க³ங்கா³ ஸ்தோத்ரம்

ദേവി! സുരേശ്വരി! ഭഗവതി! ഗംഗേ ത്രിഭുവനതാരിണി തരളതരംഗേ । ശംകരമൌളിവിഹാരിണി വിമലേ മമ മതിരാസ്താം തവ പദകമലേ ॥ 1 ॥

ഭാഗീരഥിസുഖദായിനി മാതസ്തവ ജലമഹിമാ നിഗമേ ഖ്യാതഃ । നാഹം ജാനേ തവ മഹിമാനം പാഹി കൃപാമയി മാമജ്ഞാനമ് ॥ 2 ॥

ഹരിപദപാദ്യതരംഗിണി ഗംഗേ ഹിമവിധുമുക്താധവളതരംഗേ । ദൂരീകുരു മമ ദുഷ്കൃതിഭാരം കുരു കൃപയാ ഭവസാഗരപാരമ് ॥ 3 ॥

തവ ജലമമലം യേന നിപീതം പരമപദം ഖലു തേന ഗൃഹീതമ് । മാതര്ഗംഗേ ത്വയി യോ ഭക്തഃ കില തം ദ്രഷ്ടും ന യമഃ ശക്തഃ ॥ 4 ॥

പതിതോദ്ധാരിണി ജാഹ്നവി ഗംഗേ ഖംഡിത ഗിരിവരമംഡിത ഭംഗേ । ഭീഷ്മജനനി ഹേ മുനിവരകന്യേ പതിതനിവാരിണി ത്രിഭുവന ധന്യേ ॥ 5 ॥

കല്പലതാമിവ ഫലദാം ലോകേ പ്രണമതി യസ്ത്വാം ന പതതി ശോകേ । പാരാവാരവിഹാരിണി ഗംഗേ വിമുഖയുവതി കൃതതരലാപാംഗേ ॥ 6 ॥

തവ ചേന്മാതഃ സ്രോതഃ സ്നാതഃ പുനരപി ജഠരേ സോപി ന ജാതഃ । നരകനിവാരിണി ജാഹ്നവി ഗംഗേ കലുഷവിനാശിനി മഹിമോത്തുംഗേ ॥ 7 ॥

പുനരസദംഗേ പുണ്യതരംഗേ ജയ ജയ ജാഹ്നവി കരുണാപാംഗേ । ഇംദ്രമുകുടമണിരാജിതചരണേ സുഖദേ ശുഭദേ ഭൃത്യശരണ്യേ ॥ 8 ॥