து³ர்கா³ கவசம் (ப்³ரஹ்மாண்ட³ புராணம்)

நாராயண உவாச

ஓம் து³ர்கே³தி சதுர்த்²யந்த: ஸ்வாஹாந்தோ மே ஶிரோவது । மந்த்ர: ஷட³க்ஷரோயம் ச ப⁴க்தானாம் கல்பபாத³ப: ॥ 1

விசாரோ நாஸ்தி வேதே³ஷு க்³ரஹணேஸ்ய மனோர்முனே । மந்த்ரக்³ரஹணமாத்ரேண விஷ்ணுதுல்யோ ப⁴வேன்னர: ॥ 2 ॥

மம வக்த்ரம் ஸதா³ பாது ஓம் து³ர்கா³யை நமோந்தத: । ஓம் து³ர்கே³ ரக்ஷயதி ச கண்ட²ம் பாது ஸதா³ மம ॥ 3 ॥

ஓம் ஹ்ரீம் ஶ்ரீமிதி மந்த்ரோயம் ஸ்கந்த⁴ம் பாது நிரந்தரம் । ஹ்ரீம் ஶ்ரீம் க்லீமிதி ப்ருஷ்ட²ம் ச பாது மே ஸர்வத: ஸதா³ ॥ 4 ॥

ஹ்ரீம் மே வக்ஷ:ஸ்த²லம் பாது ஹஸ்தம் ஶ்ரீமிதி ஸந்ததம் । ஶ்ரீம் ஹ்ரீம் க்லீம் பாது ஸர்வாங்க³ம் ஸ்வப்னே ஜாக³ரணே ததா² ॥ 5 ॥

ப்ராச்யாம் மாம் ப்ரக்ருதி: பாது: பாது வஹ்னௌ ச சண்டி³கா । த³க்ஷிணே ப⁴த்³ரகாலீ ச நைர்ருத்யாம் ச மஹேஶ்வரீ ॥ 6 ॥

வாருண்யாம் பாது வாராஹீ வாயவ்யாம் ஸர்வமங்க³லா । உத்தரே வைஷ்ணவீ பாது ததை²ஶான்யாம் ஶிவப்ரியா ॥ 7 ॥

ஜலே ஸ்த²லே சாந்தரிக்ஷே பாது மாம் ஜக³த³ம்பி³கா । இதி தே கதி²தம் வத்ஸ கவசம் ச ஸுது³ர்லப⁴ம் ॥ 8 ॥