நாராயணீயம் த³ஶக 1௦ - ஸ்ருஷ்டிவைவித்⁴யம்

বৈকুংঠ বর্ধিতবলোঽথ ভবত্প্রসাদা- দংভোজয়োনিরসৃজত্ কিল জীবদেহান্ । স্থাস্নূনি ভূরুহময়ানি তথা তিরশ্চাং জাতিং মনুষ্যনিবহানপি দেবভেদান্ ॥1॥

মিথ্য়াগ্রহাস্মিমতিরাগবিকোপভীতি- রজ্ঞানবৃত্তিমিতি পংচবিধাং স সৃষ্ট্বা । উদ্দামতামসপদার্থবিধানদূন - স্তেনে ত্বদীযচরণস্মরণং বিশুদ্ধ্য়ৈ ॥2॥

তাবত্ সসর্জ মনসা সনকং সনংদং ভূয়ঃ সনাতনমুনিং চ সনত্কুমারম্ । তে সৃষ্টিকর্মণি তু তেন নিয়ুজ্যমানা- স্ত্বত্পাদভক্তিরসিকা জগৃহুর্ন বাণীম্ ॥3॥

তাবত্ প্রকোপমুদিতং প্রতিরুংধতোঽস্য় ভ্রূমধ্যতোঽজনি মৃডো ভবদেকদেশঃ । নামানি মে কুরু পদানি চ হা বিরিংচে- ত্য়াদৌ রুরোদ কিল তেন স রুদ্রনামা ॥4॥

একাদশাহ্বযতয়া চ বিভিন্নরূপং রুদ্রং বিধায় দয়িতা বনিতাশ্চ দত্বা । তাবংত্যদত্ত চ পদানি ভবত্প্রণুন্নঃ প্রাহ প্রজাবিরচনায় চ সাদরং তম্ ॥5॥

রুদ্রাভিসৃষ্টভযদাকৃতিরুদ্রসংঘ- সংপূর্যমাণভুবনত্রযভীতচেতাঃ । মা মা প্রজাঃ সৃজ তপশ্চর মংগলায়ে- ত্য়াচষ্ট তং কমলভূর্ভবদীরিতাত্মা ॥6॥

তস্য়াথ সর্গরসিকস্য় মরীচিরত্রি- স্তত্রাঙিগরাঃ ক্রতুমুনিঃ পুলহঃ পুলস্ত্য়ঃ । অংগাদজাযত ভৃগুশ্চ বসিষ্ঠদক্ষৌ শ্রীনারদশ্চ ভগবন্ ভবদংঘ্রিদাসঃ ॥7॥

ধর্মাদিকানভিসৃজন্নথ কর্দমং চ বাণীং বিধায় বিধিরংগজসংকুলোঽভূত্ । ত্বদ্বোধিতৈস্সনকদক্ষমুখৈস্তনূজৈ- রুদ্বোধিতশ্চ বিররাম তমো বিমুংচন্ ॥8॥