Vishnu · Traditional devotional text · Source: vignanam.org (Traditional devotional text (public-domain shlokas))
വൃകഭൃഗുമുനിമോഹിന്യംബരീഷാദിവൃത്തേ- ഷ്വയി തവ ഹി മഹത്ത്വം സർവശർവാദിജൈത്രമ് । സ്ഥിതമിഹ പരമാത്മന് നിഷ്കലാർവാഗഭിന്നം കിമപി യദവഭാതം തദ്ധി രൂപം തവൈവ ॥1॥
മൂര്തിത്രയേശ്വരസദാശിവപംചകം യത് പ്രാഹുഃ പരാത്മവപുരേവ സദാശിവോഽസ്മിന് । തത്രേശ്വരസ്തു സ വികുംഠപദസ്ത്വമേവ ത്രിത്വം പുനര്ഭജസി സത്യപദേ ത്രിഭാഗേ ॥2॥
Offered for worship and study, not as prediction. Non-commercial.
More devotional texts
തത്രാപി സാത്ത്വികതനും തവ വിഷ്ണുമാഹു- ര്ധാതാ തു സത്ത്വവിരലോ രജസൈവ പൂര്ണഃ । സത്ത്വോത്കടത്വമപി ചാസ്തി തമോവികാര- ചേഷ്ടാദികംച തവ ശംകരനാമ്നി മൂര്തൌ ॥3॥
തം ച ത്രിമൂര്ത്യതിഗതം പരപൂരുഷം ത്വാം ശർവാത്മനാപി ഖലു സർവമയത്വഹേതോഃ । ശംസംത്യുപാസനവിധൌ തദപി സ്വതസ്തു ത്വദ്രൂപമിത്യതിദൃഢം ബഹു നഃ പ്രമാണമ് ॥4॥
ശ്രീശംകരോഽപി ഭഗവാന് സകലേഷു താവ- ത്ത്വാമേവ മാനയതി യോ ന ഹി പക്ഷപാതീ । ത്വന്നിഷ്ഠമേവ സ ഹി നാമസഹസ്രകാദി വ്യാഖ്യാത് ഭവത്സ്തുതിപരശ്ച ഗതിം ഗതോഽംതേ ॥5॥
മൂര്തിത്രയാതിഗമുവാച
ച മംത്രശാസ്ത്ര- സ്യാദൌ കലായസുഷമം സകലേശ്വരം ത്വാമ് । ധ്യാനം ച നിഷ്കലമസൌ പ്രണവേ ഖലൂക്ത്വാ ത്വാമേവ തത്ര സകലം നിജഗാദ നാന്യമ് ॥6
സമസ്തസാരേ ച പുരാണസംഗ്രഹേ വിസംശയം ത്വന്മഹിമൈവ വര്ണ്യതേ । ത്രിമൂര്തിയുക്സത്യപദത്രിഭാഗതഃ പരം പദം തേ കഥിതം ന ശൂലിനഃ ॥7॥
യത് ബ്രാഹ്മകല്പ ഇഹ ഭാഗവതദ്വിതീയ- സ്കംധോദിതം വപുരനാവൃതമീശ ധാത്രേ । തസ്യൈവ നാമ ഹരിശർവമുഖം ജഗാദ ശ്രീമാധവഃ ശിവപരോഽപി പുരാണസാരേ ॥8॥
യേ സ്വപ്രകൃത്യനുഗുണാ ഗിരിശം ഭജംതേ തേഷാം ഫലം ഹി ദൃഢയൈവ തദീയഭക്ത്യാ। വ്യാസോ ഹി തേന കൃതവാനധികാരിഹേതോഃ സ്കംദാദികേഷു തവ ഹാനിവചോഽര്ഥവാദൈഃ ॥9॥
ഭൂതാര്ഥകീര്തിരനുവാദവിരുദ്ധവാദൌ ത്രേധാര്ഥവാദഗതയഃ ഖലു രോചനാര്ഥാഃ । സ്കാംദാദികേഷു ബഹവോഽത്ര വിരുദ്ധവാദാ- സ്ത്വത്താമസത്വപരിഭൂത്യുപശിക്ഷണാദ്യാഃ ॥10॥
യത് കിംചിദപ്യവിദുഷാഽപി വിഭോ മയോക്തം തന്മംത്രശാസ്ത്രവചനാദ്യഭിദൃഷ്ടമേവ । വ്യാസോക്തിസാരമയഭാഗവതോപഗീത ക്ലേശാന് വിധൂയ കുരു ഭക്തിഭരം പരാത്മന് ॥11॥
Browse Related Categories: