நாராயணீயம் த³ஶக 69 - ராஸக்ரீடா³

கேஶபாஶத்⁴ருதபிஞ்சி²காவிததிஸஞ்சலன்மகரகுண்ட³லம் ஹாரஜாலவனமாலிகாலலிதமங்க³ராக³க⁴னஸௌரப⁴ம் । பீதசேலத்⁴ருதகாஞ்சிகாஞ்சிதமுத³ஞ்சத³ம்ஶுமணினூபுரம் ராஸகேலிபரிபூ⁴ஷிதம் தவ ஹி ரூபமீஶ கலயாமஹே ॥1॥

தாவதே³வ க்ருதமண்ட³னே கலிதகஞ்சுலீககுசமண்ட³லே க³ண்ட³லோலமணிகுண்ட³லே யுவதிமண்ட³லேத² பரிமண்ட³லே । அந்தரா ஸகலஸுந்த³ரீயுக³லமிந்தி³ராரமண ஸஞ்சரன் மஞ்ஜுலாம் தத³னு ராஸகேலிமயி கஞ்ஜனாப⁴ ஸமுபாத³தா⁴: ॥2॥

வாஸுதே³வ தவ பா⁴ஸமானமிஹ ராஸகேலிரஸஸௌரப⁴ம் தூ³ரதோபி க²லு நாரதா³க³தி³தமாகலய்ய குதுகாகுலா । வேஷபூ⁴ஷணவிலாஸபேஶலவிலாஸினீஶதஸமாவ்ருதா நாகதோ யுக³பதா³க³தா வியதி வேக³தோத² ஸுரமண்ட³லீ ॥3॥

வேணுனாத³க்ருததானதா³னகலகா³னராக³க³தியோஜனா- லோப⁴னீயம்ருது³பாத³பாதக்ருததாலமேலனமனோஹரம் । பாணிஸங்க்வணிதகங்கணம் ச முஹுரம்ஸலம்பி³தகராம்பு³ஜம் ஶ்ரோணிபி³ம்ப³சலத³ம்ப³ரம் பஜ⁴த ராஸகேலிரஸட³ம்ப³ரம் ॥4॥

ஸ்பர்த⁴யா விரசிதானுகா³னக்ருததாரதாரமது⁴ரஸ்வரே நர்தனேத² லலிதாங்க³ஹாரலுலிதாங்க³ஹாரமணிபூ⁴ஷணே । ஸம்மதே³ன க்ருதபுஷ்பவர்ஷமலமுன்மிஷத்³தி³விஷதா³ம் குலம் சின்மயே த்வயி நிலீயமானமிவ ஸம்முமோஹ ஸவதூ⁴குலம் ॥5॥

ஸ்வின்னஸன்னதனுவல்லரீ தத³னு காபி நாம பஶுபாங்க³னா காந்தமம்ஸமவலம்ப³தே ஸ்ம தவ தாந்திபா⁴ரமுகுலேக்ஷணா ॥ காசிதா³சலிதகுந்தலா நவபடீரஸாரக⁴னஸௌரப⁴ம் வஞ்சனேன தவ ஸஞ்சுசும்ப³ பு⁴ஜமஞ்சிதோருபுலகாங்குரா ॥6॥

காபி க³ண்ட³பு⁴வி ஸன்னிதா⁴ய நிஜக³ண்ட³மாகுலிதகுண்ட³லம் புண்யபூரனிதி⁴ரன்வவாப தவ பூக³சர்விதரஸாம்ருதம் । இந்தி³ராவிஹ்ருதிமந்தி³ரம் பு⁴வனஸுந்த³ரம் ஹி நடனாந்தரே த்வாமவாப்ய த³து⁴ரங்க³னா: கிமு ந ஸம்மதோ³ன்மத³த³ஶாந்தரம் ॥7॥