Chanakya Neethi · Traditional devotional text · Source: vignanam.org (Traditional devotional text (public-domain shlokas))
gururagnirdvijātīnāṃ varṇānāṃ brāhmaṇō guruḥ । patirēva guruḥ strīṇāṃ sarvasyābhyāgatō guruḥ ॥ 01 ॥
yathā chaturbhiḥ kanakaṃ parīkṣyatē nigharṣaṇachChēdanatāpatāḍanaiḥ । tathā chaturbhiḥ puruṣaḥ parīkṣyatē tyāgēna śīlēna guṇēna karmaṇā ॥ 02 ॥
tāvadbhayēṣu bhētavyaṃ yāvadbhayamanāgatam । āgataṃ tu bhayaṃ vīkṣya prahartavyamaśaṅkayā ॥ 03 ॥
ēkōdarasamudbhūtā ēkanakṣatrajātakāḥ । na bhavanti samāḥ śīlē yathā badarakaṇṭakāḥ ॥ 04 ॥
niḥspṛhō nādhikārī syān nākāmō maṇḍanapriyaḥ । nāvidagdhaḥ priyaṃ brūyātspaṣṭavaktā na vañchakaḥ ॥ 05 ॥
mūrkhāṇāṃ paṇḍitā dvēṣyā adhanānāṃ mahādhanāḥ । parāṅganā kulastrīṇāṃ subhagānāṃ cha durbhagāḥ ॥ 06 ॥
ālasyōpagatā vidyā parahastagataṃ dhanam । alpabījaṃ hataṃ kṣētraṃ hataṃ sainyamanāyakam ॥ 07 ॥
abhyāsāddhāryatē vidyā kulaṃ śīlēna dhāryatē । guṇēna jñāyatē tvāryaḥ kōpō nētrēṇa gamyatē ॥ 08 ॥
Offered for worship and study, not as prediction. Non-commercial.
More devotional texts
vittēna rakṣyatē dharmō vidyā yōgēna rakṣyatē । mṛdunā rakṣyatē bhūpaḥ satstriyā rakṣyatē gṛham ॥ 09 ॥
anyathā vēdaśāstrāṇi jñānapāṇḍityamanyathā । anyathā tatpadaṃ śāntaṃ lōkāḥ kliśyanti chāhnyathā ॥ 10 ॥
dāridryanāśanaṃ dānaṃ śīlaṃ durgatināśanam । ajñānanāśinī prajñā bhāvanā bhayanāśinī ॥ 11 ॥
nāsti kāmasamō vyādhirnāsti mōhasamō ripuḥ । nāsti kōpasamō vahnirnāsti jñānātparaṃ sukham ॥ 12 ॥
janmamṛtyū hi yātyēkō bhunaktyēkaḥ śubhāśubham । narakēṣu patatyēka ēkō yāti parāṃ gatim ॥ 13 ॥
tṛṇaṃ brahmavidaḥ svargastṛṇaṃ śūrasya jīvitam । jitāśasya tṛṇaṃ nārī niḥspṛhasya tṛṇaṃ jagat ॥ 14 ॥
vidyā mitraṃ pravāsē cha bhāryā mitraṃ gṛhēṣu cha । vyādhitasyauṣadhaṃ mitraṃ dharmō mitraṃ mṛtasya cha ॥ 15 ॥
vṛthā vṛṣṭiḥ samudrēṣu vṛthā tṛptasya bhōjanam । vṛthā dānaṃ samarthasya vṛthā dīpō divāpi cha ॥ 16 ॥
nāsti mēghasamaṃ tōyaṃ nāsti chātmasamaṃ balam । nāsti chakṣuḥsamaṃ tējō nāsti dhānyasamaṃ priyam ॥ 17 ॥
adhanā dhanamichChanti vāchaṃ chaiva chatuṣpadāḥ । mānavāḥ svargamichChanti mōkṣamichChanti dēvatāḥ ॥ 18 ॥
satyēna dhāryatē pṛthvī satyēna tapatē raviḥ । satyēna vāti vāyuścha sarvaṃ satyē pratiṣṭhitam ॥ 19 ॥
chalā lakṣmīśchalāḥ prāṇāśchalē jīvitamandirē । chalāchalē cha saṃsārē dharma ēkō hi niśchalaḥ ॥ 20 ॥
narāṇāṃ nāpitō dhūrtaḥ pakṣiṇāṃ chaiva vāyasaḥ । chatuṣpādaṃ śaṛgālastu strīṇāṃ dhūrtā cha mālinī ॥ 21 ॥
janitā chōpanētā cha yastu vidyāṃ prayachChati । annadātā bhayatrātā pañchaitē pitaraḥ smṛtāḥ ॥ 22 ॥
rājapatnī gurōḥ patnī mitrapatnī tathaiva cha । patnīmātā svamātā cha pañchaitā mātaraḥ smṛtāḥ ॥ 23 ॥
Browse Related Categories: