বা ক্ষণং অপি যুবা কামরসিকঃ ক্ষণং বিত্তৈর্হীনঃ ক্ষণং অপি চ সংপূর্ণবিভবঃ । জরাজীর্ণৈরংগৈর্নট ইব বলীমংডিততনূর্ নরঃ সংসারাংতে বিশতি যমধানীযবনিকাম্ ॥ 3.50 ॥

ত্বং রাজা বয়ং অপ্য়ুপাসিতগুরুপ্রজ্ঞাভিমানোন্নতাঃ খ্য়াতস্ত্বং বিভবৈর্যশাংসি কবয়ো দিক্ষু প্রতন্বংতি নঃ । ইত্থং মানধনাতিদূরং উভয়োরপ্য়াবয়োরংতরং যদ্যস্মাসু পরাঙ্মুখোঽসি বয়ং অপ্য়েকাংততো নিঃস্পৃহা ॥ 3.51 ॥

অর্থানাং ঈশিষে ত্বং বয়ং অপি চ গিরাং ঈশ্মহে যাবদর্থং শূরস্ত্বং বাদিদর্পব্য়ুপশমনবিধাবক্ষয়ং পাটবং নঃ । সেবংতে ত্বাং ধনাঢ্য়া মতিমলহতয়ে মাং অপি শ্রোতুকামাঃ । ময়্যপ্য়াস্থা ন তে চেত্ত্বয়ি মম নিতরাং এব রাজন্ননাস্থা ॥ 3.52 ॥

বয়ং ইহ পরিতুষ্টা বল্কলৈস্ত্বং দুকূলৈঃ সম ইহ পরিতোষো নির্বিশেষো বিশেষঃ । স তু ভবতু দরিদ্রো যস্য় তৃষ্ণা বিশালা মনসি চ পরিতুষ্টে কোঽর্থবান্কো দরিদ্রঃ ॥ 3.53 ॥

ফলং অলং অশনায় স্বাদু পানায় তোয়ং ক্ষিতিরপি শযনার্থং বাসসে বল্কলং চ । নবধনমধুপানভ্রাংতসর্বেংদ্রিয়াণাং অবিনয়ং অনুমংতুং নোত্সহে দুর্জনানাম্ ॥ 3.54 ॥

অশ্নীমহি বয়ং ভিক্ষাং আশাবাসো বসীমহি । শয়ীমহি মহীপৃষ্ঠে কুর্বীমহি কিং ঈশ্বরৈঃ ॥ 3.55 ॥

ন নটা না বিটা ন গাযকা ন চ সভ্য়েতরবাদচুংচবঃ । নৃপং ঈক্ষিতুং অত্র কে বয়ং স্তনভারানমিতা ন যোষিতঃ ॥ 3.56 ॥

বিপুলহৃদয়ৈরীশৈরেতজ্জগজ্জনিতং পুরা বিধৃতং অপরৈর্দত্তং চান্য়ৈর্বিজিত্য় তৃণং যথা । ইহ হি ভুবনান্যন্য়ৈর্ধীরাশ্চতুর্দশ ভুংজতে কতিপযপুরস্বাম্য়ে পুংসাং ক এষ মদজ্বরঃ ॥ 3.57 ॥

অভুক্তায়াং যস্য়াং ক্ষণং অপি ন যাতং নৃপশতৈর্ ভুবস্তস্য়া লাভে ক ইব বহুমানঃ ক্ষিতিভৃতাম্ । তদ্​অংশস্য়াপ্য়ংশে তদ্​অবযলেশেঽপি পতয়ো বিষাদে কর্তব্য়ে বিদধতি জডাঃ প্রত্য়ুত মুদম্ ॥ 3.58 ॥

মৃত্পিংডো জলরেখয়া বলয়িতঃ সর্বোঽপ্যয়ং নন্বণুঃ স্বাংশীকৃত্য় স এব সংগরশতৈ রাজ্ঞাং গণা ভুংজতে । যে দদ্য়ুর্দদতোঽথবা কিং অপরং ক্ষুদ্রা দরিদ্রং ভৃশং ধিগ্ধিক্তান্পুরুষাধমাংধনকণান্বাংছংতি তেভ্য়োঽপি যে ॥ 3.59 ॥

স জাতঃ কোঽপ্য়াসীন্মদনরিপুণা মূর্ধ্নি ধবলং কপালং যস্য়োচ্চৈর্বিনিহিতং অলংকারবিধয়ে । নৃভিঃ প্রাণত্রাণপ্রবণমতিভিঃ কৈশ্চিদধুনা নমদ্ভিঃ কঃ পুংসাং অয়ং অতুলদর্পজ্বরভরঃ ॥ 3.60 ॥

পরেষাং চেতাংসি প্রতিদিবসং আরাধ্য় বহুধা প্রসাদং কিং নেতুং বিশসি হৃদয় ক্লেশকলিতম্ । প্রসন্নে ত্বয়্য়ংতঃসবযমুদিতচিংতামণিগণো বিবিক্তঃ সংকল্পঃ কিং অভিলষিতং পুষ্যতি ন তে ॥ 3.61 ॥

সত্য়াং এব ত্রিলোকীসরিতি হরশিরশ্চুংবিনীবচ্ছটায়াং সদ্বৃত্তিং কল্পয়ংত্য়াং বটবিটপভবৈর্বল্কলৈঃ সত্ফলৈশ্চ । কোঽয়ং বিদ্বান্বিপত্তিজ্বরজনিতরুজাতীবদুঃখাসিকানাং বক্ত্রং বীক্ষেত দুঃস্থে যদি হি ন বিভৃয়াত্স্বে কুটুংবেঽনুকংপাম্ ॥ 3.61.1 ॥

পরিভ্রমসি কিং মুধা ক্বচন চিত্ত বিশ্রাম্যতাং স্বয়ং ভবতি যদ্যথা ভবতি তত্তথা নান্যথা । অতীতং অননুস্মরন্নপি চ ভাব্যসংকল্পযন্নতর্কিত সমাগমানুভবামি ভোগনাহম্ ॥ 3.62 ॥

এতস্মাদ্বিরমেংদ্রিয়ার্থগহনাদায়াসকাদাশ্রযশ্রেয়ো মার্গং অশেষদুঃখশমনব্য়াপারদক্ষং ক্ষণাত্ । স্বাত্মীভাবং উপৈহি সংত্যজ নিজাং কল্লোললোলং গতিং মা ভূয়ো ভজ ভংগুরাং ভবরতিং চেতঃ প্রসীদাধুনা ॥ 3.63 ॥

মোহং মার্জয় তাং উপার্জয় রতিং চংদ্রার্ধচূডামণৌ চেতঃ স্বর্গতরংগিণীতটভুবাং আসংগং অংগীকুরু । কো বা বীচিষু বুদ্বুদেষু চ তডিল্লেখাসু চ শ্রীষু চ জ্বালাগ্রেষু চ পন্নগেষু সরিদ্বেগেষু চ চপ্রত্যয়ঃ ॥ 3.64 ॥

চেতশ্চিংতয় মা রমাং সকৃদিমাং অস্থায়িনীং আস্থয়া ভূপালভ্রুকুটীকুটীবিহরণব্য়াপারপণ্য়াংগনাম্ । কংথাকংচুকিনঃ প্রবিশ্য় ভবনদ্বারাণি বারাণসীরথ্য়া পংক্তিষু পাণিপাত্রপতিতাং ভিক্ষাং অপেক্ষামহে ॥ 3.65 ॥

অগ্রে গীতং সরসকবয়ঃ পার্শ্বয়োর্দাক্ষিণাত্য়াঃ পশ্চাল্লীলাবলযরণিতং চামরগ্রাহিণীনাম্ । যদ্যস্ত্য়েবং কুরু ভবরসাস্বাদনে লংপটত্বং নো চেচ্চেতঃ প্রবিশ সহসা নির্বিকল্পে সমাধৌ ॥ 3.66 ॥

প্রাপ্তাঃ শ্রিয়ঃ সকলকামদুধাস্ততঃ কিং ন্যস্তং পদং শিরসি বিদ্বিষতাং ততঃ কিম্ । সংপাদিতাঃ প্রণয়িনো বিভবৈস্ততঃ কিং কল্পং স্থিতাস্তনুভৃতাং তনবস্ততঃ কিম্ ॥ 3.67 ॥

ভক্তির্ভবে মরণজন্মভয়ং হৃদিস্থং স্নেহো ন বংধুষু ন মন্মথজা বিকারাঃ । সংসর্জ দোষরহিতা বিজয়া বনাংতা বৈরাগ্য়ং অস্তি কিং ইতঃ পরমর্থনীযম্ ॥ 3.68 ॥

তস্মাদনংতং অজরং পরমং বিকাসি তদ্ব্রহ্ম চিংতয় কিং এভিরসদ্বিকল্পৈঃ । যস্য়ানুষংগিণ ইমে ভুবনাধিপত্যভোগাদয়ঃ কৃপণলোকমতা ভবংতি ॥ 3.69 ॥

পাতালং আবিশসি যাসি নভো বিলংঘ্য় দিঙ্মংডলং ভ্রমসি মানস চাপলেন । ভ্রাংত্য়াপি জাতু বিমলং কথং আত্মনীনং ন ব্রহ্ম সংসরসি নির্বৃতিং এষি যেন ॥ 3.70 ॥

কিং বেদৈঃ স্মৃতিভিঃ পুরাণপঠনৈঃ শাস্ত্রৈর্মহাবিস্তরৈঃ স্বর্গগ্রামকুটীনিবাসফলদৈঃ কর্মক্রিয়াবিভ্রমৈঃ । মুক্ত্বৈকং ভবদুঃখভাররচনাবিধ্বংসকালানলং স্বাত্মানংদপদপ্রবেশকলনং শেসৈর্বাণিগ্বৃত্তিভিঃ ॥ 3.71 ॥

নায়ং তে সময়ো রহস্য়ং অধুনা নিদ্রাতি নাথো যদি স্থিত্বা দ্রক্ষ্যতি কুপ্যতি প্রভুরিতি দ্বারেষু যেষাং বচঃ । চেতস্তানপহায় যাহি ভবনং দেবস্য় বিশ্বেশিতুর্ নির্দৌবারিকনির্দয়োক্ত্য়্​অপরুষং নিঃসৌম্​অশর্মপ্রদম্ ॥ 3.71.1 ॥

যতো মেরুঃ শ্রীমান্নিপততি যুগাংতাগ্নিবলিতঃ সমুদ্রাঃ শুষ্য়ংতি প্রচুরমকরগ্রাহনিলয়াঃ । ধরা গচ্ছত্য়ংতং ধরণিধরপাদৈরপি ধৃতা শরীরে কা বার্তা করিকলভকর্ণাগ্রচপলে ॥ 3.72 ॥

গাত্রং সংকুচিতং গতির্বিগলিতা ভ্রষ্টা চ দংতাবলির্ দৃষ্টির্নক্ষ্যতি বর্ধতে বধিরতা বক্ত্রং চ লালাযতে । বাক্য়ং নাদ্রিযতে চ বাংধবজনো ভার্য়া ন শুশ্রূষতে হা কষ্টং পুরুষস্য় জীর্ণবযসঃ পুত্রোঽপ্যমিত্রাযতে ॥ 3.73 ॥

বর্ণং সিতং শিরসি বীক্ষ্য় শিরোরুহাণাং স্থানং জরাপরিভবস্য় তদা পুমাংসম্ । আরোপিতাংস্থিশতকং পরিহৃত্য় যাংতি চংডালকূপং ইব দূরতরং তরুণ্য়ঃ ॥ 3.74 ॥

যাবত্স্বস্থং ইদং শরীরং অরুজং যাবচ্চ দূরে জরা যাবচ্চেংদ্রিযশক্তিরপ্রতিহতা যাবত্ক্ষয়ো নায়ুষঃ । আত্মশ্রেযসি তাবদেব বিদুষা কার্য়ঃ প্রযত্নো মহান্ সংদীপ্তে ভবনে তু কূপখননং প্রত্য়ুদ্যমঃ কীদৃশঃ ॥ 3.75 ॥

তপস্য়ংতঃ সংতঃ কিং অধিনিবসামঃ সুরনদীং গুণোদারাংদারানুত পরিচরামঃ সবিনযম্ । পিবামঃ শাস্ত্রৌঘানুতবিবিধকাব্য়ামৃতরসান্ ন বিদ্মঃ কিং কুর্মঃ কতিপযনিমেষায়ুষি জনে ॥ 3.76 ॥

দুরারাধ্য়াশ্চামী তুরগচলচিত্তাঃ ক্ষিতিভুজো বয়ং তু স্থূলেচ্ছাঃ সুমহতি ফলে বদ্ধমনসঃ । জরা দেহং মৃত্য়ুর্হরতি দয়িতং জীবিতং ইদং সখে নান্যচ্ছ্রেয়ো জগতি বিদুষেঽন্যত্র তপসঃ ॥ 3.77 ॥

মানে ম্লায়িনি খংডিতে চ বসুনি ব্যর্থে প্রয়াতেঽর্থিনি ক্ষীণে বংধুজনে গতে পরিজনে নষ্টে শনৈর্য়ৌবনে । যুক্তং কেবলং এতদেব সুধিয়াং যজ্জহ্নুকন্য়াপয়ঃপূতাগ্রাব গিরীংদ্রকংদরতটীকুংজে নিবাসঃ ক্বচিত্ ॥ 3.78 ॥

রম্য়াশ্চংদ্রমরীচযস্তৃণবতী রম্য়া বনাংতস্থলী রম্য়ং সাধুসমাগমাগতসুখং কাব্য়েষু রম্য়াঃ কথাঃ । কোপোপাহিতবাষ্পবিংদুতরলং রম্য়ং প্রিয়ায়া মুখং সর্বং রম্য়ং অনিত্যতাং উপগতে চিত্তে ন কিংচিত্পুনঃ ॥ 3.79 ॥

রম্য়ং হর্ম্যতলং ন কিং বসতয়ে শ্রব্য়ং ন গেয়াদিকং কিং বা প্রাণসমাসমাগমসুখং নৈবাধিকপ্রীতয়ে । কিংতু ভ্রাংতপতংগক্ষপবনব্য়ালোলদীপাংকুরচ্ছায়া চংচলং আকলয়্য় সকলং সংতো বনাংতং গতাঃ ॥ 3.80 ॥

আ সংসারাত্ত্রিভুবনং ইদং চিন্বতাং তাত্তাদৃঙ্নৈবাস্মাকং নযনপদবীং শ্রোত্রমার্গং গতো বা । যোঽয়ং ধত্তে বিষযকরিণো গাঢগূঢাভিমানক্ষীবস্য়াংতঃ করণকরিণঃ সংযমালানলীলাম্ ॥ 3.81 ॥

যদেতত্স্বচ্ছংদং বিহরণং অকার্পণ্য়ং অশনং সহার্য়ৈঃ সংবাসঃ শ্রুতং উপশমৈকব্রতফলম্ । মনো মংদস্পংদং বহিরপি চিরস্য়াপি বিমৃশন্ন জানে কস্য়ৈষা পরিণতিরুদারস্য় তপসঃ ॥ 3.82 ॥

জীর্ণা এব মনোরথাশ্চ হৃদয়ে যাতং চ তদ্য়ৌবনং হংতাংগেষু গুণাশ্বংধ্যফলতাং যাতা গুণজ্ঞৈর্বিনা । কিং যুক্তং সহসাভ্য়ুপৈতি বলবান্কালঃ কৃতাংতোঽক্ষমী হা জ্ঞাতং মদনাংতকাংঘ্রিয়ুগলং মুক্ত্বাস্তি নান্য়ো গতিঃ ॥ 3.83 ॥

মহেশ্বরে বা জগতাং অধীশ্বরে জনার্দনে বা জগদ্​অংতরাত্মনি । ন বস্তুভেদপ্রতিপত্তিরস্তি মে তথাপি ভক্তিস্তরুণেংদুশেখরে ॥ 3.84 ॥

স্ফুরত্স্ফারজ্য়োত্স্নাধবলিততলে ক্বাপি পুলিনে সুখাসীনাঃ শাংতধ্বংতিসু রজনীষু দ্য়ুসরিতঃ । ভবাভোগোদ্বিগ্নাঃ শিব শিব শিবেত্য়ুচ্চবচসঃ কদা যাস্য়ামোঽতর্গতবহুলবাষ্পাকুলদশাম্ ॥ 3.85 ॥

মহাদেবো দেবঃ সরিদপি চ সৈষা সুরসরিদ্গুহা এবাগারং বসনং অপি তা এব হরিতঃ । সুহৃদা কালোঽয়ং ব্রতং ইদং অদৈন্যব্রতং ইদং কিযদ্বা বক্ষ্য়ামো বটবিটপ এবাস্তু দয়িতা ॥ 3.85.1 ॥

বিতীর্ণে সর্বস্বে তরুণকরুণাপূর্ণহৃদয়াঃ স্মরংতঃ সংসারে বিগুণপরিণামাং বিধিগতিম্ । বয়ং পুণ্য়ারণ্য়ে পরিণতশরচ্চংদ্রকিরণাস্ ত্রিয়ামা নেস্য়ামো হরচরণচিংতৈকশরণাঃ ॥ 3.86 ॥

কদা বারাণস্য়াং অমরতটিনীরোধসি বসন্ বসানঃ কৌপীনং শিরসি নিদধানোঽংজলিপুটম্ । অয়ে গৌরীনাথ ত্রিপুরহর শংভো ত্রিনযন প্রসীদেত্য়াক্রোশন্নিমিষং ইব নেষ্য়ামি দিবসান্ ॥ 3.87 ॥

উদ্য়ানেষু বিচিত্রভোজনবিধিস্তীব্রাতিতীব্রং তপঃ কৌপীনাবরণং সুবস্ত্রং অমিতং ভিক্ষাটনং মংডনম্ । আসন্নং মরণং চ মংগলসমং যস্য়াং সমুত্পদ্যতে তাং কাশীং পরিহৃত্য় হংত বিবুধৈরন্যত্র কিং স্থীযতে ॥ 3.87.1 ॥

স্নাত্বা গাংগৈঃ পয়োভিঃ শুচিকুসুমফলৈরর্চয়িত্বা বিভো ত্বা ধ্য়েয়ে ধ্য়ানং নিবেশ্য় ক্ষিতিধরকুহরগ্রাবপর্য়ংকমূলে । আত্মারামঃ ফলাশী গুরুবচনরতস্ত্বত্প্রসাদাত্স্মরারে দুঃখং মোক্ষ্য়ে কদাহং সমকরচরণে পুংসি সেবাসমুত্থম্ ॥ 3.88 ॥

একাকী নিঃস্পৃহঃ শাংতঃ পাণিপাত্রো দিগংবরঃ । কদা শংভো ভবিষ্য়ামি কর্মনির্মূলনক্ষমঃ ॥ 3.89 ॥

পাণিং পাত্রযতাং নিসর্গশুচিনা ভৈক্ষেণ সংতুষ্যতাং যত্র ক্বাপি নিষীদতাং বহুতৃণং বিশ্বং মুহুঃ পশ্যতাম্ । অত্য়াগেঽপি তনোরখংডপরমানংদাববোধস্পৃশা মধ্বা কোঽপি শিবপ্রসাদসুলভঃ সংপত্স্যতে যোগিনাম্ ॥ 3.90 ॥

কৌপীনং শতখংডজর্জরতরং কংথা পুনস্তাদৃশী নৈশ্চিংত্য়ং নিরপেক্ষভৈক্ষ্য়ং অশনং নিদ্রা শ্মশানে বনে । স্বাতংত্র্য়েণ নিরংকুশং বিহরণং স্বাংতং প্রশাংতং সদা স্থৈর্য়ং যোগমহোত্সবেঽপি চ যদি ত্রৈলোক্যরাজ্য়েন কিম্ ॥ 3.91 ॥

ব্রহ্মাংডং মংডলীমাত্রং কিং লোভায় মনস্বিনঃ । শফরীস্ফুর্তেনাব্ধিঃ ক্ষুব্ধো ন খলু জাযতে ॥ 3.92 ॥

মাতর্লক্ষ্মি ভজস্ব কংচিদপরং মত্কাংক্ষিণী মা স্ম ভূর্ ভোগেষু স্পৃহয়ালবস্তব বশে কা নিঃস্পৃহাণাং অসি । সদ্য়ঃ স্য়ূতপলাশপত্রপুটিকাপাত্রৈঃ পবিত্রীকৃতৈর্ ভিক্ষাবস্তুভিরেব সংপ্রতি বয়ং বৃত্তিং সমীহামহে ॥ 3.93 ॥

মহাশয়্য়া পৃথ্বী বিপুলং উপধানং ভুজলতাং বিতানং চাকাশং ব্যজনং অনুকূলোঽয়ং অনিলঃ । শরচ্চংদ্রো দীপো বিরতিবনিতাসংগমুদিতঃ সুখী শাংতঃ শেতে মুনিরতনুভূতির্নৃপ ইব ॥ 3.94 ॥

ভিক্ষাসী জনমধ্যসংগরহিতঃ স্বাযত্তচেষ্টঃ সদা হানাদানবিরক্তমার্গনিরতঃ কশ্চিত্তপস্বী স্থিতঃ । রথ্য়াকীর্ণবিশীর্ণজীর্ণবসনঃ সংপ্রাপ্তকংথাসনো নির্মানো নিরহংকৃতিঃ শমসুখাভোগৈকবদ্ধস্পৃহঃ ॥ 3.95 ॥

চংডালঃ কিং অয়ং দ্বিজাতিরথবা শূদ্রোঽথ কিং তাপসঃ কিং বা তত্ত্ববিবেকপেশলমতির্য়োগীশ্বরঃ কোঽপি কিম্ । ইত্য়ুত্পন্নবিকল্পজল্পমুখরৈরাভাষ্যমাণা জনৈর্ ন ক্রুদ্ধাঃ পথি নৈব তুষ্টমনসো যাংতি স্বয়ং যোগিনঃ ॥ 3.96 ॥

হিংসাশূন্য়ং অযত্নলভ্য়ং অশনং ধাত্রা মরুত্কল্পিতং ব্য়ালানং পশবস্তৃণাংকুরভুজস্তুষ্টাঃ স্থলীশায়িনঃ । সংসারার্ণবলংঘনক্ষমধিয়াং বৃত্তিঃ কৃতা সা নৃণাং তাং অন্বেষযতাং প্রয়াংতি সততং সর্বং সমাপ্তিং গুণাঃ ॥ 3.97 ॥

