Hanuma · Traditional devotional text · Source: vignanam.org (Traditional devotional text (public-domain shlokas))
వీతాఖిలవిషయేచ్ఛం జాతానందాశ్రుపులకమత్యచ్ఛం సీతాపతి దూతాద్యం వాతాత్మజమద్య భావయే హృద్యమ్ ॥ 1 ॥
తరుణారుణముఖకమలం కరుణారసపూరపూరితాపాంగం సంజీవనమాశాసే మంజులమహిమానమంజనాభాగ్యమ్ ॥ 2 ॥
శంబరవైరిశరాతిగమంబుజదల విపులలోచనోదారం కంబుగలమనిలదిష్టం బింబజ్వలితోష్ఠమేకమవలంబే ॥ 3 ॥
దూరీకృతసీతార్తిః ప్రకటీకృతరామవైభవస్ఫూర్తిః దారితదశముఖకీర్తిః పురతో మమ భాతు హనుమతో మూర్తిః ॥ 4 ॥
వానరనికరాధ్యక్షం దానవకులకుముదరవికరసదృశం దీనజనావనదీక్షం పవనతపః పాకపుంజమద్రాక్షమ్ ॥ 5 ॥
ఏతత్పవనసుతస్య స్తోత్రం యః పఠతి పంచరత్నాఖ్యం చిరమిహ నిఖిలాన్భోగాన్భుంక్త్వా శ్రీరామభక్తిభాగ్భవతి ॥ 6 ॥
Browse Related Categories:
Offered for worship and study, not as prediction. Non-commercial.
More devotional texts