Samskritam Songs · Traditional devotional text · Source: vignanam.org (Traditional devotional text (public-domain shlokas))
ధ్యేయపథికసాధక కార్యపథే సాధయ మృదు హసన్ మధుకిరన్ మాతరం సదా స్మరన్ ॥
జీవనం న శాశ్వతం, వైభవం న హి స్థిరం స్వార్థలేపనం వినా, యత్కృతం హి తచ్చిరం సరలతా స్వజీవనే చింతనే సదోచ్చతా సమాజపోషితా వయం సమాజపోషకాశ్చిరమ్ ॥ 1 ॥
యచ్చ మనసి చింత్యతే, యచ్చ కీర్త్యతే గిరా తచ్చ మూర్తరూపతాం, ఏతి నిత్యజీవనే జనన్యనన్యచరణయోః సమర్పితస్వజీవనాః ధ్యేయసాధనవ్రతా వయం భవేమ సంగతాః ॥ 2 ॥
స్మరత్విహాగ్రజన్మనాం, త్యాగబలిసమర్పణం సింహకులసముద్భవాః సింహవిక్రమా వయం సంతు కష్టకోటయో భవతు విఘ్నవర్షణం సకృత్ప్రతిజ్ఞకా వయం భజేమ నో పలాయనమ్ ॥ 3 ॥
రచన: శ్రీ జనార్దన హేగ్డే
Browse Related Categories:
Offered for worship and study, not as prediction. Non-commercial.
More devotional texts