গংগাতীরে হিমগিরিশিলাবদ্ধপদ্মাসনস্য় ব্রহ্মধ্য়ানাভ্যসনবিধিনা যোগনিদ্রাং গতস্য় । কিং তৈর্ভাব্য়ং মম সুদিবসৈর্যত্র তে নির্বিশংকাঃ কংডূয়ংতে জরঠহরিণাঃ স্বাংগং অংগে মদীয়ে ॥ 3.98 ॥

জীর্ণাঃ কংথা ততঃ কিং সিতং অমলপটং পট্টসূত্রং ততঃ কিং একা ভার্য়া ততঃ কিং হযকরিসুগণৈরাবৃতো বা ততঃ কিম্ । ভক্তং ভুক্তং ততঃ কিং কদশনং অথবা বাসরাংতে ততঃ কিং ব্যক্তজ্য়োতির্ন বাংতর্মথিতভবভয়ং বৈভবং বা ততঃ কিম্ ॥ 3.98.1 ॥

পাণিঃ পাত্রং পবিত্রং ভ্রমণপরিগতং ভৈক্ষ্য়ং অক্ষয়্য়ং অন্নং বিস্তীর্ণং বস্ত্রং আশাদশকং অচপলং তল্পং অস্বল্পং উর্বীম্ । যেষাং নিঃসংগতাংগীকরণপরিণতস্বাংতসংতোষিণস্তে ধন্য়াঃ সংন্যস্তদৈন্যব্যতিকরনিকরাঃ কর্ম নির্মূলয়ংতি ॥ 3.99 ॥

ত্রৈলোক্য়াধিপতিত্বং এব বিরসং যস্মিন্মহাশাসনে তল্লব্ধ্বাসনবস্ত্রমানঘটনে ভোগে রতিং মা কৃথাঃ । ভোগঃ কোঽপি স এক এব পরমো নিত্য়োদিতা জৃংভনে যত্স্বাদাদ্বিরসা ভবংতি বিসয়াস্ত্রৈলোক্যরাজ্য়াদয়ঃ ॥ 3.99.1 ॥

মাতর্মেদিনি তাত মারুতি সখে তেজঃ সুবংধো জল ভ্রাতর্ব্য়ৌম্​অ নিবদ্ধ এষ ভবতাং অংত্য়ঃ প্রণামাংজলিঃ । যুষ্মত্সংগবশোপজাতসুকৃতস্ফারস্ফুরন্নির্মলজ্ঞানাপাস্ত সমস্তমোহমহিমা লীনে পরব্রহ্মণি ॥ 3.100 ॥

শয়্য়া শৈলশিলাগৃহং গিরিগুহা বস্ত্রং তরুণাং ত্বচঃ সারংগাঃ সুহৃদো ননু ক্ষিতিরুহাং বৃত্তিঃ ফলৈঃ কৌম্​অলৈঃ । যেসাং নির্ঝরং অংবুপানং উচিতং রত্য়ৈ তু বিদ্য়াংগনা মন্য়ে তে পরমেশ্বরাঃ শিরসি যরি বদ্ধো ন সেবাংজলিঃ ॥ 3.101 ॥

ধৈর্য়ং যস্য় পিতা ক্ষমা চ জননী শাংতিশ্চিরং গেহিনী সত্য়ং মিত্রং ইদং দয়া চ ভগিনী ভ্রাতা মনঃসংযমঃ । শয়্য়া ভূমিতলং দিশোঽপি বসনং জ্ঞানামৃতং ভোজনং হ্য়েতে যস্য় কুটুংবিনো বদ সখে কস্মাদ্ভয়ং যোগিনঃ ॥ 3.102 ॥

অহো বা হারে বা বলবতি রিপৌ বা সুহৃদি বা মণৌ বা লোষ্ঠে বা কুসুমশযনে বা দৃষদি বা । তৃণে বা স্ত্রৈণে বা মম সমদৃশো যাংতি দিবসাঃ ক্বচিত্পুণ্য়ারণ্য়ে শিব শিব শিবেতি প্রলপতঃ ॥ 3.103 ॥

Browse Related Categories: