சாணக்ய நீதி - சதுர்தோ²த்⁴யாய:

సంసారతాపదగ్ధానాం త్రయో విశ్రాంతిహేతవః । అపత్యం చ కలత్రం చ సతాం సంగతిరేవ చ ॥ 10 ॥

సకృజ్జల్పంతి రాజానః సకృజ్జల్పంతి పండితాః । సకృత్కన్యాః ప్రదీయంతే త్రీణ్యేతాని సకృత్సకృత్ ॥ 11 ॥

ఏకాకినా తపో ద్వాభ్యాం పఠనం గాయనం త్రిభిః । చతుర్భిర్గమనం క్షేత్రం పంచభిర్బహుభీ రణః ॥ 12 ॥

సా భార్యా యా శుచిర్దక్షా సా భార్యా యా పతివ్రతా । సా భార్యా యా పతిప్రీతా సా భార్యా సత్యవాదినీ ॥ 13 ॥

అపుత్రస్య గృహం శూన్యం దిశః శూన్యాస్త్వబాంధవాః । మూర్ఖస్య హృదయం శూన్యం సర్వశూన్యా దరిద్రతా ॥ 14 ॥

అనభ్యాసే విషం శాస్త్రమజీర్ణే భోజనం విషమ్ । దరిద్రస్య విషం గోష్ఠీ వృద్ధస్య తరుణీ విషం ॥ 15 ॥

త్యజేద్ధర్మం దయాహీనం విద్యాహీనం గురుం త్యజేత్ । త్యజేత్క్రోధముఖీం భార్యాం నిఃస్నేహాన్బాంధవాంస్త్యజేత్ ॥ 16 ॥

అధ్వా జరా దేహవతాం పర్వతానాం జలం జరా । అమైథునం జరా స్త్రీణాం వస్త్రాణామాతపో జరా ॥ 17 ॥

కః కాలః కాని మిత్రాణి కో దేశః కౌ వ్యయాగమౌ । కశ్చాహం కా చ మే శక్తిరితి చింత్యం ముహుర్ముహుః ॥ 18 ॥

అగ్నిర్దేవో ద్విజాతీనాం మునీనాం హృది దైవతమ్ । ప్రతిమా స్వల్పబుద్ధీనాం సర్వత్ర సమదర్శినః ॥ 19 ॥

Browse Related Categories: